Get Updates
Get notified of breaking news, exclusive insights, and must-see stories!

'ഭീമനും പാഞ്ചാലിയും' ബിജെപിയില്‍?

കൊല്‍ക്കത്ത: വിഖ്യാത ബംഗാളി നടി രൂപ ഗാംഗുലി കേന്ദ്രം ഭരിക്കുന്ന ഭാരതീയ ജനതാ പാര്‍ട്ടിയില്‍ ചേര്‍ന്നു. കേന്ദ്ര ധനകാര്യമന്ത്രി അരുണ്‍ ജെയ്റ്റ്‌ലിയുടെ സാന്നിധ്യത്തിലാണ് രൂപ ബി ജെ പിയില്‍ ചേര്‍ന്നത്. മഹാഭാരതം സീരിയലില്‍ പാഞ്ചാലിയുടെ വേഷം ചെയ്തിരുന്നത് രൂപ ഗാംഗുലിയാണ്. ബി ആര്‍ ചോപ്ര സംവിധാനം ചെയ്ത മഹാഭാരതം സീരിയല്‍ 1980 കളിലെ വന്‍ ഹിറ്റായിരുന്നു.

rupa-ganguly

മഹാഭാരതം സീരിയലിന്റെ ഭാഗമായിരുന്ന പ്രവീണ്‍ കുമാര്‍ നേരത്തെ ബി ജെ പിയില്‍ ചേര്‍ന്നിരുന്നു. സീരിയലില്‍ ഭീമന്റെ വേഷത്തിലായിരുന്നു പ്രവീണ്‍ കുമാര്‍ അഭിനയിച്ചത്. ഭീമന് പിന്നാലെ പാണ്ഡവ പത്‌നിയായ പാഞ്ചാലിയും പാര്‍ട്ടിയിലെത്തിയത് വംഗദേശത്ത് ബി ജെ പിക്ക് ഗുണം ചെയ്യും. ലോക്‌സഭ തിരഞ്ഞെടുപ്പിന് മുന്നോടിയായി കഴിഞ്ഞ വര്‍ഷം ഏപ്രില്‍ മാസത്തിലാണ് പ്രവീണ്‍ കുമാര്‍ പാര്‍ട്ടിയില്‍ ചേര്‍ന്നത്.

bjp

തങ്ങളുടെ പാര്‍ട്ടി പാണ്ഡവരാണ് എന്നും കൗരവരെ തോല്‍പ്പിക്കലാണ് ലക്ഷ്യമെന്നും ബി ജെ പിയില്‍ ചേര്‍ന്നുകൊണ്ട് പ്രവീണ്‍ കുമാര്‍ പറഞ്ഞിരുന്നു. ആം ആദ്മി പാര്‍ട്ടിയിലൂടെയാണ് പ്രവീണ്‍ കുമാര്‍ രാഷ്ട്രീയത്തിലെത്തിയത്. എന്നാല്‍ ദില്ലി തിരഞ്ഞെടുപ്പില്‍ ബി ജെ പി സ്ഥാനാര്‍ഥിയോട് പ്രവീണ്‍ തോറ്റു. പാര്‍ട്ടി കണ്‍വീനര്‍ അരവിന്ദ് കെജ്രിവാളുമായുള്ള അഭിപ്രായ വ്യത്യാസത്തെ തുടര്‍ന്ന് എ എ പി വിട്ട പ്രവീണ്‍ കുമാര്‍ പിന്നീട് ബി ജെ പിയിലെത്തുകയായിരുന്നു.

praveen-kumar

പുരാണ സീരിയലിലെ താരങ്ങള്‍ ബംഗാള്‍ രാഷ്ട്രീയത്തിലെത്തുന്നത് പുതുമയുള്ള കാര്യമൊന്നുമല്ല. 2011 ല്‍ ദേബശ്രീ റോയ് തൃണമൂല്‍ കോണ്‍ഗ്രസില്‍ ചേര്‍ന്നിരുന്നു. മെഗാ സീരിയലില്‍ സത്യവതിയെ അവതരിപ്പിച്ച് ശ്രദ്ധ നേടിയ താരമാണ് ദേബശ്രീ റോയ്. ദേഗാംഗ മണ്ഡലത്തില്‍ മത്സരിച്ച റോയ് വിജയിക്കുകയും ചെയ്തു. മഹാഭാരതത്തില്‍ കൃഷ്ണനായിരുന്ന നിതീഷ് ഭരദ്വാജ് ബി ജെ പിയില്‍ ചേര്‍ന്ന് ലോക്‌സഭയിലേക്ക് മത്സരിച്ച് ജയിച്ചിട്ടുണ്ട്.

debasree-roy
More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+