ബെംഗളൂരു മെട്രോ യാത്രക്കാര് അറിഞ്ഞോ? നിങ്ങളെ വീട്ടിലെത്തിക്കാന് പുതിയ ഫീഡര് ബസുകള്
ബെംഗളൂരു മെട്രോ യെല്ലോ ലൈനിലെ യാത്രക്കാര്ക്ക് ഒരു സന്തോഷ വാര്ത്ത. വീട്ടില് നിന്ന് സ്വന്തം വാഹനമെടുത്ത് ബെംഗളൂരുവിലെ ട്രാഫിക്കില് മണിക്കൂറുകളോളം കുരുങ്ങിക്കിടക്കാതെ തന്നെ മെട്രോ സ്റ്റേഷനിലെത്താം. യെല്ലോ ലൈന് യാത്രക്കാര്ക്കായി ബെംഗളൂരു മെട്രോപൊളിറ്റന് ട്രാന്സ്പോര്ട്ട് കോര്പ്പറേഷന് (ബിഎംടിസി) ഒരുക്കിയിരിക്കുന്ന പുതിയ സൗകര്യം യാത്രക്കാര്ക്ക് ഏറെ ഉപകാരപ്പെടും. നഗരത്തിലുടനീളം കണക്റ്റിവിറ്റി മെച്ചപ്പെടുത്തുന്നതിന്റെ ഭാഗമായി പുതിയ ഫീഡര് ബസുകള് പുറത്തിറക്കിയിരിക്കുകയാണ് ബിഎംടിസി. ഇനി ഈ ബസുകളില് വീടുകളില് നിന്ന് നേരെ മെട്രോ സ്റ്റേഷനിലേക്ക് എത്താം.
ബാംഗ്ലൂര് മെട്രോ റെയില് കോര്പ്പറേഷന് ലിമിറ്റഡുമായി (ബിഎംആര്സിഎല്) ചേര്ന്നാണ് ബെംഗളൂരു മെട്രോപൊളിറ്റന് ട്രാന്സ്പോര്ട്ട് കോര്പ്പറേഷന് എട്ട് പുതിയ ഫീഡര് ബസുകള് ഓടിക്കുന്നത്. എട്ട് ഫീഡര് ബസ് സര്വീസുകളാണ് ആരംഭിച്ചത്. ലാസ്റ്റ് മൈല് കണക്റ്റിവിറ്റി മെച്ചപ്പെടുത്തുന്നതിന്റെ ഭാഗമായാണ് പുതിയ നടപടി. കഴിഞ്ഞ ദിവസം മുതലാണ് ഈ സേവനങ്ങള് ഔദ്യോഗികമായി ആരംഭിച്ചത്. ആദ്യ ബസ് രാവിലെ ആറു മണിക്ക് പുറപ്പെടും. അവസാന ബസ് രാത്രി 9.40 നാണ്. മെട്രോ ട്രെയിനുകളുടെ സമയം അനുസരിച്ചാണ് ബസുകളുടെ സര്വീസ് ക്രമീകരിച്ചിരിക്കുന്നത്.
രാഷ്ട്രീയ വിദ്യാലയ റോഡ് മുതല് ബൊമ്മസന്ദ്ര വരെയുള്ള യെല്ലോ ലൈന് ഇടനാഴിയിലെ യാത്രക്കാരുടെ എണ്ണത്തിലുണ്ടായ വലിയ വര്ധന പരിഗണിച്ചാണ് ഈ സുപ്രധാന തീരുമാനം കൈക്കൊണ്ടത്. ഹോസ റോഡ്, സിംഗസന്ദ്ര, കൂഡ്ലു ഗേറ്റ് എന്നീ സ്റ്റേഷനുകളുടെ ചുറ്റുമുള്ള താമസസ്ഥലങ്ങളുമായും വാണിജ്യ കേന്ദ്രങ്ങളുമായും ബന്ധിപ്പിക്കുന്ന രീതിയിലാണ് ഈ സര്വീസുകള് ക്രമീകരിച്ചിരിക്കുന്നത്.
ഹോസ റോഡ് മെട്രോ സ്റ്റേഷനെ ഒരു പ്രധാന ട്രാന്സിറ്റ് ഹബ്ബായാണ് ബിഎംടിസി വികസിപ്പിക്കുന്നത്. ഇവിടെ നിന്ന് രണ്ട് പ്രധാന റിങ് റൂട്ടുകളിലേക്കുള്ള ബസ് സര്വീസുകള് ഒരേ സമയം പ്രവര്ത്തിക്കും. സെന്ട്രല് ജയില്, നാഷണല് പബ്ലിക് സ്കൂള്, ഹാരളൂര്, ഹാരളൂര് ക്രോസ്, അഗര, പരംഗിപാളയ, സോമസുന്ദരപാളയ, കൂഡ്ലു ഗേറ്റ്, സിംഗസന്ദ്ര തുടങ്ങിയ സ്ഥലങ്ങളെ കോര്ത്തിണക്കിയാണ് ഈ ബസുകള് സഞ്ചരിക്കുന്നത്. ഒരേ റൂട്ടില് രണ്ട് ദിശകളിലേക്കും ബസ് സര്വീസുകള് ലഭ്യമാകുന്നത് യാത്രക്കാര്ക്ക് വലിയ ആശ്വാസമാകും. രാവിലെ ആറു മണി മുതല് രാത്രി വൈകുന്നത് വരെ കൃത്യമായ ഇടവേളകളില് ബസുകള് ലഭ്യമാകുമെന്നതിനാല് യാത്രക്കാര്ക്ക് സമയലാഭവും ഉറപ്പാക്കാം.
ഇതുകൂടാതെ ഹോസ റോഡ് മെട്രോ സ്റ്റേഷനെ കാര്മലാരം ബസ് സ്റ്റോപ്പുമായി ബന്ധിപ്പിക്കുന്ന മറ്റൊരു സുപ്രധാന റൂട്ടും ബിഎംടിസി അവതരിപ്പിച്ചിട്ടുണ്ട്. സെന്ട്രല് ജയില്, ദൊഡ്ഡമാര, ചിക്കനായകനഹള്ളി, ദൊഡ്ഡക്കനള്ളി വഴി കടന്നുപോകുന്ന ഈ ബസ് സര്വീസുകള് സര്ജാപ്പൂര് റോഡ്, ഇലക്ട്രോണിക് സിറ്റി ഇടനാഴികളില് താമസിക്കുന്നവര്ക്ക് വലിയൊരു അനുഗ്രഹമാകും. തെക്കന് ബെംഗളൂരുവിലെ ട്രാഫിക് കുരുക്കുകളില് പെടാതെ സുഗമമായും വേഗത്തിലും ലക്ഷ്യസ്ഥാനത്തെത്താന് ഈ പുതിയ ഫീഡര് സര്വീസുകള് പരമാവധി പ്രയോജനപ്പെടുത്തണമെന്ന് അധികൃതര് യാത്രക്കാരോട് അഭ്യര്ത്ഥിച്ചു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ?
Click it and Unblock the Notifications
Sign in with Google