Click it and Unblock the Notifications
Just In
Don't Miss
-
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
കര്‍ണാടക പിടിക്കാന്‍ ബിജെപി: അമിത് ഷായുടെ രണ്ട് ദിവസത്തെ സന്ദര്‍ശനത്തിന് തുടക്കമായി
ബെംഗളൂരു: ബിജെപി ദേശീയാധ്യക്ഷന്‍ അമിത് ഷായുടെ രണ്ട് ദിവസത്തെ കര്‍ണ്ണാടക സന്ദര്‍ശനത്തിന് തിങ്കളാഴ്ച തുടക്കമാകും. നിയമസഭാ തിരഞ്ഞെടുപ്പ് നടക്കാനിരിക്കെ ലിംഗായത്ത് ദളിത് വിഭാഗങ്ങളെ അഭിസംബോധന ചെയ്ത് സംസാരിക്കുന്നതിന് വേണ്ടിയാണ് അമിത് ഷായുടെ കര്‍ണാടക സന്ദര്‍ശനം. ലിംഗായത്ത് സമുദായത്തിന് പുറമേ മറ്റ് സമുദായങ്ങളുമായി ബന്ധപ്പെട്ടുള്ള സംസ്ഥാനത്തെ വിവിധ മഠങ്ങളും ഷാ സന്ദര്‍ശിക്കും. കര്‍ഷകര്‍, വ്യാപാരികള്‍ എന്നിവരുമായി കൂടിക്കാഴ്ച നടത്തുന്നതിനൊപ്പം റോഡ്ഷോ ഉള്‍പ്പെടെയുള്ള പരിപാടികളിലും പങ്കെടുക്കും.
തിങ്കളാഴ്ച കര്‍ണാടകത്തിലെ സിദ്ധഗംഗ മഠം സന്ദര്‍ശിക്കുന്ന അമിത് ഷാ ദളിത് വിഭാഗത്തിന്റെ മധര ചെന്നയ്യ മഠവും ചൊവ്വാഴ്ച സന്ദര്‍ശിക്കും. ബേക്കിന്‍കല്‍, സിര്‍ഗെരെ, മുരുക മഠങ്ങളും അമിത് ഷാ രണ്ട് ദിവസത്തിനിടെ സന്ദര്‍ശിക്കും. ലിംഗായത്ത് സമുദായത്തിന് ന്യൂനപക്ഷ പദവി നല്‍കാനുള്ള സിദ്ധരാമയ്യ സര്‍ക്കാരിന്റെ നീക്കത്തിന് പിന്നാലെയാണ് അമിത് ഷാ കര്‍ണാടക സന്ദര്‍ശിക്കുന്നത്. തിരഞ്ഞെടുപ്പില്‍ ബിജെപിയ്ക്ക് ലിംഗായത്ത് സമുദായത്തിന്റെ പിന്തുണ സ്വന്തമാക്കുന്നതിനുള്ള നീക്കങ്ങളുടെ ഭാഗം കുടിയാണ് അമിത് ഷായുടെ സന്ദര്‍ശനം. സംസ്ഥാനത്തെ ഏറ്റവും വലിയ സമുദായമായ ലിംഗായത്തുകളുടെ വോട്ടുകള്‍ ഉറപ്പാക്കി കര്‍ണാടകത്തില്‍ അധികാരത്തിലെത്തുകയെന്ന തന്ത്രമാണ് പാര്‍ട്ടി പയറ്റിക്കൊണ്ടിരിക്കുന്നത്. കോണ്‍ഗ്രസിനെ കര്‍ണാടകയില്‍ അധികാരത്തിലെത്തുന്നതില്‍ നിന്ന് തടയുകയാണ് ബിജെപിയുടെ നീക്കമെന്നാണ് രാഷ്ട്രീയ നിരീക്ഷകര്‍ വിലയിരുത്തുന്നത്.
നിയമസഭാ തിരഞ്ഞെടുപ്പിന് മുന്നോടിയായി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി രണ്ട് തവണ കര്‍ണാടക സന്ദര്‍ശിച്ചിരുന്നു. സംസ്ഥാനത്തെത്തിയ രാഹുല്‍ ആരാധനാലയങ്ങളും വിശുദ്ധകേന്ദ്രങ്ങളും സന്ദര്‍ശിച്ചതിനൊപ്പം സംസ്ഥാനത്തെ കര്‍ഷകര്‍, വ്യാവസായിക പ്രമുഖര്‍ എന്നിങ്ങനെ വ്യത്യസ്ത കൂടിക്കാഴ്ചകളും നടത്തിയിരുന്നു. ഞായറാഴ്ച മൈസൂരുവില്‍ പൊതുറാലിയെ അഭിസംബോധന ചെയ്ത രാഹുല്‍ ഗാന്ധി പഞ്ചാബ് നാഷണല്‍ ബാങ്ക് തട്ടിപ്പ്, ഇന്ത്യയുടെ വിദേശകാര്യ നയം, ജമ്മു കശ്മീരിലെ സ്ഥിതിഗതികള്‍ എന്നീ വിഷയത്തില്‍ മോദി സര്‍ക്കാരിനെ നിശിതമായി വിമര്‍ശിച്ചിരുന്നു. നേരത്തെ കെആര്‍ പെട്ടെയില്‍ സംസാരിച്ച രാഹുല്‍ പാവങ്ങള്‍ക്ക് വേണ്ടി പ്രവര്‍ത്തിക്കുന്നതിലും പിന്നാക്ക സമുദായങ്ങള്‍ക്ക് വേണ്ടി പ്രവര്‍ത്തിക്കുന്നതിനും കര്‍ണാടകത്തില്‍ അധികാരത്തിലിരിക്കുന്ന സിദ്ധരാമയ്യ സര്‍ക്കാരിനെ അഭിനന്ദിച്ചിരുന്നു.
Looking forward to being in Central Karnataka for two days, where I will attend a wide range of programmes and interact with people of Tumakuru, Shivamogga, Davanagere and Chitradurga districts. pic.twitter.com/4sl1qDvNTJ
— Amit Shah (@AmitShah) March 25, 2018
