Click it and Unblock the Notifications
Just In
Don't Miss
-
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
ബിഹാറില്‍ മന്ത്രി രാജിവച്ചു; തുടക്കത്തിലേ കല്ലുകടിച്ച് നിതീഷ് കുമാര്‍ മന്ത്രിസഭ, അഴിമതി
പട്‌ന: സത്യപ്രതിജ്ഞ ചെയ്ത് മണിക്കൂറുകള്‍ പിന്നിടുമ്പോള്‍ തന്നെ ബിഹാറില്‍ മന്ത്രി രാജിവച്ചു. പുതിയ വിദ്യാഭ്യാസ മന്ത്രി മേവാലാല്‍ ചൗധരിയാണ് രാജിവച്ചത്. അഴിമതി ആരോപണം ഉയര്‍ന്ന സാഹചര്യത്തിലാണ് മന്ത്രിയുടെ രാജി. മൂന്ന് ദിവസം മുമ്പാണ് ബിഹാറില്‍ നിതീഷ് കുമാറിന്റെ നേതൃത്വത്തില്‍ 14 അംഗ മന്ത്രിസഭ അധികാരമേറ്റത്. നേരത്തെ അഴിമതി ആരോപണം നേരിടുന്ന മേവാലാല്‍ ചൗധരിയും സത്യപ്രതിജ്ഞ ചെയ്തിരുന്നു. ഇദ്ദേഹത്തിന് വിദ്യാഭ്യാസ വകുപ്പ് നല്‍കുകയും ചെയ്തു. തൊട്ടുപിന്നാലെയാണ് ആര്‍ജെഡി രംഗത്തുവന്നത്.
അഴിമതി ആരോപണം നേരിടുന്ന വ്യക്തിയെ മന്ത്രിയാക്കി എന്ന പ്രതിപക്ഷ ആരോപണം എന്‍ഡിഎ സര്‍ക്കാരിന്റെ പ്രതിഛായക്ക് മങ്ങലുണ്ടാക്കുമെന്ന് ബോധ്യമായതോടെയാണ് ഇന്ന് രാജിവച്ചത്. ഭഗല്‍പൂര്‍ കാര്‍ഷിക സര്‍വകലാശാലയില്‍ വൈസ് ചാന്‍സലര്‍ ആയിരിക്കെ മേവാലാല്‍ നടത്തിയ നിയമനത്തില്‍ അഴിമതിയുണ്ട് എന്നാണ് ആരോപണം. 2017ല്‍ ഇതുസംബന്ധിച്ച കേസ് നിലവിലുണ്ട്. അസിസ്റ്റന്റ് പ്രഫസര്‍, ജൂനിയര്‍ സൈന്റിസ്റ്റ് എന്നിവരെ നിയമിച്ചതിലാണ് അഴിമതി നടന്നത്. താരാപൂരില്‍ നിന്നുള്ള ജെഡിയു എംഎല്‍എ ആയ മേവാലാല്‍ ചൗധരിക്കെതിരെ കേസെടുത്ത കാര്യം ചൂണ്ടിക്കാട്ടിയാണ് ആര്‍ജെഡി പ്രതിഷേധം ഉയര്‍ത്തിയത്.
കേസെടുക്കുകയും വിവാദം ശക്തമാകുകയും ചെയ്ത വേളയില്‍ മേവാലാല്‍ ചൗധരിയെ ജെഡിയു കുറച്ച് കാലത്തേക്ക് സസ്‌പെന്റ് ചെയ്തിരുന്നു. അന്ന് പ്രതിപക്ഷത്തായിരുന്നു ബിജെപി. പിന്നീടാണ് ജെഡിയുവും ബിജെപിയും ചേര്‍ന്ന് ബിഹാറില്‍ സഖ്യസര്‍ക്കാര്‍ രൂപീകരിച്ചത്. അന്നത്തെ ബിഹാര്‍ ഗവര്‍ണര്‍ രാംനാഥ് കോവിന്ദിന്റെ അനുമതി ലഭിച്ചതിനെ തുടര്‍ന്നാണ് കേസെടുത്തതും അന്വേഷണം ആരംഭിച്ചതും. രാംനാഥ് കോവിന്ദ് പിന്നീട് രാഷ്ട്രപതിയായി.
അന്വേഷണം നടന്നെങ്കിലും മേവാലാല്‍ ചൗധരിക്കെതിരെ ഇതുവരെ കുറ്റപത്രം സമര്‍പ്പിച്ചിട്ടില്ല. തന്നെ കുറ്റക്കാരനെന്ന് കണ്ടെത്തിയിട്ടില്ലെന്നും കേസുകളില്‍ പ്രതികളായ ഒട്ടേറെ എംഎല്‍എമാരുണ്ടല്ലോ എന്നുമായിരുന്നു ചൗധരി ഇതുമായി ബന്ധപ്പെട്ട് നേരത്തെ പ്രതികരിച്ചിരുന്നത്. താന്‍ കേസില്‍ പ്രതിയല്ല, അന്വേഷണ സംഘത്തിന് നിര്‍ണായക വിവരങ്ങള്‍ കൈമാറിയ വ്യക്തിയാണെന്നും ചൗധരി അവകാശപ്പെട്ടിരുന്നു. അധികാരം നിലനിര്‍ത്താന്‍ ക്രമിനലുകളെ നിതീഷ് കുമാര്‍ സര്‍ക്കാര്‍ ഉന്നത പദവികളില്‍ നിയോഗിച്ചിരിക്കുകയാണ് എന്നാണ് ആര്‍ജെഡി നേതാവ് തേജസ്വി യാദവ് ആരോപിച്ചത്.
Recommended Video
