Click it and Unblock the Notifications
Just In
Don't Miss
-
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കേരളത്തിലെ ടെക്കികള്‍ക്ക് ലഹരി മരുന്നെത്തിക്കുന്ന സംഘം ബംഗളൂരുവില്‍ അറസ്റ്റില്‍; 3 മലയാളികള്‍
ബംഗളൂരു: സെന്‍ട്രല്‍ ക്രൈംബ്രാഞ്ചും (സിസിബി) ബനസ്വാഡി പൊലീസും ചേര്‍ന്ന് രണ്ട് കേസുകളിലായി നാല് മയക്കുമരുന്ന് കടത്തുകാരെ പിടികൂടി. ഇവരില്‍ മൂന്ന് പേര്‍ അന്തര്‍ സംസ്ഥാന ലഹരി സംഘങ്ങളില്‍പ്പെട്ടവരാണ്. 200 ഗ്രാം എംഡിഎംഎ, 150 ഗ്രാം ഹാഷിഷ് ഓയില്‍, മൂന്ന് മൊബൈല്‍ ഫോണുകള്‍, 2,000 രൂപ എന്നിങ്ങനെ ഇവരുടെ കയ്യില്‍ നിന്ന് സിസിബി പിടികൂടി.
ഒരു റെസ്റ്റോറന്റിന് സമീപത്ത് നിന്ന് ലഹരി വസ്തുക്കള്‍ വില്‍ക്കുന്നതിനിടെയാണ് ഇവരെ പിടികൂടുന്നത്. രമീഷ്് (28), ആഷീര്‍ (32), ഷാഹിന്‍ (19) എന്നിവരാണ് ഇപ്പോള്‍ കസ്റ്റഡിയിലായിരിക്കുന്നത്. കോഴിക്കോട് സ്വദേശിയാണ് രമീഷ്, ആഷിറും ഷാഹീനും കണ്ണരൂര്‍ സ്വദേശികളാണ്. പച്ചക്കറി വില്‍പ്പന നടത്തുന്നയാളാണ് ആഷിര്‍, ബാക്കി രണ്ട് പേര്‍ക്ക് തൊഴിരഹിതരാണ്. മറ്റ് സംസ്ഥാനങ്ങളില്‍ നിന്ന് ലഹരിമരുന്ന് ശേഖരിച്ച് കേരളത്തിലെ ടെക്കികള്‍ക്കും മറ്റ് പ്രൊഫഷണലുകള്‍ക്ക് വിതരണം ചെയ്യുന്നതാണ് ഇവരുടെ രീതി.
അതേസമയം, മറ്റൊരു കേസില്‍ രാമനഗറിലെ റിയാസിനെ (38) ബനസ്വാഡി പൊലീസ് അറസ്റ്റ് ചെയ്തു. ഇയാളില്‍ നിന്നും 2.75 ലക്ഷം രൂപ വിലമതിക്കുന്ന 10 കിലോ കഞ്ചാവ് പിടിച്ചെടുത്തു. ബനസ്വാഡിയിലെ ഒരു ഫുട്പാത്തില്‍ നിന്ന് കഞ്ചാവ് വില്‍ക്കുന്നതിനിടെയാണ് ഇയാള്‍ അറസ്റ്റിലാവുന്നത്. വിശാഖപട്ടണത്ത് നിന്നെത്തിക്കുന്ന കഞ്ചാവ് ബംഗളൂരുവില്‍ എത്തിച്ച് റിയാസ് വില്‍പ്പന ചെയ്യാറാണ് പതിവ്.
