Click it and Unblock the Notifications
Just In
Don't Miss
-
IPL 2024: 2 ഓവറില് 11ന് 1, പിന്നെ ദീപക്കിന് ഓവറില്ല! കാരണം ധോണി? മത്സരത്തിനിടെ ദേഷ്യപ്പെട്ടു -
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
'ഭീമനും പാഞ്ചാലിയും' ബിജെപിയില്‍?
കൊല്‍ക്കത്ത: വിഖ്യാത ബംഗാളി നടി രൂപ ഗാംഗുലി കേന്ദ്രം ഭരിക്കുന്ന ഭാരതീയ ജനതാ പാര്‍ട്ടിയില്‍ ചേര്‍ന്നു. കേന്ദ്ര ധനകാര്യമന്ത്രി അരുണ്‍ ജെയ്റ്റ്‌ലിയുടെ സാന്നിധ്യത്തിലാണ് രൂപ ബി ജെ പിയില്‍ ചേര്‍ന്നത്. മഹാഭാരതം സീരിയലില്‍ പാഞ്ചാലിയുടെ വേഷം ചെയ്തിരുന്നത് രൂപ ഗാംഗുലിയാണ്. ബി ആര്‍ ചോപ്ര സംവിധാനം ചെയ്ത മഹാഭാരതം സീരിയല്‍ 1980 കളിലെ വന്‍ ഹിറ്റായിരുന്നു.
മഹാഭാരതം സീരിയലിന്റെ ഭാഗമായിരുന്ന പ്രവീണ്‍ കുമാര്‍ നേരത്തെ ബി ജെ പിയില്‍ ചേര്‍ന്നിരുന്നു. സീരിയലില്‍ ഭീമന്റെ വേഷത്തിലായിരുന്നു പ്രവീണ്‍ കുമാര്‍ അഭിനയിച്ചത്. ഭീമന് പിന്നാലെ പാണ്ഡവ പത്‌നിയായ പാഞ്ചാലിയും പാര്‍ട്ടിയിലെത്തിയത് വംഗദേശത്ത് ബി ജെ പിക്ക് ഗുണം ചെയ്യും. ലോക്സഭ തിരഞ്ഞെടുപ്പിന് മുന്നോടിയായി കഴിഞ്ഞ വര്‍ഷം ഏപ്രില്‍ മാസത്തിലാണ് പ്രവീണ്‍ കുമാര്‍ പാര്‍ട്ടിയില്‍ ചേര്‍ന്നത്.
തങ്ങളുടെ പാര്‍ട്ടി പാണ്ഡവരാണ് എന്നും കൗരവരെ തോല്‍പ്പിക്കലാണ് ലക്ഷ്യമെന്നും ബി ജെ പിയില്‍ ചേര്‍ന്നുകൊണ്ട് പ്രവീണ്‍ കുമാര്‍ പറഞ്ഞിരുന്നു. ആം ആദ്മി പാര്‍ട്ടിയിലൂടെയാണ് പ്രവീണ്‍ കുമാര്‍ രാഷ്ട്രീയത്തിലെത്തിയത്. എന്നാല്‍ ദില്ലി തിരഞ്ഞെടുപ്പില്‍ ബി ജെ പി സ്ഥാനാര്‍ഥിയോട് പ്രവീണ്‍ തോറ്റു. പാര്‍ട്ടി കണ്‍വീനര്‍ അരവിന്ദ് കെജ്രിവാളുമായുള്ള അഭിപ്രായ വ്യത്യാസത്തെ തുടര്‍ന്ന് എ എ പി വിട്ട പ്രവീണ്‍ കുമാര്‍ പിന്നീട് ബി ജെ പിയിലെത്തുകയായിരുന്നു.
പുരാണ സീരിയലിലെ താരങ്ങള്‍ ബംഗാള്‍ രാഷ്ട്രീയത്തിലെത്തുന്നത് പുതുമയുള്ള കാര്യമൊന്നുമല്ല. 2011 ല്‍ ദേബശ്രീ റോയ് തൃണമൂല്‍ കോണ്‍ഗ്രസില്‍ ചേര്‍ന്നിരുന്നു. മെഗാ സീരിയലില്‍ സത്യവതിയെ അവതരിപ്പിച്ച് ശ്രദ്ധ നേടിയ താരമാണ് ദേബശ്രീ റോയ്. ദേഗാംഗ മണ്ഡലത്തില്‍ മത്സരിച്ച റോയ് വിജയിക്കുകയും ചെയ്തു. മഹാഭാരതത്തില്‍ കൃഷ്ണനായിരുന്ന നിതീഷ് ഭരദ്വാജ് ബി ജെ പിയില്‍ ചേര്‍ന്ന് ലോക്‌സഭയിലേക്ക് മത്സരിച്ച് ജയിച്ചിട്ടുണ്ട്.
