ബെംഗളൂരുവില് നാളെ പകല് മുഴുന് കര്ശന ഗതാഗത നിയന്ത്രണം; വണ്ടിയെടുക്കുന്നവര് ശ്രദ്ധിക്കുക
ബെംഗളൂരു നഗരത്തില് കര്ശനമായ ഗതാഗത നിയന്ത്രണം ഏര്പ്പെടുത്തി ട്രാഫിക് പൊലീസ്. നാദപ്രഭു കെമ്പെഗൗഡ ജയന്തി ആഘോഷങ്ങള് കാരണം നഗരത്തില് വലിയ ഗതാഗത കുരുക്ക് ഉണ്ടാകും എന്ന് കണക്കാക്കി ചില നിയന്ത്രണങ്ങള് ഏര്പ്പെടുത്തിയിട്ടുണ്ട് എന്നും യാത്രക്കാര് അവരുടെ യാത്രകള് ശ്രദ്ധാപൂര്വ്വം ആസൂത്രണം ചെയ്യണം എന്നും ട്രാഫിക് പൊലീസ് വ്യക്തമാക്കി.
കെങ്കേരിക്ക് സമീപമുള്ള കെമ്പെഗൗഡ ലേഔട്ടിലാണ് കര്ണാടക സര്ക്കാരിന്റെ നേതൃത്വത്തില് പരിപാടി സംഘടിപ്പിക്കുന്നത്. മുഖ്യമന്ത്രി ഡി കെ ശിവകുമാറും മറ്റ് നിരവധി പ്രമുഖരും പങ്കെടുക്കുമെന്ന് പ്രതീക്ഷിക്കുന്നു. ആഘോഷങ്ങളില് ഏകദേശം 40,000 മുതല് 50,000 വരെ ആളുകള് പങ്കെടുക്കുമെന്ന് അധികൃതര് കണക്കാക്കുന്നു. അതിനാല് നാളെ (ജൂണ് 27 ന്) രാവിലെ 6 മുതല് വൈകുന്നേരം 4 വരെ ബെംഗളൂരു ട്രാഫിക് പൊലീസ് ഗതാഗത നിയന്ത്രണം പ്രഖ്യാപിച്ചു.
മൈസൂര് റോഡ്, കൊമ്മഗട്ട മെയിന് റോഡ്, കെങ്കേരി സബര്ബ്, മഗഡി മെയിന് റോഡ്, കെങ്കേരി പ്രദേശത്തെ പരിസര പ്രദേശങ്ങള് എന്നിവയുള്പ്പെടെ നിരവധി പ്രധാന റോഡുകളില് വാഹന ഗതാഗതം വഴിതിരിച്ചുവിടും. ബെംഗളൂരു ട്രാഫിക് പൊലീസിന്റെ ഔദ്യോഗിക സോഷ്യല് മീഡിയ ചാനലുകള് വഴിയും ഗതാഗത ഉപദേശം പങ്കുവച്ചിട്ടുണ്ട്. രാവിലെ 6 മുതല് വൈകീട്ട് മൈസൂര് റോഡിലെ മാരിഗോള്ഡ് സ്കൂള് ജംഗ്ഷനും ഭീമനകുപ്പെ ജംഗ്ഷനും ഇടയില് ചരക്ക് വാഹനങ്ങള് ഓടിക്കാന് അനുവദിക്കില്ല.
അതുപോലെ, കൊമ്മഗട്ട ജംഗ്ഷനും (കെങ്കേരി ക്ലബ്) ഹൊസക്കെരെ വില്ലേജ് ജംഗ്ഷനും ഇടയില് എല്ലാ ചരക്ക് വാഹനങ്ങളുടെയും ഗതാഗതം നിരോധിക്കും. തടസം കുറയ്ക്കുന്നതിന് ചരക്ക് വാഹനങ്ങള്ക്ക് ഇതര വഴികള് അധികൃതര് നിര്ദ്ദേശിച്ചിട്ടുണ്ട്. മൈസൂര് റോഡ് വശത്ത് നിന്ന് പോകുന്ന ചരക്ക് വാഹനങ്ങള് മൈസൂര് മെയിന് റോഡ്, സുമനഹള്ളി റോഡ് വഴി ചല്ലഗട്ട മെട്രോ സ്റ്റേഷനിലേക്ക് പോകണം എന്നാണ് നിര്ദ്ദേശിച്ചിരിക്കുന്നത്.
അതേസമയം, റഫറല് റോഡ് ഭാഗത്തേക്ക് പോകുന്ന ചരക്ക് വാഹനങ്ങള് ഉല്ലാലു വഴി വിശ്വേശ്വരയ്യ ലേഔട്ട് റിംഗ് റോഡ് ഉപയോഗിച്ച് മാഗഡി റോഡില് എത്തണം. രാവിലെ 6 മുതല് വൈകുന്നേരം 4 വരെ തിരക്കേറിയ നിരവധി ഇടനാഴികളില് വാഹനമോടിക്കുന്നവര് മന്ദഗതിയിലുള്ള ഗതാഗതം പ്രതീക്ഷിക്കണം. അതിനാല് യാത്രയ്ക്കായി പോകുന്നവര് അല്പം നേരത്തെ ഇറങ്ങാന് ശ്രദ്ധിക്കുക.
മൈസൂരു റോഡില് മധു ജംഗ്ഷന് മുതല് കുമ്പളഗോഡു ജംഗ്ഷന് വരെയുള്ള NICE റോഡില് സോംപുര ടോള് മുതല് മാഗഡി മെയിന് റോഡ് ജംഗ്ഷന് വരെ ചല്ലഗട്ട മെയിന് റോഡ് കെങ്കേരി സബര്ബിലെ റെയിന്ബോ ബ്രിഡ്ജ് വരെയും കൊമ്മഗട്ടയിലും പരിപാടി നടക്കുന്ന സ്ഥലത്തിന് ചുറ്റുമുള്ള സമീപ റോഡുകളിലും ഗതാഗതക്കുരുക്കിന് സാധ്യതയുണ്ട്. യാത്രക്കാര് ഗതാഗത ഉദ്യോഗസ്ഥരുമായി സഹകരിക്കണമെന്നും കാലതാമസം ഒഴിവാക്കാന് സാധ്യമാകുന്നിടത്തെല്ലാം ബദല് മാര്ഗങ്ങള് ഉപയോഗിക്കണമെന്നും ബെംഗളൂരു ട്രാഫിക് പോലീസ് അഭ്യര്ത്ഥിച്ചു.
ഈ വര്ഷം കെമ്പെഗൗഡ ജയന്തി വിപുലമായ രീതിയില് ആഘോഷിക്കാന് സംസ്ഥാന സര്ക്കാര് പദ്ധതിയിടുന്നു. 40,000 മുതല് 50,000 വരെ ആളുകള് പങ്കെടുക്കുമെന്ന് കണക്കാക്കപ്പെടുന്നതിനാല്, ദിവസം മുഴുവന് കെങ്കേരിയില് കനത്ത ഗതാഗതക്കുരുക്ക് ഉണ്ടാകുമെന്ന് അധികൃതര് പ്രതീക്ഷിക്കുന്നു.
Click it and Unblock the Notifications
Sign in with Google