Bengaluru metro: ബെംഗളൂരുവിലെ സൈക്കിള് യാത്രികര്ക്ക് മെട്രോ വക കിടിലന് സമ്മാനം; ഓഫര് ഈ സ്റ്റേഷനുകളില്
ബെംഗളൂരു: ബെംഗളൂരു നമ്മ മെട്രോ യാത്രക്കാര്ക്ക് വീണ്ടും ഒരു സന്തോഷവാര്ത്ത. നഗരത്തില് പാര്ക്കിങ് ഒരു വലിയ പ്രശ്നമായി നിലനില്ക്കുമ്പോള് അതിന് പ്രായോഗികമായ ഒരു പരിഹാരമാര്ഗം മുന്നോട്ടുവയ്ക്കുകയാണ് ബാംഗ്ലൂര് മെട്രോ റെയില് കോര്പ്പറേഷന് ലിമിറ്റഡ് (ബിഎംആര്സിഎല്). നഗരത്തില് സൈക്കിള് യാത്ര പ്രോല്സാഹിപ്പിക്കുന്നതിനൊപ്പം മെട്രോ സ്റ്റേഷനുകളില് സൗജന്യ സൈക്കിള് പാര്ക്കിങ് കൂടി ഏര്പ്പെടുത്താനാണ് അധികൃതരുടെ നീക്കം. നിലവില് ചെറിയ തുക ഈടാക്കിയാണ് പാര്ക്കിങ് അനുവദിക്കുന്നത്.
തിരഞ്ഞെടുക്കപ്പെട്ട ഒമ്പത് മെട്രോ സ്റ്റേഷനുകളില് സൗജന്യ സൈക്കിള് പാര്ക്കിങ് ഏര്പ്പെടുത്താനാണ് ബാംഗ്ലൂര് മെട്രോ റെയില് കോര്പ്പറേഷന് ലിമിറ്റഡ് തീരുമാനിച്ചിരിക്കുന്നത്. നിലവില് പര്പ്പിള്, ഗ്രീന്, യെല്ലോ ലൈനുകളിലെ ഒമ്പത് സ്റ്റേഷനുകളിലാണ് ഈ ആനുകൂല്യം ലഭിക്കുക.
പര്പ്പിള് ലൈനിലെ രണ്ട് സ്റ്റേഷനുകള് - മൈസൂരു റോഡ്, ബയപ്പനഹള്ളി, ഗ്രീന് ലൈനിലെ മൂന്ന് സ്റ്റേഷനുകള് - മടവര, പീനിയ ഇന്ഡസ്ട്രി, ജെപി നഗര്, യെല്ലോ ലൈനിലെ നാല് സ്റ്റേഷനുകള് - രാഗിഗുഡ്ഡ, ജയദേവ ആശുപത്രി, ബിടിഎം ലേഔട്ട്, ഇലക്ട്രോണിക് സിറ്റി എന്നിവിടങ്ങളിലാണ് പാര്ക്കിങ് അനുവദിച്ചിരിക്കുന്നത്. ഈ സ്റ്റേഷനുകളിലെ പാര്ക്കിംഗ് നിയന്ത്രിക്കാനായി ബിഎംആര്സിഎല് പുതിയ ടെന്ഡര് വിളിച്ചിട്ടുണ്ട്. ഫെബ്രുവരി ഒന്പതു വരെ അപേക്ഷകള് സമര്പ്പിക്കാം. ഇതില് നിന്ന് ഓപ്പറേറ്ററെ തീരുമാനിക്കും.
നിലവില് മെട്രോ സ്റ്റേഷനുകളില് സൈക്കിള് പാര്ക്ക് ചെയ്യാന് മണിക്കൂറിന് ഒരു രൂപ വീതമാണ് ഈടാക്കുന്നത്. ഒരു ദിവസത്തേക്ക് പരമാവധി 10 രൂപ വരെ ഈടാക്കും. എന്നാല് പുതിയ തീരുമാനം വരുന്നതോടെ ഈ ഒമ്പത് സ്റ്റേഷനുകളില് ചാര്ജ് പൂര്ണ്ണമായും ഒഴിവാകും.
ആദ്യഘട്ടത്തില് ഒന്പതു സ്റ്റേഷനുകളില് മാത്രമാണ് സൗജന്യ പാര്ക്കിങ് അനുവദിക്കുന്നത്. ം. നഗരത്തിലെ മറ്റ് മെട്രോ സ്റ്റേഷനുകളില് പഴയതുപോലെ ഫീസ് നല്കേണ്ടി വരും. സൈക്കിള് യാത്രക്കാര് കൂടുതലായി എത്തുന്ന മെട്രോ സ്റ്റേഷനുകള് കണ്ടെത്തിയാണ് ബിഎംആര്സിഎല് ഈ മാറ്റം കൊണ്ടുവരുന്നത്. ഓഫീസുകളിലേക്കും മറ്റും പോകാന് സൈക്കിള് ഉപയോഗിക്കുന്നവര്ക്ക് ഇത് വലിയ ആശ്വാസമാകും.
മെട്രോ സ്റ്റേഷനുകളിലേക്കുള്ള ലാസ്റ്റ് മൈല് കണക്റ്റിവിറ്റി മെച്ചപ്പെടുത്തുക എന്നതാണ് ഇതിന്റെ പ്രധാന ലക്ഷ്യം. ബിഎംആര്സിഎല്ലിന്റെ തീരുമാനത്തെ സൈക്കിള് പ്രേമികളും സ്വാഗതം ചെയ്യുന്നുണ്ട്. അതേസമയം, ചില ഗൗരവമേറിയ പ്രശ്നങ്ങളും സൈക്കിള് യാത്രികര് ചൂണ്ടിക്കാട്ടുന്നുണ്ട്. പാര്ക്കിങ് സൗജന്യമാക്കുന്നത് കൊണ്ട് മാത്രം കാര്യമില്ലെന്നും സൈക്കിളുകള് സുരക്ഷിതമായി വെക്കാനുള്ള സ്റ്റാന്ഡുകളും മറ്റ് അടിസ്ഥാന സൗകര്യങ്ങളും സ്റ്റേഷനുകളില് ഉറപ്പാക്കണമെന്നും അവര് ആവശ്യപ്പെടുന്നു.
-
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ബെംഗളുരു മെട്രോ വികസനം ഇനി ശരവേഗത്തില്; 6,100 കോടിയുടെ വായ്പ അനുവദിച്ചു; ഗുണങ്ങള് ഇങ്ങനെ -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ്
Click it and Unblock the Notifications
Sign in with Google