Click it and Unblock the Notifications
Just In
Don't Miss
-
പൊന്നു ചങ്ങായിമാരേ വേഗം രക്ഷപ്പെട്ടോളീൻ...! ഗൂഗിൾ കൈയൊഴിഞ്ഞു, ഈ 3 ആപ്പുകൾ ഉടൻ ഡിലീറ്റ് ചെയ്യാൻ നിർദേശം -
ഹാർട്ട് അറ്റാക്കിൽ രക്ഷകനായി ടെസ്ല; സെൽഫ് ഡ്രൈവിംഗ് കാറിന് ഇങ്ങനേയും ഗുണങ്ങളുണ്ട് -
IPL 2024: ധോണി തല്ലിക്കൂട്ടി, ഹാര്ദിക്ക് മുംബൈ ടീമില് ഒറ്റപ്പെട്ടു! പിന്തുണയില്ലെന്ന് ഗില്ലി -
ആ സിനിമയില് വിനീത് പാടുന്നതിനെ എതിര്ത്തു; ഞാന് പറഞ്ഞിട്ടാണെന്ന് കരുതില്ലേ: ശ്രീനിവാസന് -
ഗര്ഭിണിയാവില്ലെന്ന് ശരീരം പറയും, ഈ ലക്ഷണങ്ങള് നേരത്തെയറിയാം -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
നേരാവണ്ണം റോഡിലിറങ്ങി നടക്കുമെന്ന് കരുതേണ്ട; ബിജെപിക്കാര്‍ക്ക് മുന്നറിയിപ്പുമായി സിദ്ധരാമയ്യ
ബെംഗളൂരു: ഭാരത് ജോഡോ യാത്ര കര്‍ണാടകയിലേക്ക് കടക്കാനിരിക്കെ കോണ്‍ഗ്രസ് പ്രവര്‍ത്തകര്‍ സ്ഥാപിച്ച ബോര്‍ഡുകളും ബാനറുകളും തകര്‍ത്തതില്‍ മുന്നറിയിപ്പുമായി പ്രതിപക്ഷ നേതാവ് സിദ്ധരാമയ്യ. കഴിഞ്ഞ ദിവസം രാഹുല്‍ ഗാന്ധിയെ വരവേല്‍ക്കാന്‍ വേണ്ടി സ്ഥാപിച്ച പോസ്റ്ററുകളും ബാനറുകളും ബി ജെ പി പ്രവര്‍ത്തകര്‍ നശിപ്പിച്ച പശ്ചാത്തലത്തിലാണ് സിദ്ധരാമയ്യയുടെ മുന്നറിയിപ്പ്.
കോണ്‍ഗ്രസ് പ്രവര്‍ത്തകര്‍ ഗുണ്ടലുപേട്ടില്‍ സ്ഥാപിച്ച പോസ്റ്ററുകളായിരുന്നു ബി ജെ പി നശിപ്പിച്ചത്. എന്നാണ് കോണ്‍ഗ്രസ് ആരോപിക്കുന്നത്. മൂന്ന് ബി ജെ പി പ്രവര്‍ത്തകര്‍ ചേര്‍ന്നാണ് പോസ്റ്റര്‍ കീറിയത് എന്നാണ് കോണ്‍ഗ്രസ് പ്രവര്‍ത്തകര്‍ ആരോപിക്കുന്നത്. ഇതിന് പിന്നാലെയാണ് സിദ്ധരാമയ്യ ബി ജെ പിക്ക് മുന്നറിയിപ്പുമായി രംഗത്തെത്തിയത്.
ഇനിയും ഇതേ പ്രവൃത്തി തുടരാനാണ് തീരുമാനമെങ്കില്‍ ബി ജെ പിക്ക് തക്ക മറുപടി നല്‍കുമെന്ന് സിദ്ധരാമയ്യ പറഞ്ഞു. തങ്ങള്‍ സ്ഥാപിച്ച പോസ്റ്ററുകളും ഫ്ളെക്സുകളും ബി ജെ പിക്കാര്‍ നശിപ്പിക്കുകയാണ് എന്നും ഇത് തുടരാനാണ് തീരുമാനമെങ്കില്‍ സ്വതന്ത്രമായി ഇതിലൂടെ നടക്കാം എന്ന് ബി ജെ പിക്കാര്‍ കരുതേണ്ട എന്ന് സിദ്ധരാമയ്യ വ്യക്തമാക്കി.
അതിനുള്ള ശക്തിയൊക്കെ സംസ്ഥാനത്ത് കോണ്‍ഗ്രസിനുണ്ട് എന്നും സിദ്ധരാമയ്യ പറഞ്ഞു. അടുത്ത ആറ് മാസത്തിനുള്ളില്‍ സംസ്ഥാനത്തെ സര്‍ക്കാര്‍ മാറും എന്നും പൊലീസുകാരോടും ഇത് തന്നെയാണ് പുറയാനുള്ളത് എന്നും സിദ്ധരാമയ്യ കൂട്ടിച്ചേര്‍ത്തു.
ഇന്നാണ് രാഹുല്‍ ഗാന്ധി നയിക്കുന്ന ഭാരത് ജോഡോ യാത്ര കര്‍ണാടകയിലെത്തിയത്. സിദ്ധരാമയ്യ ഉള്‍പ്പെടെയുള്ള പാര്‍ട്ടി നേതാക്കള്‍ സംസ്ഥാന അതിര്‍ത്തിയില്‍ രാഹുല്‍ ഗാന്ധിയെ സ്വാഗതം ചെയ്തു. അടുത്ത വര്‍ഷം തെരഞ്ഞെടുപ്പ് നടക്കാനിരിക്കെ വലിയ പ്രാധാന്യമാണ് കര്‍ണാടകയിലെ യാത്രയ്ക്ക് ഉള്ളത്. സെപ്റ്റംബര്‍ ഏഴിന് കന്യാകുമാരിയിലെ ഗാന്ധി മണ്ഡപത്തില്‍ നിന്നാണ് ഭാരത് ജോഡോ യാത്ര തുടക്കം കുറിച്ചത്.
രാഹുല്‍ ഗാന്ധി നയിക്കുന്ന യാത്രയില്‍ 100 സ്ഥിരാംഗങ്ങള്‍ ഉണ്ട്. കന്യാകുമാരി മുതല്‍ കാശ്മീര്‍ വരെ 150 ദിവസങ്ങളായി 12 സംസ്ഥാനങ്ങളിലൂടെ 3570 കിലോമീറ്റര്‍ ആണ് രാഹുല്‍ ഗാന്ധിയും കൂട്ടരും പദയാത്രയിലൂടെ പിന്നിടുന്നത്.
