കോണ്ഗ്രസ് കോട്ടകള് പൊളിക്കാന് കേന്ദ്ര മന്ത്രിമാരെ ഇറക്കി ബിജെപി: മധ്യപ്രദേശില് സ്ഥാനാർത്ഥി പട്ടിക
ഭോപ്പാല്: മധ്യപ്രദേശ് നിയമസഭ തിരഞ്ഞെടുപ്പിനുള്ള രണ്ടാം ഘട്ട സ്ഥാനാർത്ഥി പട്ടിക പുറത്തിറക്കി ബി ജെ പി. മൂന്ന് കേന്ദ്രമന്ത്രിമാർ അടക്കം 7 എംപിമാർ അടങ്ങുന്ന പട്ടികയാണ് ബി ജെ പി പുറത്ത് വിട്ടിരിക്കുന്നത് എന്നതാണ് ശ്രദ്ധേയം. തിങ്കളാഴ്ച വൈകീട്ടോടെ പാർട്ടി പുറത്തിറക്കിയ സംസ്ഥാന തെരഞ്ഞെടുപ്പിനുള്ള 39 സ്ഥാനാർത്ഥികളുടെ പട്ടികയിൽ കേന്ദ്രമന്ത്രിമാരായ നരേന്ദ്ര സിംഗ് തോമർ, പ്രഹ്ലാദ് സിംഗ് പട്ടേൽ, ഫഗ്ഗൻ സിംഗ് കുലസ്തെ എന്നിവരാണ് ഉള്പ്പെട്ടിരിക്കുന്നത്.
പ്രധാനമന്ത്രി നരേന്ദ്ര മോദി മന്ത്രിസഭയിലെ ഏറ്റവും വിശ്വസ്തനായ മന്ത്രിമാരിൽ ഒരാളായി കണക്കാക്കപ്പെടുന്ന നരേന്ദ്ര സിങ് തോമറിനെ ചമ്പൽ മേഖലയിലെ മൊറേന ജില്ലയുടെ ഭാഗമായ ദിമാനി മണ്ഡലത്തിൽ നിന്നാണ് ബി ജെ പി മത്സരിക്കുന്നത്. ദിമാനി സീറ്റ് ഉള്പ്പെടുന്ന മൊറേനയിൽ നിന്നുള്ള സിറ്റിംഗ് എം പിയാണ് കേന്ദ്ര കൃഷി വകുപ്പ് മന്ത്രിയായ തോമർ.
മധ്യപ്രദേശിലെ ബി ജെ പിയുടെ താരതമ്യേന ദുർബലമായ സീറ്റുകളിലൊന്നായതിനാൽ ദിമാനിയില് കടുത്ത മത്സരം നേരിടേണ്ടി വന്നേക്കാമെന്നാണ് വിലയിരുത്തപ്പെടുന്നത്. എങ്കിലും തോമറിന്റെ ജനപ്രീതിയില് വിജയിച്ച് കയറാമെന്നാണ് ബി ജെ പിയുടെ പ്രതീക്ഷ. 2018ലും 2020ലെ ഉപതിരഞ്ഞെടുപ്പിലും കോൺഗ്രസ് വിജയിച്ച സീറ്റാണ് ഇത്. അടുത്തിടെ തോമറിനെ ബി ജെ പി സംസ്ഥാന പ്രചാരണ മേധാവിയായി നിയമിക്കുകയും ചെയ്തിരുന്നു.
സംവരണ സീറ്റായ നിവാസിൽ നിന്നാണ് കുലസ്തെയെ മത്സരിപ്പിക്കുന്നത്. 2018-ൽ കോൺഗ്രസ് നേതാവ് ഡോ അശോക് മാർസ്കോൾ നിവാസ് വിജയിച്ച മണ്ഡലമാണ് നിവാസ്. മറ്റൊരു കേന്ദ്ര മന്ത്രിയായ പ്രഹ്ലാദ് സിംഗ് പട്ടേല് നർസിംഗ്പൂരിൽ നിന്ന് മത്സരിക്കും. കഴിഞ്ഞ രണ്ട് തവണയും ബി ജെ പി വിജയിച്ച സീറ്റാണെങ്കിലും കോണ്ഗ്രസിനും മികച്ച സ്വാധീനമുള്ള മണ്ഡലമാണ് നർസിംഗ്പൂർ.
ഗണേഷ് സിംഗ് (സത്ന), റിതി പഥക് (സിദ്ധി), രാകേഷ് സിംഗ് (ജബൽപൂർ പശ്ചിം) , ഉദയ് പ്രതാപ് സിംഗ് (ഗദർവാര) എന്നിവരാണ് സ്ഥാനാർത്ഥി പട്ടികയില് ഉള്പ്പെട്ട മറ്റ് മന്ത്രിമാർ. 39 പേരുള്ള രണ്ടാം പട്ടികയിൽ എംപിയല്ലാത്ത ബി ജെ പി ദേശീയ ജനറൽ സെക്രട്ടറി കൈലാഷ് വിജയവർഗിയയും ഇടം കണ്ടെത്തി. അദ്ദേഹം ഇൻഡോർ-1 സീറ്റിൽ മത്സരിക്കും.
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google