നിധിക്ക് വേണ്ടി പള്ളി ഇമാം കുട്ടിയെ ബലികൊടുത്തു
മംഗലാപുരം: അന്ധവിശ്വാസത്തിന് ജാതിയോ മതമോ ഇല്ല. പണത്തിന് വേണ്ടി ആളുകള് എന്തും ചെയ്യും. പ്രത്യേകിച്ച് നിധിയെന്തെങ്കിലും കിട്ടുമെന്ന് ആരെങ്കിലും പറഞ്ഞാല്.
സിദ്ധന്മാരുടെ വാക്കുകേട്ട് നിധി കിട്ടാനായി സ്വന്തം മകളെ ബലി കൊടുത്ത പള്ളി ഇമാമിന്റെ കഥയാണ് മംഗലാപുരത്ത് നിന്ന് കേള്ക്കുന്നത്. ഒരുവയസ്സ് മാത്രം പ്രായമുള്ള പെണ്കുട്ടിയെയാണ് ഇയാള് ബലി നല്കിയത്.
ഗുല്ബര്ഗ ഫിറോസാബാദിലെ പള്ളിയിലെ ഇമാം ആണ് കുഞ്ഞിനെ ബലികൊടുത്തത്. ഇയാള് ബീഹാര് സ്വദേശിയാണ്. മെയ് 22 ന് കാണാതായ പെണ്കുട്ടിയ മൃതദേഹം നാല് ദിവസത്തിന് ശേഷം അഴുകിയ നിലയിലാണ് കണ്ടെത്തിയത്.
കര്ണാകടയില് നിന്ന് നേരത്തേയും നിധിക്കായുള്ള നരബലി വാര്ത്തകള് വന്നിട്ടുണ്ട്. സിദ്ധന്മാരുടേയും ജ്യോതിഷികളുടേയും വാഗ്ദാനം കേട്ടിട്ടാണ് പലരും സ്വന്തം കുട്ടികളെ നിധികിട്ടാനായി ബലി നല്കിയത്.
ഗുല്ബര്ഗയിലെ പള്ളി ഇമാം കുഞ്ഞിനെ ബലി കൊടുത്ത കാര്യം പോലീസിനോട് സമ്മതിച്ചിട്ടുണ്ട്. ഫിറോസാബാദ് കോട്ടക്കടുത്ത് നിന്ന് നിധികിട്ടും എന്നായിരുന്നത്രെ സിദ്ധന്മാര് ഇയാളോട് പറഞ്ഞിരുന്നത്. കുട്ടിയെ ബലി നല്കിയതിന് ശേഷം പലയിടത്തും കുഴിച്ചുനോക്കിതായും ഇയാള് പോലീസിനോട് സമ്മതിച്ചു.
കുട്ടിയുടെ മൃതദേഹം കിട്ടിതിന് പിറകേ ുോലീസ് രണ്ട് പേരെ അറസ്റ്റ് ചെയ്തിരുന്നു. ബലിനല്കാനും മറ്റും ഇമാമിനെ സഹായിച്ചവരായിരുന്നു ഇവര്. ഇതില് ഒരാള് പോലീസ് കസ്റ്റഡിയില് മരിച്ചിരുന്നു.