• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ശിവസേനക്ക് പിന്നാലെ എന്‍സിപിയും ബിഹാറിലേക്ക്; 145 സീറ്റില്‍ മല്‍സരിക്കും, മഹാസഖ്യത്തിന് തിരിച്ചടി

പട്‌ന: ബിഹാര്‍ നിയമസഭാ തിരഞ്ഞെടുപ്പില്‍ മല്‍സരിക്കാന്‍ എന്‍സിപിയും. എന്‍ഡിഎയും മഹാസഖ്യവും നേരിട്ട് ഏറ്റുമുട്ടുന്ന തിരഞ്ഞെടുപ്പില്‍ എന്‍സിപിയുടെ സാന്നിധ്യം കോണ്‍ഗ്രസ് ഉള്‍പ്പെടെയുള്ള കക്ഷികള്‍ക്ക് തിരിച്ചടിയാകും. നേരത്തെ ബിജെപിക്ക് വെല്ലുവിളി ഉയര്‍ത്തി ശിവസേനയും ബിഹാറില്‍ മല്‍സരിക്കുമെന്ന് അറിയിച്ചിരുന്നു. മഹാരാഷ്ട്രയില്‍ ശിവസേന, എന്‍സിപി, കോണ്‍ഗ്രസ് ഉള്‍പ്പെടുന്ന സഖ്യമാണ് ഭരണം നടത്തുന്നത്. ഈ മൂന്ന് പാര്‍ട്ടികളും ബിഹാറില്‍ തനിച്ച് മല്‍സരിക്കുകയാണ്.

145 മണ്ഡലങ്ങളില്‍ ജനവിധി തേടാന്‍ തീരുമാനിച്ചു എന്ന് എന്‍സിപി ബിഹാര്‍ വര്‍ക്കിങ് പ്രസിഡന്റ് റാഹത്ത് ഖാദിരി പറഞ്ഞു. എന്‍ഡിഎക്കും മഹാസഖ്യത്തിനുമെതിരായ മൂന്നാം മുന്നണിയായി തങ്ങള്‍ വളരുമെന്ന് അദ്ദേഹം അവകാശപ്പെട്ടു. എല്‍ജെപി നേതാവ് ചിരാഗ് പാസ്വാന്‍ ബിജെപിയുടെ ബി ടീമായി മാറിയിരിക്കുകയാമെന്നും അദ്ദേഹം കുറ്റപ്പെടുത്തി.

ബംഗാളില്‍ ബിജെപി സര്‍ക്കാര്‍ രൂപീകരിക്കും; അടുത്ത വര്‍ഷം വന്‍ മാറ്റം... പ്രവചനവുമായി അമിത് ഷാ

ദേശീയതലത്തില്‍ എന്‍ഡിഎയുടെ ഭാഗമാണ് എല്‍ജെപി. ബിഹാറില്‍ എന്‍ഡിഎയുടെ ഭാഗമായ ജെഡിയുവിനെ അവര്‍ എതിര്‍ക്കുന്നു. എന്ത് രാഷ്ട്രീയമാണിത്. എല്‍ജെപി ബിജെപിയുടെ ബി ടീമായി മാറി. നിതീഷ് കുമാറിനെ തകര്‍ക്കാന്‍ ബിജെപി നടത്തിയ നീക്കത്തിന്റെ ഫലമാണ് എല്‍ജെപിയുടെ രാഷ്ട്രീയ നിലപാട്. ബിഹാറിലെ ജനങ്ങള്‍ എല്‍ജെപിയെ തള്ളിക്കളയുമന്നും റാഹത്ത് ഖാദിരി പറഞ്ഞു. എന്‍സിപി സ്ഥാനാര്‍ഥികള്‍ക്ക് വേണ്ടി ദേശീയ അധ്യക്ഷന്‍ ശരദ് പവാര്‍ ബിഹാറില്‍ പ്രചാരണത്തിന് എത്തുമെന്ന് എന്‍സിപി വക്താവ് മഹേഷ് തപസി പറഞ്ഞു.

കടമ്പ കടന്ന് ഇറാന്‍; യുഎസ് എതിര്‍പ്പ് വിലപ്പോയില്ല, നെഞ്ചിടിപ്പ് കൂടി ട്രംപ്, 13 വര്‍ഷത്തിന് ശേഷം

cmsvideo
    Bihar assembly election pre survey prediction | Oneindia Malayalam

    എന്‍സിപിയുടെ വരവോടെ ബിഹാറില്‍ മഹാസഖ്യത്തിനാണ് തിരിച്ചടി ലഭിക്കുക. മഹാസഖ്യത്തിലെ സ്ഥാനാര്‍ഥികള്‍ക്കെതിരെയും എന്‍സിപി മല്‍സരിക്കുന്നുണ്ട്. മഹാസഖ്യത്തിന് ലഭിക്കേണ്ട വോട്ടുകള്‍ നഷ്ടമാക്കുന്നതാണ് എന്‍സിപിയുടെ നീക്കം. ഇതോടെ എന്‍ഡിഎക്ക് എളുപ്പവഴി ഒരുങ്ങി. അതേസമയം, ശിവസേനയും ബിഹാറില്‍ മല്‍സരിക്കുന്നുണ്ട്. അവരുടെ സാന്നിധ്യം ബിജെപിക്ക് തിരിച്ചടിയാകും. എന്‍ഡിഎ, മഹാസഖ്യം, പപ്പു യാദവിന്റെ പിഡിഎ, ഒവൈസിയുടെ പുതിയ സഖ്യം എന്നിവയാണ് ബിഹാറില്‍ ജനവിധി തേടുന്ന മുന്നണികള്‍. അതിന് പുറമെയാണ് എല്‍ജെപിയും എന്‍സിപിയും ശിവസേനയുമെല്ലാം ഒറ്റയ്ക്ക് ഒരു കൈ നോക്കുന്നത്.

    സഹോദരന്‍ ബിജെപിയില്‍ ചേര്‍ന്നു; കൂത്തുപറമ്പ് വെടിവയ്പില്‍ പരിക്കേറ്റ് കഴിയുന്ന പുഷ്പന്റെ പ്രതികരണം..

    English summary
    Bihar Elections 2020: NCP will contest 145 seats
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X