Click it and Unblock the Notifications
Just In
Don't Miss
-
IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സൈന നേവാള്‍ രാജ്യദ്രോഹിയെന്ന് സോഷ്യല്‍ മീഡിയ, കാരണം പുതിയ മൊബൈല്‍ ഫോണും!
സൈന നേവാള്‍ തന്റെ പുതിയ മൊബൈല്‍ഫോണുമായി നില്‍ക്കുന്ന ഫോട്ടോയാണ് സോഷ്യല്‍മീഡിയയിലെ രാജ്യസ്‌നേഹികള്‍ വിവാദമാക്കിയിരിക്കുന്നത്.
ദില്ലി: ഒരു പുതിയ മൊബൈല്‍ ഫോണ്‍ വാങ്ങിയത് ഇങ്ങനെ പുലിവാലാകുമെന്ന് സൈന ഒരിക്കലും വിചാരിച്ചിട്ടുണ്ടാകില്ല. അത്രയേറെ കമന്‍റുകളാണ് സൈനയുടെ ഫേസ്ബുക്ക് പേജില്‍ കുമിഞ്ഞുകൂടുന്നത്. സൈന നേവാള്‍ തന്റെ പുതിയ മൊബൈല്‍ഫോണുമായി നില്‍ക്കുന്ന ഫോട്ടോയാണ് ഇപ്പോള്‍ സോഷ്യല്‍മീഡിയയിലെ രാജ്യസ്‌നേഹികള്‍ വിവാദമാക്കിയിരിക്കുന്നത്.
ഡിസംബര്‍ 11 നാണ് തന്റെ പുതിയ ഫോണിന്റെ ഫോട്ടോ സൈന ഫേസ്ബുക്ക് പേജില്‍ പോസ്റ്റ് ചെയ്തത്. ഹോണര്‍ 8 എന്ന തന്റെ പുതിയ ഫോണും അതിന്റെ നിറവും ഏറെ ഇഷ്ടമായെന്നാണ് സൈന ഫോട്ടോയ്‌ക്കൊപ്പം പറഞ്ഞത്. എന്നാല്‍ സൈന രാജ്യദ്രോഹിയാണെന്നും ചൈനീസ് മൊബൈല്‍ ഫോണ്‍ കമ്പനിയുടെ ബ്രാന്‍ഡിംഗ് നടത്തുകയാണെന്നുമാണ് ചിലര്‍ കമന്റ് ചെയ്തിരിക്കുന്നത്.
പോസ്റ്റ് ചെയ്തത് ഡിസംബര്‍ 11ന്
ഹോണര്‍ 8 എന്ന തന്റെ പുതിയ മൊബൈല്‍ ഫോണുമായി നില്‍ക്കുന്ന ചിത്രമാണ് സൈന ഡിസംബര്‍ 11ന് ഫേസ്ബുക്ക് പേജില്‍ പോസ്റ്റ് ചെയ്തത്.
രാജ്യദ്രോഹിയെന്നും ചിലര്‍
ഹോണര്‍ 8 എന്ന ചൈനീസ് കമ്പനിയുടെ മൊബൈല്‍ ഫോണ്‍ ചിത്രം പോസ്റ്റ് ചെയ്തതിലൂടെ സൈന ചൈനീസ് ഉല്‍പ്പന്നങ്ങള്‍ പ്രോത്സാഹിപ്പിക്കുകയാണെന്നും, ചൈനീസ് കമ്പനിയുടെ ബ്രാന്‍ഡ് അംബാസിഡറാണെന്നും രാജ്യദ്രോഹിയാണെന്നുമൊക്കെയാണ് ചിലര്‍ കമന്റ് ചെയ്തിരിക്കുന്നത്.
ചൈനീസ് ഉല്‍പ്പന്നങ്ങള്‍ രാജ്യത്തിന് ഹാനികരമെന്ന്...
സൈനയ്ക്ക് ഉപദേശങ്ങള്‍ നല്‍കാനും ചില രാജ്യസ്‌നേഹികള്‍ മറന്നില്ല. ചൈനീസ് ഉല്‍പ്പന്നങ്ങള്‍ നമ്മുടെ രാജ്യത്തിന് ഹാനികരമാണെന്നും നിങ്ങള്‍ ചൈനീസ് ഉല്‍പ്പന്നങ്ങള്‍ ഉപയോഗിക്കാന്‍ ദയവ് ചെയ്ത് നിര്‍ദേശിക്കരുതെന്നുമെല്ലാമാണ് ഉപദേശങ്ങള്‍.
മെയ്ക്ക് ഇന്‍ ഇന്ത്യയിലൂടെ
എന്നാല്‍ ഹോണര്‍ 8 എന്ന മൊബൈല്‍ ഫോണ്‍ നിര്‍മ്മാതാക്കളായ ഹ്യൂവായിയുടെ പുതിയ പ്ലാന്റ് ചെന്നൈയില്‍ ആരംഭിക്കാനിരിക്കുന്നത് ഇവരൊന്നും അറിഞ്ഞ മട്ടില്ല. നരേന്ദ്രമോദിയുടെ മെയ്ക്ക് ഇന്‍ ഇന്ത്യ പദ്ധതിയുടെ ഭാഗമായാണ് ഹ്യൂവായ് ചെന്നൈയില്‍ പുതിയ പ്ലാന്റ് പ്രവര്‍ത്തനമാരംഭിക്കുന്നത്.
കമന്‍റുകള്‍ നോക്കേണ്ടെന്ന് ...
എന്നാല്‍ സൈന നേവാളിനെ രാജ്യദ്രോഹിയാക്കി ചിത്രീകരിച്ചവര്‍ക്കെതിരെ നിരവധി പേര്‍ രംഗത്തെത്തി. ഇതൊന്നും സൈന മൈന്‍ഡ് ചെയ്യേണ്ടെന്നും സൈനയ്ക്ക് എല്ലാവിധ പിന്തുണയുമുണ്ടെന്നുമാണ് അവര്‍ പറഞ്ഞത്.
