Click it and Unblock the Notifications
Just In
-
-
-
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പിന്തുണ വിദ്യാര്‍ഥികള്‍ക്ക്, പ്രമുഖ നടി പല്ലവി ജോഷി രാജിവെച്ചു
പുനെ: പ്രമുഖ നടി പല്ലവി ജോഷി പുനെ ഫിലിം ഇന്‍സ്റ്റിറ്റ്യൂട്ട് സൊസൈറ്റി അംഗത്വം രാജിവെച്ചു. സീരിയല്‍ താരം ഗജേന്ദ്ര ചൗഹാനെ പുനെ ഫിലിം ഇന്‍സ്റ്റിറ്റ്യൂട്ട് ചെയര്‍മാനായി നിയമിച്ചതില്‍ പ്രതിഷേധങ്ങള്‍ നടക്കുന്നതിനിടെയാണ് നടിയുടെ തീരുമാനം. ഗജേന്ദ്ര ചൗഹാനെ ചെയര്‍മാനാക്കിയ തീരുമാനം പരിശോധിക്കണമെന്ന വിദ്യാര്‍ഥികളുടെ ആവശ്യത്തോട് ഐക്യദാര്‍ഢ്യം പ്രകടിപ്പിച്ചാണ് രാജി.
വിദ്യാര്‍ഥികള്‍ക്ക് സംതൃപ്തിയില്ലാത്ത സാഹചര്യത്തില്‍ ഫിലിം ഇന്‍സ്റ്റിറ്റ്യൂട്ട് സൊസൈറ്റി അംഗമായി തുടരുന്നതില്‍ അര്‍ഥമില്ല എന്ന് പറഞ്ഞാണ് പല്ലവി ജോഷി രാജിവെച്ചത്. ധാര്‍മികമായ നിലപാടാണ് താന്‍ എടുത്തിരിക്കുന്നതെന്നും നടി പറഞ്ഞു. അധികൃതര്‍ സമ്മര്‍ദ്ദം ചെലുത്തിയാലും താന്‍ രാജിതീരുമാനം പുനപരിശോധിക്കില്ല എന്ന നിലപാടിലാണ് പല്ലവി ജോഷി.
അതേസമയം ഫിലിം ഇന്‍സ്റ്റിറ്റ്യൂട്ടില്‍ ഗജേന്ദ്ര ചൗഹാനെ നിയമിച്ചതിനെതിരെ വിദ്യാര്‍ഥികളുടെ പ്രതിഷേധം തുടരുകയാണ്. ഗജേന്ദ്ര ചൗഹാന്റെ നിയമനം കാവി വത്കരണത്തിന്റെ ഭാഗമാണ് എന്നാണ് പ്രക്ഷോഭം സംഘടിപ്പിച്ചിരിക്കുന്ന വിദ്യാര്‍ഥികളുടെ ആരോപണം. ഇത് ഇരുപത്തിയഞ്ചാം ദിവസമാണ് വിദ്യാര്‍ഥികള്‍ ക്ലാസുകള്‍ ബഹിഷ്‌കരിക്കുന്നത്.
ഗജേന്ദ്ര ചൗഹാന്റെ നിയമനം എത്രയും പെട്ടെന്ന് റദ്ദാക്കണമെന്ന് ആവശ്യപ്പെട്ട് വിദ്യാര്‍ഥി പ്രതിനിധികള്‍ കേന്ദ്രമന്ത്രി അരുണ്‍ ജെയ്റ്റ്‌ലിയുമായി ചര്‍ച്ച നടത്തിയിരുന്നു. എന്നാല്‍ ഇത് ഫലം കണ്ടില്ല. പുനെ ഫിലിം ഇന്‍സ്റ്റിറ്റ്യൂട്ടിനെ നയിക്കാനുള്ള അര്‍ഹത ചൗഹാന് ഇല്ലെന്നാണ് സമരക്കാര്‍ പറയുന്നത്. ചൗഹാന് രാജിവെക്കുന്നത് സമരം തുടരുമെന്നാണ് ഇവരുടെ നിലപാട്.
