ബെം​​ഗളൂരുവിൽ ജലക്ഷാമം രൂക്ഷം; ഒരു തുള്ളി വെള്ളത്തിനായി നട്ടംതിരിഞ്ഞ് നിവാസികൾ, അവസ്ഥ ഇങ്ങനെ

ബെം​ഗളൂരുവിൽ ജലക്ഷാമം രൂക്ഷമാകുന്നു. ഓരോ തുള്ളി വെള്ളവും ബെം​ഗളൂരു നിവാസികൾക്ക് അമൂല്യമാണ്. ജല ക്ഷാമം നേരിടാൻ വേണ്ടി ആളുകൾ റീസൈക്ലിം​ഗിനെക്കുറിച്ച് വരെ ആലോചിക്കുകയാണ്. സബർബൻ ബാബുസാപാല്യയിലെ നിവാസികൾ വാട്ടർ ടാങ്കറുകളെയാണ് വെള്ളത്തിനായി ആശ്രിയിക്കുന്നത്. കഴിഞ്ഞ രണ്ട് മാസാമയി ഈ വിതരണത്തെ ​ഗുരുതരമായി ബാധിച്ചുെവെന്നാണ് പറയുന്നത്.

പ്രതിദിനം നാല് ടാങ്കർ‌ വെള്ളമാണ് ഇവർക്ക് ആവശ്യം. എന്നാൽ‌ ഒന്നോ രണ്ടോ ടാങ്കർ വെള്ളം മാത്രമാണ് ഇവർക്ക് ലഭിക്കുന്നത് എന്നാണ് ഇവിടെയുള്ള ആളുകൾ പറയുന്നത്. എൻ ഡി ടിവിയോട് ആയിരുന്നു പ്രതികരണം. കഴിഞ്ഞ രണ്ട് - മൂന്ന് മാസങ്ങളായി തങ്ങൾ വലിയ പ്രശ്നങ്ങൾ നേരിടുന്നുവെന്നും ഇവർ പറയുന്നു.

ടാങ്കർ വെള്ളത്തിൻ്റെ നിരക്ക് നിശ്ചയിക്കാനുള്ള നഗരസഭയുടെ ഉത്തരവ് സഹായിച്ചോ എന്ന ചോ​ദ്യത്തിന് നിരക്ക് സ്ഥിരമായെങ്കിലും പ്രശ്നം വളരെ വലുതാണെന്നാണ് ഇവർ പറയുന്നത്. ഉയർന്ന ഡിമാൻഡ് കാരണം തങ്ങൾക്ക് കൃത്യസമയത്ത് ലഭിക്കുന്നില്ലെന്നും പറയുന്നു.

"ഞങ്ങൾക്ക് ഒരു കുഞ്ഞുണ്ട്, ഇത് വളരെ ബുദ്ധിമുട്ടാണ്, ടാങ്കറുകൾ വരുന്നില്ല, സർക്കാർ വില കുറച്ചെങ്കിലും അവ വരുന്നില്ല, വന്നാലും വെള്ളം തികയുന്നുമില്ല . ഇത് എപ്പോൾ പരിഹരിക്കപ്പെടുമെന്നും എപ്പോൾ ഞങ്ങൾ സാധാരണ ജീവിതത്തിലേക്ക് മടങ്ങുമെന്നും എനിക്കറിയില്ല, ഒരു സ്ത്രീ പറഞ്ഞു.

മഴക്കാലം എത്തിയാൽ പ്രശ്നം പരിഹരിക്കപ്പെടുമോ എന്ന ചോദ്യത്തിന് മാറിമാറി വന്ന സർക്കാരുകൾ വികസന പദ്ധതികൾ നടപ്പാക്കിയ രീതിയിലുള്ള പ്രശ്നങ്ങൾ ഒരു നിവാസി പറഞ്ഞു. അവർ ജനങ്ങളുടെ മൊത്തത്തിലുള്ള ക്ഷേമം പരി​ഗണിച്ചില്ല. അപ്പാർട്ടുമെൻ്റുകളും റോഡുകളും നിർമ്മിക്കുന്നതിലാണ് ശ്രദ്ധ കേന്ദ്രീകരിച്ചിരിക്കുന്നത്.

പക്ഷേ ഭൂഗർഭജലനിരപ്പിൽ നമ്മൾ പ്രവർത്തിക്കേണ്ടതുണ്ട്. അത് ഒരിക്കവും ചെയ്തിട്ടില്ല. ഞാൻ 15 വ‍ർഷമായി ഇവിടെ ഉണ്ട്. ഇത്തരം നടപടികൾ ഒരു സർക്കാർ ചെയ്തതായി കണ്ടിട്ടില്ല, കുടിവെള്ളത്തിനായി ആളുകൾ കിലോ മീറ്ററുകളോളം ക്യൂ നിൽക്കുകയാണ് അദ്ദേഹം പറഞ്ഞു.

കാവേരി നദി, ഭൂ​ഗർഭ ദലം എന്നീ രണ്ട് സ്രോതസ്സുകളിൽ നിന്നാണ് ബെം​ഗളൂരുവിന് പ്രധാനമായും ജലവിതരണം ലഭിക്കുന്നത്. കുടിക്കാനല്ലാത്ത ആവശ്യങ്ങൾ മിക്കതും മലിനജല ശുദ്ധീകരണ പ്ലാന്റുകൾ ഉപയോ​ഗിച്ച് സംസ്ക്കരിച്ച റീസൈക്കിൾ ചെയ്ത വെള്ളമാണ് ഉപയോ​ഗിക്കുന്നത്. കുറച്ച് കാലമായി മഴ പെയ്യാത്തതിനാൽ വളരെ പ്രയാസത്തിലാണ്. ബെം​ഗളൂരുവിന് പ്രതിദിനം 2600- 2800 ദശലക്ഷം ലിറ്റർ വെള്ളം ആവശ്യമാണ്. നിലവിലെ വിതരണം ആവശ്യമുള്ളതിന്റെ പകുതിയാണ്.

English summary

Bengaluru Water Shortage: Water Crisis In Bengaluru Continues, Here Is What Residents Saying