Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കേരളാ ഹൗസ് ബീഫ് വിവാദം: ഹിന്ദുസേന തലവന്‍ അറസ്റ്റില്‍!
ദില്ലി: തലസ്ഥാന നഗരമായ ദില്ലിയിലെ കേരള ഹൗസില്‍ പശുവിറച്ചി വിളമ്പുന്നു എന്ന വ്യാജ പരാതി നല്‍കിയ ഹിന്ദു സേന നേതാവിനെ പോലീസ് അറസ്റ്റ് ചെയ്തു. ഹിന്ദു സേനയുടെ നേതാവായ വിഷ്ണു ശര്‍മയെ ആണ് പോലീസ് അറസ്റ്റ് ചെയ്തത്. കേരള ഹൗസില്‍ കാന്റീനില്‍ പശുവിറച്ചി വിളമ്പുന്നു എന്നാണ് ഇയാള്‍ ദില്ലി പോലീസിനെ അറിയിച്ചത്.
ഈ വിവരത്തിന്റെ അടിസ്ഥാനത്തില്‍ പോലീസ് ഉദ്യോഗസ്ഥര്‍ കേരള ഹൗസിലെത്തി അന്വേഷണം നടത്തിയിരുന്നു. ഈ വിവരം നല്‍കിയ വിഷ്ണു ശര്‍മയെ പോലീസ് കസ്റ്റഡിയില്‍ എടുത്തതായി ദില്ലി ഡി സി പി ജതിന്‍ നര്‍വാള്‍ പറഞ്ഞു. ഇയാളെ പോലീസ് ചോദ്യം ചെയ്തുവരികയാണ്. ഐ പി സി 182 പ്രകാരമാണ് ഇയാളെ അറസ്റ്റ് ചെയ്തിരിക്കുന്നത്. കൂടുതല്‍ വിവരങ്ങള്‍ അറിവായിട്ടില്ല.
കേരള ഹൗസില്‍ പോലീസ് റെയ്ഡ് നടത്തിയത് വന്‍ വിവാദത്തിനാണ് ഇടവെച്ചത്. ഈ നീക്കം അംഗീകരിക്കാനാകില്ല എന്ന് കേരള മുഖ്യമന്ത്രി ഉമ്മന്‍ചാണ്ടി പറഞ്ഞു. കേരളത്തിലും പുറത്തുമുള്ള പ്രമുഖ നേതാക്കളും ഈ റെയ്ഡിനെതിരെ രംഗത്ത് വന്നു. റെയ്ഡിനെ തുടര്‍ന്ന് കേരള ഹൗസിലെ മെനുവില്‍ നിന്നും ബീഫ് തല്‍ക്കാലം ഒഴിവാക്കിയിരുന്നെങ്കിലും വീണ്ടും തിരിച്ചുവന്നു.
കേരള ഹൗസില്‍ ബീഫ് നല്‍കുന്നുണ്ടെന്ന് ആരോപിച്ച് റെയ്ഡ് നടത്തിയിട്ടില്ലെന്ന് ദില്ലി പോലിസ് കമ്മീഷണര്‍ ബി എസ് ബസി കഴിഞ്ഞ ദിവസം പറഞ്ഞിരുന്നു. കേരളാ ഹൗസ് ബീഫ് പരിശോധന നടത്തിയതിനെ തുടര്‍ന്ന് പ്രതിഷേധം ഉയരുന്ന സാഹചര്യത്തിലാണ് കമ്മീഷണറുടെ വിശദീകരണം. 1994 ലെ കന്നുകാലി സംരക്ഷണ വകുപ്പ് പ്രകാരമാണ് ഇവിടെ പരിശോധന നടത്തിയത്. ദില്ലിയില്‍ പശുവിനെ കശാപ്പു ചെയ്യുന്നത് നിരോധിച്ചതാണ്.
