ബിഹാറില്‍ ബിജെപി തോറ്റത്.... കട്ജുവിന്റെ പരിഹാസം ഇങ്ങനെ!!!

ദില്ലി: ബിഹാറില്‍ ബിജെപി നേരിട്ടത് വന്‍ പരാജയമാണ്. പ്രധാനമന്ത്രി നരേന്ദ്ര മോദിയുടേയും പാര്‍ട്ടി അധ്യക്ഷന്‍ അമിത് ഷായുടേയും നേതൃത്വത്തില്‍ നടന്ന പ്രചാരണ പണിപാടികള്‍ ഒന്നും തന്നെ ഫലം കണ്ടില്ല.

എന്തുകൊണ്ടാണ് ബിഹാറില്‍ ബിജെപി തോറ്റത്? അന്വേഷണങ്ങള്‍ പല വഴിയ്ക്ക് നടക്കുന്നുണ്ട്. എന്നാല്‍ സുപ്രീം കോടതി മുന്‍ ജസ്റ്റിസും പ്രസ് കൗണ്‍സില്‍ ഓഫ് ഇന്ത്യയുടെ മുന്‍ അധ്യക്ഷനും ആയ മാര്‍ക്കണ്ഡേയ കട്ജു ഇക്കാര്യത്തില്‍ ചില നിരീക്ഷണങ്ങള്‍ നടത്തുന്നുണ്ട്.

ജുന്‍ജുന്‍വാല എന്ന ട്വിറ്റര്‍ അക്കൗണ്ട് ട്വീറ്റ് ചെയ്ത രണ്ട് ചിത്രങ്ങള്‍ ഫേസ്ബുക്കിലൂടെ ഷെയര്‍ ചെയ്തുകൊണ്ടായിരുന്നു കട്ജുവിന്റെ പരിഹാസം.

ആദ്യ ചിത്രം ഒരു പശുവിന്റേതാണ്, രണ്ടാമത്തേത് ചാണകത്തിന്റേതും. ഒന്നാമത്തേത് ബിജെപിയുടെ തിരഞ്ഞെടുപ്പ് വിഷയവും രണ്ടാമത്തേത് ബിജെപിയുടെ തിരഞ്ഞെടുപ്പ് ഫലവും ആണെന്നാണ് പോസ്റ്റില്‍ പറയുന്നത്.

ഈ ഫേസ്ബുക്ക് പോസ്റ്റ് ഇപ്പോള്‍ വൈറല്‍ ആയിക്കൊണ്ടിരിയ്ക്കുകയാണ്. ഇതിനകം തന്നെ മുപ്പതിനായിരത്തിലധികം ലൈക്കുകള്‍ ലഭിച്ചുകഴിഞ്ഞു. പതിനയ്യായിരത്തിലധികം ആളുകള്‍ ഈ പോസ്റ്റ് ഷെയര്‍ ചെയ്തിട്ടും ഉണ്ട്.

English summary

Former Supreme Court justice and Former Chairman of Press Council of India Markandey Katju mocks BJP's defeat in Bihar election.