നാല് കാലും കൈയ്യുമായി കുട്ടി ജനിച്ചു; ദൈവമാണെന്ന് ഗ്രാമവാസികള്
ഗിരിധ് : നാല് കാലും നാല് കൈയുമായി ജനിച്ച ആണ്കുട്ടി ഗ്രാമവാസികള്ക്ക് ഇപ്പോള് ദൈവമാണ്. ഝാര്ഖണ്ഡിലെ ഗിരിധ് ജില്ലയിലെ ധുമ്രി എന്ന സ്ഥലത്താണ് സംഭവം. കുട്ടി ഗണപതിയുടെ അവതാരമാണെന്ന് മറ്റ് ചിലരുടെ വിശ്വാസം.
കുഞ്ഞ് നാടിന് ഐശ്വര്യം കൊണ്ടുവരുമെന്നാണ് ഇവരുടെ വ വിശ്വാസം. അതിനാല് കുട്ടിയുടെ ജനനം ആഘോഷമാക്കുകയാണ് ഗ്രാമവാസികള്. കുട്ടിയുടെ പേരോ മറ്റ് വിവരങ്ങളോ ഒന്നും തന്നെ ലഭ്യമല്ല.
കുട്ടിയെ കാണാന് മറ്റ് സംസ്ഥാനങ്ങളില് നിന്നും ആളുകള് എത്തുന്നുണ്ട്. സുഹൃത്ത് അയച്ചു നല്കിയ കുട്ടിയുടെ ചിത്രം കണ്ട് വിശ്വാസമാകാത്ത കുന്ഡലേഷ് പാണ്ടെ എന്ന യുവാവ് 115 കിലോമീറ്റര് ദൂരം സഞ്ചരിച്ചാണ് കുഞ്ഞിനെ കാണാനെത്തിയത്.
മുന്പും ഇത്തരത്തിലുള്ള സംഭവങ്ങള് റിപ്പോര്ട്ട് ചെയ്തിട്ടുണ്ട്. ഉത്തര്പ്രദേശിലെ അലിഗഡില് മൂക്കിന് നീളം കൂടി ജനിച്ച പെണ്കുഞ്ഞ് ഗണപതിയുടെ ഭാര്യയാണെന്ന് നാട്ടുകാര് വിശ്വസിച്ചിരുന്നു