കുഞ്ഞിന് രണ്ട് ലിംഗങ്ങളും നാല് കാലുകളും..!! ദൈവത്തിന്റെ അവതാരമെന്ന് അമ്മ.. !!

കര്‍ണാടകത്തിലെ ദമ്പതികള്‍ക്ക് പിറന്ന കുഞ്ഞിന് അപൂര്‍വ്വരൂപം.

ബെല്ലാരി: കര്‍ണാടകയിലെ ബെല്ലാരിയില്‍ നാല് കാലുകളും രണ്ട് പുരുഷ ജനനേന്ദ്രിയങ്ങളുമായി ആണ്‍കുഞ്ഞ് പിറന്നു. ഇരുപത്തിമൂന്നുകാരിയായ ലളിതാമ്മയ്ക്കും ഇരുപത്താറുകാരനായ ചന്നബാസവയ്ക്കുമാണ് ഗുരുതര ജനിതക വൈകല്യങ്ങളുമായി കുഞ്ഞ് പിറന്നത്.

റെയ്ചൂരിലെ സിന്ദനൂരെ സ്വദേശികളാണ് ചന്നബാസവയും ഭാര്യയായ ലളിതാമ്മയും. റെയ്ചൂരിലെ ഒരു പ്രാഥമിക ആരോഗ്യകേന്ദ്രത്തില്‍ ശനിയാഴ്ച പുലര്‍ച്ചെയാണ് കുഞ്ഞ് ജനിച്ചത്. സ്വാഭാവിക പ്രസവമായിരുന്നു കുഞ്ഞിന്റേത്. കുഞ്ഞിനെ വിജയനഗര മെഡിക്കല്‍ സയന്‍സ് ഇന്‍സ്റ്റിറ്റ്യൂട്ടിലേക്ക് മാറ്റിയിരിക്കുകയാണ്.

അപൂര്‍വ രൂപത്തില്‍ പിറന്ന കുഞ്ഞ് ദൈവത്തിന്റെ അവതാരമാണെന്നാണ് ആദ്യം ലളിതാമ്മ വിശ്വസിച്ചിരുന്നത്. ഇത് കാരണം കുഞ്ഞിനെ വിദഗ്ദചികിത്സ നല്‍കാനായി പ്രാഥമികാരോഗ്യ കേന്ദ്രത്തില്‍ നിന്നും മാറ്റാന്‍ ഇവര്‍ തയ്യാറായിരുന്നില്ല. പിന്നീട് കുടുംബത്തിലുള്ളവരും ഡോക്ടര്‍മാരും നിര്‍ബന്ധിച്ചതിന് ശേഷമാണ് കുഞ്ഞിനെ മാറ്റാന്‍ തയ്യാറായത്.

ചന്നബാസവ-ലളിതാമ്മ ദമ്പതികളുടെ ആദ്യത്തെ മകന് ഇത്തരത്തിലുള്ള ജനിതകമായ കുഴപ്പങ്ങളൊന്നും ഉണ്ടായിരുന്നില്ല. വിദഗ്ധ ചികിത്സ വഴി കുഞ്ഞിനെ സാധാരണ ജീവിതത്തിലേക്ക് തിരിച്ചുകൊണ്ടുവരാന്‍ കഴിയുമെന്നാണ് ഡോക്ടര്‍മാരുടെ പ്രതീക്ഷ.

English summary

A woman in Ballari has given birth to a baby with 4 legs and 2 male sex organs. The baby is under observation of Medical team.