കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അസംഖാനെതിരെ നടപടിയുണ്ടാവും, ലൈംഗിക പരാമര്‍ശത്തില്‍ എംപിയെ പുറത്താക്കാന്‍ പ്രമേയവുമായി ബിജെപി!!

Google Oneindia Malayalam News

ദില്ലി: ബിജെപി എംപി രമാ ദേവിക്കെതിരായ ലൈംഗിക പരാമര്‍ശത്തില്‍ സമാജ് വാദി പാര്‍ട്ടി എംപി അസംഖാനെതിരെ നടപടിയുണ്ടാവും. ബിജെപി ഈ വിഷയത്തില്‍ നിലപാട് കടുപ്പിച്ചിരിക്കുകയാണ്. പാര്‍ലമെന്റില്‍ അദ്ദേഹത്തിനെതിരെ പ്രതിഷേധം ആളിക്കത്തുകയാണ്. അസംഖാനെതിരെ ബിജെപി നേതാവ് സംഗമിത്ര മൗര്യയാണ് പ്രമേയം കൊണ്ടുവന്നത്. സ്പീക്കര്‍ ഓംപ്രകാശ് ബിര്‍ളയോട് അസംഖാനെതിരെ നടപടിയെടുക്കണമെന്ന് ആവശ്യപ്പെട്ടുള്ളതായിരുന്നു ഈ പ്രമേയം.

1

അതേസമയം നടപടിക്കെതിരെ പ്രതിപക്ഷത്തെ ചില നേതാക്കളും രംഗത്തെത്തിയിട്ടുണ്ട്. എംജെ അക്ബറും ഇതേ പോലൊരു സംഭവത്തില്‍ ഉള്‍പ്പെട്ടപ്പോള്‍ ബിജെപി നേതാക്കള്‍ എന്തുകൊണ്ട് നടപടിയെടുത്തില്ലെന്ന് അസാദുദ്ദീന്‍ ഒവൈസി ചോദിച്ചു. അക്ബറിനെതിരെയുള്ള ആരോപണം അന്വേഷിക്കാന്‍ രൂപീകരിച്ച കമ്മിറ്റിക്ക് എന്ത് പറ്റിയെന്നും ഒവൈസി ചോദിച്ചു. മുത്തലാഖ് ബില്ലില്‍ ചര്‍ച്ചകള്‍ നടക്കുന്നതിനിടെയായിരുന്നു രമാ ദേവിക്കെതിരെ ലൈംഗിക പരാമര്‍ശം അസംഖാന്‍ നടത്തിയത്.

അസംഖാനെ സഭയില്‍ നിന്ന് എത്രയും പെട്ടെന്ന് സസ്‌പെന്‍ഡ് ചെയ്യണമെന്നാണ് കേന്ദ്ര മന്ത്രിമാരായ സ്മൃതി ഇറാനിയും രവിശങ്കര്‍ പ്രസാദും ആവശ്യപ്പെട്ടത്. എന്നാല്‍ ഇത്തരം പരാമര്‍ശം നടത്തുന്ന എല്ലാവര്‍ക്കെതിരെയും നടപടിയെടുക്കണമെന്നാണ് കോണ്‍ഗ്രസ് ആവശ്യപ്പെട്ടത്. മുമ്പ് സോണിയാ ഗാന്ധിയെയും ഇഇത്തരത്തില്‍ അപമാനിച്ചിട്ടുണ്ട്. അതുകൊണ്ട് കൊടിയുടെ നിറം നോക്കാതെയായിരിക്കണം നടപടിയെന്നും കോണ്‍ഗ്രസ് നേതാവ് അധീര്‍ രഞ്ജന്‍ ചൗധരി ആവശ്യപ്പെട്ടു.

അസംഖാനെതിരെ രൂക്ഷമായിട്ടാണ് സ്മൃതി ഇറാനി പ്രതികരിച്ചത്. ഒരു സ്ത്രീയെ ഇങ്ങനെ അപമാനിച്ച് ഇറങ്ങി പോകാമെന്ന് അസംഖാന്‍ കരുതേണ്ടെന്നും സ്മൃതി പറഞ്ഞു. ലോക്‌സഭയില്‍ പറഞ്ഞ കാര്യങ്ങള്‍ പുറത്താണ് പറഞ്ഞതെങ്കില്‍ അസംഖാന്‍ അഴിക്കുള്ളിലാവുമായിരുന്നെന്നും സ്മൃതി പറഞ്ഞു. അസംഖാന്‍ ഒരിക്കലും സ്ത്രീകളെ ബഹുമാനിക്കാറില്ലെന്നാണ് രമാദേവി ഉന്നയിച്ചിരിക്കുന്നത്. ജയപ്രദയെ കുറിച്ച് അദ്ദേഹം എന്താണ് പറഞ്ഞതെന്ന് എല്ലാവര്‍ക്കുമറിയാം. ലോക്‌സഭയില്‍ തുടരാന്‍ അദ്ദേഹത്തിന് അവകാശമില്ല. അസംഖാനെ സഭയില്‍ നിന്ന് പുറത്താക്കണമെന്നാണ് രമാ ദേവി സ്പീക്കറോട് ആവശ്യപ്പെട്ടിരിക്കുന്നത്.

യെഡിയൂരപ്പയ്ക്ക് കാര്യങ്ങള്‍ എളുപ്പമല്ല, 56 പേരെ ഒപ്പം നിര്‍ത്തണം, മന്ത്രിപദത്തില്‍ പ്രശ്‌നങ്ങള്‍യെഡിയൂരപ്പയ്ക്ക് കാര്യങ്ങള്‍ എളുപ്പമല്ല, 56 പേരെ ഒപ്പം നിര്‍ത്തണം, മന്ത്രിപദത്തില്‍ പ്രശ്‌നങ്ങള്‍

English summary
bjp against azam khan
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X