Click it and Unblock the Notifications
Just In
Don't Miss
-
അങ്ങനൊരു മാറ്റം വന്നാല് ബിഗ് ബോസ് വന്‍ വിജയമാവും! മത്സരാര്ഥികളുടെ ബഹുമാനമില്ലായ്മയെ പറ്റി ആരാധകര് -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മുസ്താങ്ങിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
പ്രകടനം മഹാമോശം... ബിജെപിയില്‍ വെട്ടിനിരത്തല്‍, ഒഴിവാക്കിയത് 55 പുതുമുഖ എംപിമാരെ!!
ദില്ലി: ബിജെപി ഇത്തവണ മികച്ച ട്രാക്ക് റെക്കോര്‍ഡ് കാത്ത് സൂക്ഷിക്കാനുള്ള നെട്ടോട്ടത്തിലാണ്. എന്നാല്‍ പാര്‍ട്ടിയുടെ എല്ലാ എംപിമാരുടെയും പ്രകടനം അത്ര മികച്ചതല്ലെന്നാണ് റിപ്പോര്‍ട്ട്. പാര്‍ട്ടി ഇത്തവണ പല എംപിമാരെയും ഒഴിവാക്കിയിരിക്കുകയാണ്. മൂന്നിലൊരു ഭാഗം പുതുമുഖ എംപിമാരെ ഒഴിവാക്കിയെന്നാണ് പാര്‍ട്ടി വ്യക്തമാക്കുന്നത്. ആദ്യമായി എംപിമാരായ 158 പേരാണ് ബിജെപിയില്‍ ഉള്ളത്. ഇതില്‍ 55 പേരെ പാര്‍ട്ടി ഇത്തവണ ഒഴിവാക്കിയിരിക്കുകയാണ്.
അതായത് 35 ശതമാനം എംപിമാര്‍ക്ക് ഇത്തവണ സീറ്റ് ലഭിച്ചിട്ടില്ല. പുതുമുഖങ്ങള്‍ 2014ല്‍ മോദി തരംഗം കാരണം വിജയിച്ചതാണെന്നാണ് വിലയിരുത്തുന്നത്. ഇവര്‍ക്കെതിരെ ഇത്തവണ ഭരണവിരുദ്ധ വികാരം ശക്തമാണ്. അതോടൊപ്പം മോശം പ്രകടവും, മണ്ഡലത്തിലെ സ്വീകാര്യത ഇല്ലായ്മയും കാരണം ഒഴിവാക്കാന്‍ നിര്‍ബന്ധിതമാവുകയായിരുന്നു. അതേസമയം 173 സിറ്റിംഗ് എംപിമാരെ ബിജെപി നിലനിര്‍ത്തിയിട്ടുണ്ട്.
ഉത്തര്‍പ്രദേശില്‍ നിന്ന് 17 എംപിമാര്‍ക്കാണ് ബിജെപി ടിക്കറ്റ് നല്‍കാതിരുന്നത്. മഹാസഖ്യം വന്നതോടെ പരമാവധി നഷ്ടം ഒഴിവാക്കാനാണ് ഈ നീക്കം. മധ്യപ്രദേശില്‍ എട്ട് പേരെ ഒഴിവാക്കിയിട്ടുണ്ട്. ഛത്തീസ്ഗഡില്‍ അഞ്ച് എംപിമാരെയാണ് ഒഴിവാക്കിയത്. നിയമസഭാ തിരഞ്ഞെടുപ്പില്‍ ബിജെപി വന്‍ തിരിച്ചടി നേരിട്ട സാഹചര്യത്തിലാണ് ഈ മാറ്റം. മുന്‍ മുഖ്യമന്ത്രി രമണ്‍ സിംഗിന്റെ മകന്‍ അഭിഷേക് സിംഗിനെയും ഒഴിവാക്കിയിട്ടുണ്ട്.
ഗുജറാത്തിലും രാജസ്ഥാനിലും നാല് വീതം പുതുമുഖ എംപിമാരെയാണ് ഒഴിവാക്കിയത്. ദില്ലി, മഹാരാഷ്ട്ര, ബീഹാര്‍ എന്നീ സംസ്ഥാനങ്ങളില്‍ നിന്ന് മൂന്ന് പേരെയും ആന്ധ്രപ്രദേശ്, അസം എന്നിവിടങ്ങളില്‍ നിന്ന് രണ്ട് പേരെയും ഒഴിവാക്കിയിട്ടുണ്ട്. ചില സീറ്റുകള്‍ സഖ്യകക്ഷികള്‍ക്ക് കൂടുതല്‍ സീറ്റ് നല്‍കിയപ്പോള്‍ കൈവിട്ട് പോയിട്ടുമുണ്ട്. അതേസമയം സീറ്റ് നിഷേധിച്ചതില്‍ പ്രമുഖ നേതാക്കള്‍ പാര്‍ട്ടി വിടുകയും ചെയ്തിട്ടുണ്ട്.
