• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ബീഹാറില്‍ മൂന്നാം ഘട്ട തിരഞ്ഞെടുപ്പ്‌ നടക്കുന്നത്‌ ഏറ്റവും കൂടുതല്‍ കോവിഡ്‌ ബാധിച്ച ജില്ലകളില്‍

പാറ്റ്‌ന: ബീഹാറില്‍ മൂന്നാം ഘട്ട തിരഞ്ഞെടുപ്പ്‌ നടക്കുന്ന 15 ജില്ലകളില്‍ 5 ജില്ലകളും സംസ്ഥാനത്ത്‌ കോവിഡ്‌ ബാധ ഏറ്റവും കൂടുതലുള്ള ജില്ലകള്‍. മൂന്നാംഘട്ട തിരഞ്ഞെടുപ്പ്‌ നടക്കുന്ന മുസാഫര്‍ പൂര്‍, പാറ്റ്‌ന എന്നീ ജില്ലകള്‍ സംസ്ഥാനത്ത്‌ ഏറ്റവും കൂടുതല്‍ കൂടുതല്‍ കോവിഡ്‌ ബാധിതരുള്ള ജില്ലകളില്‍ രണ്ടാം സ്ഥാനത്താണ്‌. ഇരു ജില്ലകളിലും നിലവില്‍ ഒന്‍പതിനായിരത്തിലധികം കോവിഡ്‌ രോഗികളുണ്ട്‌. ആകെ മരണം 48 ആണ്‌. മൂന്നാം സ്ഥാനത്തുള്ള പൂര്‍ണിമ നോര്‍ത്ത്‌, ഈസ്‌റ്റ്‌ ചമ്പരാന്‍, മധുബാനി എന്നിവിടങ്ങളിലും കോവിഡ്‌ രോഗികള്‍ വളരെ കൂടുതലാണ്‌, ഒന്നും രണ്ടും ഘട്ട തിരഞ്ഞെടുപ്പിനെ വെച്ച്‌ നോക്കുമ്പോള്‍ മൂന്നാം ഘട്ടത്തില്‍ വോട്ടെടുപ്പ്‌ നടക്കുന്ന സംസ്ഥാനങ്ങളിലാണ്‌ ഏറ്റവും കൂടുതല്‍ രോഗികള്‍ ഉള്ളത്‌.

78 സീറ്റുകളിലേക്കായി 1204 സ്ഥാനാര്‍ഥികളാണ്‌ മൂന്നാം ഘട്ടത്തില്‍ ജനവിധി തേടുന്നത്‌. 2015ല്‍ നടന്ന തുരഞ്ഞെടുപ്പില്‍ അന്ന്‌ സഖ്യത്തിലായിരുന്ന ജെഡിയു-ആര്‍ജെഡി സഖ്യം 78 സീറ്റില്‍ 54 സീറ്റുകളും സ്വന്തമാക്കിയിരുന്നു.കോണ്‍ഗ്രസ്‌ 20 സീറ്റുകളും നേടി. ബീഹാര്‍ തിരഞ്ഞെടുപ്പില്‍ ഏറ്റവും നിര്‍ണായകവും മൂന്നാം ഘട്ട വോട്ടെടുപ്പാണ്‌.

2015 ലെതിരഞ്ഞെടുപ്പില്‍ നിന്ന്‌ തികച്ചും വിഭിന്നമായ സാഹചര്യമാണ്‌ നിലവില്‍ നടക്കുന്ന ബീഹാര്‍ തിരഞ്ഞെടുപ്പിലുള്ളത്‌. 2015ല്‍ സഖ്യകക്ഷികളായിരുന്ന ജെഡിയു-ആര്‍ജെഡി സഖ്യം ഇത്തവണ എതിര്‍ കക്ഷികളായാണ്‌ തിരഞ്ഞെടുപ്പിനെ നേരിടുന്നത്‌. ജെഡിയു ബിജെപിയുമായി ചേര്‍ന്ന്‌ എന്‍ഡിഎ സഖ്യ കക്ഷിയായി മത്സരിക്കുമ്പോള്‍, ആര്‍ ജെഡി-കോണ്‍ഗ്രസ്‌-സിപിഎം മാഹാസഖ്യമാണ്‌ എതിര്‍പക്ഷത്തുള്ളത്‌.

ജെഡിയു മുഖ്യമന്ത്രി നിതീഷ്‌കുമാറാണ്‌ എന്‍ഡി എ സഖ്യത്തിന്റെ ചുക്കാന്‍ പിടിക്കുന്നതെങ്കില്‍, ആര്‍ജെഡി അധ്യക്ഷന്‍ ലാലുപ്രസാദ്‌ യാദവിന്റെ അഭാവത്തില്‍ മകന്‍ തേജസ്വി യാദവാണ്‌ മഹാ സഖ്യത്തിന്റെ മുഖ്യ തേരാളി. നിര്‍ണായകമായ തിരഞ്ഞെടുപ്പില്‍ 4 തവണ ബീഹാറില്‍ എത്തിയ പ്രധാനമന്ത്രി നരേന്ദ്ര മോദി 16 തിരഞ്ഞെടുപ്പ്‌ റാലികളിലാണ്‌ പങ്കെടുത്തത്‌. നാളെയാണ്‌ ബീഹാര്‍ തിരഞ്ഞെടുപ്പിലെ അവസാന ഘട്ട വോട്ടെടുപ്പ്‌ നടക്കുന്നത്‌. നവംബര്‍ 10ന്‌ തിരഞ്ഞെടുപ്പ്‌ ഫലം പ്രഖ്യാപിക്കും

English summary
Bihar election; The top covid 19 hit districts to vote in third and final phase
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X