ബിപോര്ജോയ് ശക്തി കുറഞ്ഞ് രാജസ്ഥാനിലേക്ക്; ഗുജറാത്തില് ആയിരത്തിലധികം ഗ്രാമങ്ങളില് വൈദ്യുതിയില്ല
അഹമ്മദാബാദ്: ഗുജറാത്തില് കനത്ത നാശം വിതച്ച ബിപോര്ജോയ് ചുഴലിക്കാറ്റ് ദുര്ബലമാകുന്നു. വ്യാഴാഴ്ച ഗുജറാത്തിലെ തീരപ്രദേശങ്ങളില് വീശിയടിച്ച ചുഴലിക്കാറ്റ് സൗരാഷ്ട്ര-കച്ചില് നിന്ന് രാജസ്ഥാനിലേക്ക് എത്തിയിരിക്കുകയാണ്. ചുഴലിക്കാറ്റില് ഗുജറാത്തില് 5000-ലധികം വൈദ്യുത പോസ്റ്റുകള് തകര്ന്നു. സംസ്ഥാനത്തെ ആയിരത്തിലധികം ഗ്രാമങ്ങളില് വൈദ്യുതി ബന്ധം നഷ്ടപ്പെട്ടിരിക്കുകയാണ്.
ഇന്നലെ മുതല് വീശിയടിക്കുന്ന ബിപോര്ജോയ് പല തീരദേശ ജില്ലകളിലും നാശം വിതച്ചപ്പോള് 4600 ഗ്രാമങ്ങളില് വൈദ്യുതിയില്ലായിരുന്നു. എന്നാല് വെള്ളിയാഴ്ച ഉച്ചയോടെ 3580 ഗ്രാമങ്ങളില് വൈദ്യുതി വിതരണം പുനഃസ്ഥാപിച്ചു. അതിനിടെ ബിപോര്ജോയ് ചുഴലിക്കാറ്റില് സംസ്ഥാനത്ത് രണ്ട് മരണം റിപ്പോര്ട്ട് ചെയ്തു. 22 പേര്ക്ക് പരിക്കേറ്റിട്ടുണ്ട്. ആടിനെ രക്ഷിക്കാന് ശ്രമിക്കുന്നതിനിടെ വെള്ളത്തില് വീണ് അച്ഛനും മകനുമാണ് മരിച്ചത്.
ശക്തമായ കാറ്റില് നിരവധി മൃഗങ്ങള് ചത്തു. മരങ്ങളും ഇലക്ട്രിക് പോസ്റ്റുകളും നിലംപൊത്തി. പലയിടങ്ങളിലും കെട്ടിടങ്ങള് തകര്ന്നുവീണു. കച്ച് ജില്ലയില് ദുരിതാശ്വാസ, രക്ഷാപ്രവര്ത്തനങ്ങള്ക്കായി എന് ഡി ആര് എഫിന്റെ ആറ് ടീമുകളെ വിന്യസിച്ചിരിക്കുകയാണ്. അതേസമയം ബിപോര്ജോയ് ശക്തി കുറഞ്ഞ് ന്യൂനമര്ദ്ദമായാണ് രാജസ്ഥാനിലേക്ക് പ്രവേശിക്കുന്നത്. രാത്രിയോടെ കാറ്റിന്റെ ശക്തി ക്ഷയിക്കുമെന്നാണ് കാലാവസ്ഥാ കേന്ദ്രം അറിയിക്കുന്നത്.
ചുഴലിക്കാറ്റിന്റെ പശ്ചാത്തലത്തില് ജലോര്, ബാര്മര് എന്നിവിടങ്ങളിലുള്പ്പെടെ രാജസ്ഥാനില് പല ജില്ലകളിലും കനത്ത മഴയാണ്. ജയ്പൂര്, കോട്ട, ഭരത്പൂര്, ഉദയ്പൂര്, അജ്മീര്, ജോധ്പൂര്, ബിക്കാനീര് എന്നിവിടങ്ങളില് സംസ്ഥാന ദുരന്ത നിവാരണ സേനയുടെ എട്ട് കമ്പനികളെ വിന്യസിച്ചിട്ടുണ്ട്. ചുഴലിക്കാറ്റ് വടക്ക് പടിഞ്ഞാറ് ഭാഗത്തേക്ക് നീങ്ങുന്നതിനാല് ജൂണ് 16, 17 തീയതികളില് രാജസ്ഥാനില് അതിശക്തമായ മഴയ്ക്ക് സാധ്യതയുണ്ടെന്ന് ഐ എം ഡി ഡയറക്ടര് ജനറല് ഡോ.മൃത്യുഞ്ജയ് മൊഹപത്ര പറഞ്ഞു.
കാറ്റ്, വേലിയേറ്റം, കനത്ത മഴ എന്നിവക്ക് സാധ്യതയുള്ളതിനാല് സുരക്ഷിതമല്ലാത്ത സ്ഥലങ്ങളില് താമസിക്കുന്നവര് എത്രയും പെട്ടെന്ന് അഭയാര്ത്ഥി കേന്ദ്രങ്ങളിലേക്ക് മാറണമെന്നും അധികൃതര് നിര്ദേശിച്ചിട്ടുണ്ട്. അജ്മീര് ജില്ലയിലെ കിഷന്ഗഡില് ദേശീയ ദുരന്ത നിവാരണ സേനയുടെ ഒരു കമ്പനിയെയും രാജസ്ഥാന് സര്ക്കാര് വിന്യസിച്ചിട്ടുണ്ട്. അതേസമയം ഗുജറാത്ത് തീരത്ത് കനത്ത മഴയും കടല്ക്ഷോഭവും തുടരുകയാണ്.
ബിപോര്ജോയുടെ പശ്ചാത്തലത്തില് ഗുജറാത്തില് 180000 പേരെ ഒഴിപ്പിച്ചിട്ടുണ്ട്. ദേശീയ, സംസ്ഥാന ദുരന്ത നിവാരണ സേന, കര, നാവിക, വ്യോമ സേന, അതിര്ത്തി രക്ഷാസേന, തീരസംരക്ഷണ സേന എന്നിവരാണ് രക്ഷാപ്രവര്ത്തനത്തിനായുള്ളത്. പ്രധാനമന്ത്രി നരേന്ദ്ര മോദി ഗുജറാത്ത് മുഖ്യമന്ത്രി ഭൂപേന്ദ്ര പട്ടേലിനെ ഫോണില് വിളിച്ച് സ്ഥിതിഗതികള് വിലയിരുത്തി.
-
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ
Click it and Unblock the Notifications
Sign in with Google