കളര്ഫുള്ളായി ബിജെപി സ്ഥാപക ദിനാചരണം; പക്ഷെ ഖുശ്ബു പതാക ഉയര്ത്തിയത് തലകീഴായി
ചെന്നൈ: ബി ജെ പിയുടെ 42 -ാമത് സ്ഥാപക ദിനത്തോടനുബന്ധിച്ച് ബി ജെ പി പതാക തല കീഴായി ഉയര്ത്തി. ചെന്നൈ ത്യാഗരായനഗറിലെ ഓഫിസ് അങ്കണത്തിലെ കൊടി മരത്തില് ആണ് പതാക ഉയര്ത്തിയത് തലകീഴായി. ദേശീയ പ്രവര്ത്തക സമിതി പ്രത്യേക ക്ഷണിതാവും നടിയുമായ ഖുശ്ബുവാണ് പാര്ട്ടി പതാക തലകീഴായി ഉയര്ത്തിയത്.
ബുധനാഴ്ച രാവിലെ ബി ജെ പി ഷാളും കാവി തൊപ്പിയും അണിഞ്ഞാണ് നടി ഖുശ്ബു ചടങ്ങിന് എത്തിയത്. പതാക ഉയര്ത്തി ചെറിയ പ്രസംഗം നടത്തി ഖുശ്ബു മടങ്ങിയതിന് ശേഷമാണ് സംഭവം പ്രവര്ത്തകരുടെ ശ്രദ്ധയില്പ്പെട്ടത്. പതാകയിലെ താമര തലകീഴായി പറക്കുന്നത് നാട്ടുകാരാണ് ബി ജെ പി പ്രവര്ത്തകരുടെ ശ്രദ്ധയില്പ്പെടുത്തിയത്.
ഉടനടി പ്രവര്ത്തകരെത്തി പതാക ശരിയായ നിലയില് ഉയര്ത്തുകയായിരുന്നു. കോണ്ഗ്രസ് നേതാവായിരുന്ന ഖുശ്ബു അടുത്തിടെയാണ് ബി ജെ പിയിലെത്തിയത്. തമിഴ്നാട്ടില് കോണ്ഗ്രസിനെ ഞെട്ടിച്ച കൂറുമാറ്റമായിരുന്നു ഖുശ്ബുവിന്റേത്. അതേസമയം എല്ലാ സംസ്ഥാനങ്ങളിലും ദേശീയ തലത്തിലും ജില്ലാ, മണ്ഡല, ബൂത്ത് അടിസ്ഥാനത്തിലും ബി ജെ പി സ്ഥാപക ദിനം ആചരിക്കുന്നുണ്ട്.
1980 ലാണ് ബി ജെ പി സ്ഥാപിതമായത്. ദല്ഹിയില് പ്രധാനമന്ത്രി നരേന്ദ്ര മോദി പ്രവര്ത്തകരെ അഭിസംബോധന ചെയ്തിരുന്നു. ഏപ്രില് 7 മുതല് ബി ജെ പി സാമൂഹിക നീതി ക്യാംപെയ്ന് ആരംഭിക്കുമ്പോള് ജനസേവനത്തില് ഊന്നി പ്രവര്ത്തിക്കണമെന്ന് മോദി പ്രവര്ത്തകരോടായി പറഞ്ഞു. പാര്ട്ടി എം പിമാരോടുള്ള അഭിസംബോധനയില് സംസാരിക്കുകയായിരുന്നു അദ്ദേഹം.
കേന്ദ്ര സര്ക്കാര് ആരംഭിച്ച ക്ഷേമ പദ്ധതികള് പട്ടികപ്പെടുത്തുകയും അവയെക്കുറിച്ച് അവബോധം പ്രചരിപ്പിക്കാന് സമൂഹത്തിലെ എല്ലാ വിഭാഗങ്ങളിലേക്കും എത്തിക്കാനും മോദി അഭ്യര്ത്ഥിച്ചു. ബി ജെ പി 42-ാം സ്ഥാപക ദിനം ആഘോഷിക്കുന്നതിന് ഒരു ദിവസം മുമ്പ് ചൊവ്വാഴ്ച നടന്ന ബി ജെ പി പാര്ലമെന്ററി യോഗത്തില് സംസാരിക്കുകയായിരുന്നു അദ്ദേഹം.
അടുത്തിടെ ഗുജറാത്ത് സന്ദര്ശന വേളയില് പ്രധാനമന്ത്രി ധരിച്ചത് പോലെ പാര്ട്ടിയുടെ പേരോ ചിഹ്നമോ അടങ്ങിയ രണ്ട് ഓറഞ്ച് തൊപ്പികളാണ് ഓരോ എം പിക്കും നല്കിയിരിക്കുന്നത്. ചില എം പിമാര് മോദിയുടെ ഫോട്ടോ പതിച്ച തൊപ്പിയും ധരിച്ചിരുന്നു.
-
‘നമുക്ക് ഒന്നുകൂടി മുട്ടിയാലോ?’- 16 മണ്ഡലങ്ങളിൽ പഴയ എതിരാളികൾ വീണ്ടും -
ബിജെപിയുടെ മൂന്നാംഘട്ട സ്ഥാനാർത്ഥി പട്ടിക പ്രഖ്യാപിച്ചു; കൃഷ്ണകുമാറിനെ ഒഴിവാക്കി, വിവേക് ഗോപൻ അരുവിക്കരയിൽ -
ബിജെപിയും സിപിഐഎമ്മും തമ്മിൽ രഹസ്യ ധാരണയെന്ന് വി ഡി സതീശൻ -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
ജയിച്ചാല് നാല് സ്വതന്ത്രര് യുഡിഎഫിനൊപ്പം നില്ക്കുമെന്ന് സതീശന്; സിപിഎം നേതാക്കളും പിന്തുണക്കും -
മനസില് കാണുന്നത് നടന്നിരിക്കും.. ശിവയോഗത്തിന്റെ ഒരു പവറേ..! ഈ രാശിക്കാരാണോ? -
യുഎസിനെ ഇറാൻ സംഘർഷത്തിലേക്ക് വലിച്ചിഴച്ചത് ഇസ്രായേൽ അല്ലെന്ന് നെതന്യാഹു; 'യുദ്ധം വേഗം അവസാനിക്കും'
Click it and Unblock the Notifications
Sign in with Google