ആര്സിബി ആരാധകര്ക്ക് നമ്മ മെട്രോയില് സൗജന്യയാത്ര; വ്യാജപ്രചരണത്തില് വീഴരുതെന്ന് ബിഎംആര്സിഎല്
ബെംഗളൂരു: മെയ് 31 ന് അഹമ്മദാബാദില് നടക്കുന്ന ഐ പി എല് ഫൈനലിന് റോയല് ചലഞ്ചേഴ്സ് ബെംഗളൂരുവിന്റെ (ആര് സി ബി) ആരാധകര്ക്ക് സൗജന്യ മെട്രോ യാത്ര വാഗ്ദാനം ചെയ്യുന്ന ഒരു പദ്ധതിയും പ്രഖ്യാപിച്ചിട്ടില്ലെന്ന് ബെംഗളൂരു മെട്രോ റെയില് കോര്പ്പറേഷന് ലിമിറ്റഡ് (ബി എം ആര് സി എല്) വ്യക്തമാക്കി. സോഷ്യല് മീഡിയയില് ഇത് സംബന്ധിച്ച് വ്യാജ വാര്ത്തയാണ് പ്രചരിക്കുന്നത് എന്നും ബി എം ആര് സി എല് പ്രസ്താവനയില് അറിയിച്ചു.
ഐ പി എല് ഫൈനല് ദിവസം ആര് സി ബി ആരാധകര്ക്ക് നമ്മ മെട്രോ സര്വീസുകളില് സൗജന്യമായി യാത്ര ചെയ്യാന് അനുവാദമുണ്ടെന്ന് അവകാശപ്പെടുന്ന സോഷ്യല് മീഡിയ പോസ്റ്റുകളും പരസ്യങ്ങളും വ്യാപകമായി പ്രചരിപ്പിക്കുന്നുണ്ട്. ഈ സാഹചര്യത്തിലാണ് ബി എം ആര് സി എല് വിശദീകരണവുമായി രംഗത്തെത്തിയിരിക്കുന്നത്. പൊതുജനങ്ങള് ഇതില് വീഴരുത് എന്നും ബി എം ആര് സി എല് അഭ്യര്ത്ഥിച്ചു
ആര് സി ബി ആരാധകര്ക്ക് സൗജന്യ മെട്രോ യാത്ര പരസ്യപ്പെടുത്താനോ പ്രോത്സാഹിപ്പിക്കാനോ ഒരു വ്യക്തിക്കോ സംഘടനയ്ക്കോ സ്ഥാപനത്തിനോ അനുമതിയോ അംഗീകാരമോ നല്കിയിട്ടില്ലെന്ന് ബി എം ആര് സി എല് വ്യക്തമാക്കി. എല്ലാ യാത്രക്കാരും സാധുവായ ടിക്കറ്റുകള് വാങ്ങുകയോ നിലവിലുള്ള നിരക്ക് നിയമങ്ങള്ക്കനുസൃതമായി സ്മാര്ട്ട് കാര്ഡുകള്, ക്യുആര് ടിക്കറ്റുകള്, നാഷണല് കോമണ് മൊബിലിറ്റി കാര്ഡുകള് (എന്സിഎംസി) പോലുള്ള അംഗീകൃത യാത്രാ മാധ്യമങ്ങള് ഉപയോഗിക്കുകയോ ചെയ്യണമെന്ന് ബെംഗളൂരു മെട്രോ റെയില് കോര്പ്പറേഷന് ലിമിറ്റഡ് അറിയിച്ചു.
അനധികൃത സോഷ്യല് മീഡിയ സന്ദേശങ്ങളെയും പരസ്യങ്ങളെയും ആശ്രയിക്കരുതെന്ന് കോര്പ്പറേഷന് പൊതുജനങ്ങളോട് അഭ്യര്ത്ഥിച്ചു. ഔദ്യോഗിക ബെംഗളൂരു മെട്രോ റെയില് കോര്പ്പറേഷന് ലിമിറ്റഡ് ആശയവിനിമയ ചാനലുകള് വഴി മാത്രം വിവരങ്ങള് പരിശോധിക്കാന് യാത്രക്കാരോട് നിര്ദ്ദേശിക്കുകയും ചെയ്തു.
അതേസമയം ആട്ടിഗുപ്പെ, വിജയനഗര് സ്റ്റേഷനുകള്ക്കിടയിലുള്ള അത്യാവശ്യ അറ്റകുറ്റപ്പണികള്ക്കായി മെയ് 31 ന് പര്പ്പിള് ലൈനിന്റെ ഒരു ഭാഗത്ത് നമ്മ മെട്രോ സര്വീസുകള് രണ്ട് മണിക്കൂര് നിര്ത്തിവയ്ക്കുമെന്ന് ബാംഗ്ലൂര് മെട്രോ റെയില് കോര്പ്പറേഷന് ലിമിറ്റഡ് പ്രഖ്യാപിച്ചു.
ദീപാഞ്ജലി നഗറിനും ക്രാന്തിവീര സാംഗോളി രായണ്ണ (കെഎസ്ആര്) മെട്രോ സ്റ്റേഷനുകള്ക്കും ഇടയിലുള്ള മെട്രോ ട്രെയിന് സര്വീസുകള് ഞായറാഴ്ച രാവിലെ 7 മുതല് 9 വരെ നിര്ത്തിവയ്ക്കുമെന്ന് ബിഎംആര്സിഎല് പുറത്തിറക്കിയ പത്രക്കുറിപ്പില് അറിയിച്ചു. പര്പ്പിള് ലൈനിന്റെ ബാധിത ഭാഗത്തെ അറ്റകുറ്റപ്പണികള് നടത്താന് താല്ക്കാലിക നിയന്ത്രണം ആവശ്യമാണ് എന്ന് ബി എം ആര് സി എല് വ്യക്തമാക്കി.
Click it and Unblock the Notifications
Sign in with Google