സല്മാന്ഖാന്റെ ശിക്ഷ; സയാമീസ് ഇരട്ടകള് നിരാഹാരത്തില്
പറ്റ്ന: ഹിറ്റ് ആന്ഡ് റണ് കേസില് ബോളിവുഡ് സൂപ്പര്താരം സല്മാന്ഖാന് ശിക്ഷിക്കപ്പെട്ടതറിഞ്ഞ് ബീഹാറിലെ സയാമീസ് ഇരട്ടകള് നിരാഹാരത്തില്. ബിഹാര് തലസ്ഥാനമായ പറ്റ്നയിലെ സമന്പുരിലെ സയാമീസ് ഇരട്ടകളായ സബായും ഫറായുമാണ് ഇഷ്ടതാരത്തോടുള്ള പ്രിയം നിരാഹാരത്തിലൂടെ പ്രകടമാക്കിയത്.
ഏറ്റവും പ്രിയപ്പെട്ട നടന്റെ കൈയ്യില് രാഖി കെട്ടാനായതാണ് ഇവരെ രാഖി സഹോദരിമാര് എന്ന വിളിക്കാന് കാരണം. സല്മാന്റെ കടുത്ത ആരാധകരാണ് ഇരുവരും. നടന്റെ കൈയ്യില് രാഖി കെട്ടണമെന്ന ഇവരുടെ ആഗ്രഹം നാട്ടുകാരില് ചിലര് സല്മാന് ഖാനെ അറിയിച്ചു. എതിര്പ്പൊന്നും പറയാതെ സല്മാന് ഇവരുടെ വീട്ടിലെത്തുകയും ആഗ്രഹം സാധിപ്പിച്ചു കൊടുക്കുകയുമായിരുന്നു.
തങ്ങളോട് ഇത്രയേറെ ദയകാട്ടിയ സല്മാന് നിരപരാധിയാണെന്ന് സഹോദരിമാര് പറയുന്നു. എത്രയും പെട്ടെന്ന് സല്ലുവിനെ ജയില് മോചിതനാക്കാനുള്ള പ്രാര്ഥനയിലുമാണ് ഇവര്. മക്കളുടെ വിഷമം പിതാവ് ഷക്കീല് അഹമ്മദും പങ്കുവെക്കുന്നു. സല്മാന് ജയില് ശിക്ഷകിട്ടിയത് വിശ്വസിക്കാനാകാതെ തകര്ന്നുപോയി മക്കള്. അതിന്റെ ഞെട്ടലില് നിന്നും അവര് പൂര്ണമായും മുക്തരായില്ലെന്നും അദ്ദേഹം പറഞ്ഞു.
അതിനിടെ, 2002ലെ ഒരാളുടെ മരണത്തിനിടയാക്കിയ വാഹനാപകടക്കേസില് സല്മാന് ഖാന് ബോംബെ ഹൈക്കോടതി രണ്ടുദിവസത്തെ ജാമ്യം അനുവദിച്ചു. വെള്ളിയാഴ്ച വരെയാണ് ജാമ്യം. ഇതിനിടയില് സല്മാന് ഹൈക്കോടതിയില് ജാമ്യം സമര്പ്പിക്കാന് അവസരം ലഭിക്കുമെന്നാണ് കരുതുന്നത്. കേസില്, അഞ്ചുവര്ഷത്തെ തടവുശിക്ഷയാണ് സല്മാന് ഖാന് ലഭിച്ചിരിക്കുന്നത്.