ബാലാകോട്ട് വ്യോമാക്രമണത്തിലെ ഹീറോ, അഭിനന്ദൻ വർധമാന് ഗ്രൂപ്പ് ക്യാപ്റ്റനായി സ്ഥാനക്കയറ്റം

ന്യൂഡൽഹി: ഇന്ത്യൻ വ്യോമസേന യുദ്ധവീരനായ അഭിനന്ദൻ വർദ്ധമാന് ഗ്രൂപ്പ് ക്യാപ്റ്റൻ പദവിയിലേക്ക് സ്ഥാനക്കയറ്റം ലഭിച്ചു. ഇന്ത്യൻ വ്യോമസേനയിലെ വിംഗ് കമാൻഡറും മിഗ് 21 ബൈസൺ പൈലറ്റുമാണ് അഭിനന്ദൻ വർദ്ധമാൻ.

2019 ഫെബ്രുവരി 27-ന് പാകിസ്ഥാനിലെ ഭീകര ക്യാമ്പുകളിൽ നടത്തിയ വ്യോമാക്രമണത്തിലെ പങ്കിന് അഭിനന്ദൻ വർദ്ധമാന് വീര ചക്ര പുരസ്‌കാരം ലഭിച്ചിരുന്നു. ഫെബ്രുവരി 27-ന് പാകിസ്ഥാൻ വ്യോമസേനയുടെ വ്യോമാക്രമണം തടയുന്നതിൽ ഇന്ത്യൻ വ്യോമസേനയുടെ പന്ത്രണ്ട് മിറാഷ് 2000 പോർ‌ വിമാനങ്ങൾ കശ്മീരിലെ നിയന്ത്രണരേഖ കടന്ന് ആക്രമണം നടത്തി.അന്ന് ഇന്ത്യൻ സൈന്യം പാകിസ്ഥാനെ തിരിച്ചടിക്കുകയായിരുന്നു.

ഫെബ്രുവരി 14 ൽ പാകിസ്ഥാൻ ഭീകര സംഘടനയായ ജെയ്‌ഷെ ഇ മുഹമ്മദ് പുല്‍വാമയില്‍ 40 സി ആര്‍ പി എഫ് ജവാന്മാരെ ബോംബ് സ്‌ഫോടനത്തിലൂടെ കൊലപ്പെടുത്തിയതിന്റെ തിരിച്ചടിയായാണ് ഇന്ത്യ ബലാകോട്ട് വ്യോമാക്രമണം നടത്തിയത്. ഇതിന് പ്രതികാരമായി ഫെബ്രുവരി 27-ന് വെളുപ്പിന് ഇന്ത്യ പാകിസ്ഥാന്‍ അതിര്‍ത്തി കടന്ന് ഭീകരന്മാരുടെ പരിശീലന കേന്ദ്രങ്ങള്‍ തകര്‍ത്തു. ഏകദേശം 21 മിനിട്ട് സമയം ഈ ആക്രമണം നീണ്ടു നിന്നിരുന്നു. വ്യോമാക്രമണത്തിൽ 250-350 ജെയ്‌ഷ് മൊഹമ്മദ് തീവ്രവാദികൾ കൊല്ലപ്പെടുകയും ചെയ്തതായി ഇന്ത്യൻ സൈന്യം അവകാശപെടുന്നു.

1971ലെ പാകിസ്താനെതിരായ യുദ്ധത്തിന് ശേഷം ആദ്യമായി ഒരു രാജ്യാന്തര അതിര്‍ത്തി കടന്നുള്ള ആക്രമണമാണ് ബലാകോട്ടില്‍ ഇന്ത്യൻ വ്യോമസേന അന്ന് നടത്തിയത്. ഇസ്ലാമിക ഭീകരന്മാര്‍ ഒരിക്കലും മറക്കാത്ത തിരിച്ചടിയായിരുന്നു 12 ാം ദിവസം കൊണ്ട് ഇന്ത്യ നൽകിയ തിരിച്ചടി. പാക് ഭീകരന്മാരുടെ ഏറ്റവും വലിയ പരിശീലന കേന്ദ്രമാണ് ഇന്ത്യ തകര്‍ത്തെറിഞ്ഞത്. അന്ന് ഇന്ത്യ കൊണ്ടുപോയ 80 ശതമാനം മിസൈലുകളും വര്‍ഷിച്ച ശേഷമാണ് മിറാഷ് വിമാനങ്ങള്‍ പാകിസ്ഥാനിൽ നിന്നും മടങ്ങിയത്.

വിവിധ വ്യോമസേനാ കേന്ദ്രത്തില്‍ നിന്ന് പറന്നുയര്‍ന്ന 12 വിമാനങ്ങൾ സ്‌പൈസ് 2000 വിഭാഗത്തില്‍പെട്ട മിസൈലുകൾ എന്നിവയാണ് ഇന്ത്യ സജ്ജമാക്കിയിരുന്നത്. തിരിച്ചടിക്കാനായി പാകിസ്താന്‍ നടത്തിയ പരിശ്രമമാണ് ഇന്ത്യന്‍ സൈന്യത്തിന്റെ ധീരത വെളിവാക്കുന്ന അഭിനന്ദന്‍ വര്‍ധമാനെന്ന ക്യാപ്റ്റനെ പ്രശസ്തനാക്കിയത്.

English summary

Balakot airstrike hero, Abhinandan Vardhaman promoted to group captain