അടുത്തത് നിങ്ങളുടെ ഊഴം; മമത ബാനര്ജിക്ക് മുന്നറിയിപ്പുമായി ബംഗാളിലെ ബിജെപി നേതാവ്
ഡല്ഹി: ഡല്ഹി നിയമസഭാ തിരഞ്ഞെടുപ്പ് വിജയം ഇന്ത്യയൊട്ടാകെയുള്ള ബിജെപി പ്രവര്ത്തകര്ക്ക് വലിയ ആവേശം പകര്ന്നിരിക്കുകയാണ്. 27 വര്ഷത്തിനു ശേഷമുള്ള ഡല്ഹിയിലെ തിരിച്ചുവരവ് കൂടുതല് സംസ്ഥാനങ്ങളില് മേല്ക്കൈ നേടാനുള്ള ബിജെപിയുടെ മോഹങ്ങള്ക്ക് ശക്തി പകരുന്നതാണ്.
ഒരിക്കല് ഡല്ഹിയില് ആധിപത്യം പുലര്ത്തിയിരുന്ന കോണ്ഗ്രസ് തിരഞ്ഞെടുപ്പ് ചിത്രത്തില് നിന്ന് തന്നെ തുടച്ചുനീക്കപ്പെട്ടതോടെ ബിജെപിയുടെ വിജയം അനായാസമായി. ഇതോടെ ബിജെപി ഭരണം കൈയാളാത്ത സംസ്ഥാനങ്ങളിലെ നേതാക്കള്ക്കു പോലും ആത്മവിശ്വാസം വര്ധിച്ചിരിക്കുകയാണ്.
ഇപ്പോഴിതാ ഡല്ഹിയുടെ വിജയത്തിനു പിന്നാലെ പശ്ചിമ ബംഗാള് മുഖ്യമന്ത്രിയും തൃണമൂല് കോണ്ഗ്രസ് അധ്യക്ഷയുമായ മമത ബാനര്ജിക്ക് മുന്നറിയിപ്പുമായി രംഗത്തുവന്നിരിക്കുന്നത് ബംഗാളിലെ ബിജെപി നേതാവായ സുവേന്ദു അധികാരിയാണ്. അടുത്ത നിയമസഭ തെരഞ്ഞെടുപ്പില് പാര്ട്ടി ബിജെപി അധികാരത്തില് എത്തുമെന്ന് പറഞ്ഞ സുവേന്ദു അടുത്തത് നിങ്ങളാണെന്ന് മമത ബാനര്ജിക്ക് മുന്നറിയിപ്പ് നല്കുകയും ചെയ്തു.
ബിജെപിയുടെ വിജയം ഔദ്യോഗികമായി സ്ഥിരീകരിച്ച ശേഷം മാധ്യമപ്രവര്ത്തകരോട് സംസാരിക്കുമ്പോഴായിരുന്നു സുവേന്ദു അധികാരിയുടെ മുന്നറിയിപ്പ്. 'നമ്മള് ഡല്ഹിയില് വിജയിച്ചു, 2026 ല് ബംഗാളിന്റെ ഊഴമാണ്' എന്നാണ് അദ്ദേഹം പറഞ്ഞത്.
2026 മാര്ച്ച്-ഏപ്രില് മാസങ്ങളിലായിരിക്കും പശ്ചിമബംഗാളില് നിയമസഭാ തെരഞ്ഞെടുപ്പ് നടക്കുന്നത്. ഒരിക്കല് മമത ബാനര്ജിയുടെ വിശ്വസ്തനായിരുന്ന സുവേന്ദു ഇപ്പോള് തൃണമൂല് കോണ്ഗ്രസിനെതിരെയുള്ള ബിജെപിയുടെ ഏറ്റവും വലിയ ആയുധമാണ്. ബംഗാളിലെ ഏറ്റവും ശക്തനായ പ്രതിപക്ഷ നേതാവായാണ് സുവേന്ദുവിന്റെ വളര്ച്ച. പശ്ചിമ ബംഗാളില് ബിജെപി അധികാരത്തിലെത്തിയാല് മുഗളന്മാരുടെ പേരിലുള്ള സ്ഥലങ്ങളുടെ പേരുകള് മാറ്റുമെന്നത് അടക്കം നിരവധി വിവാദ പ്രസ്താവനകള് നടത്തിയിട്ടുള്ള നേതാവാണ് സുവേന്ദു.
മറ്റൊരു മുതിര്ന്ന ബംഗാള് ബിജെപി നേതാവായ സുകാന്ത മജൂംദാറും മമത ബാനര്ജിക്ക് സമാനമായ മുന്നറിയിപ്പ് നല്കി. അടുത്ത നിയമസഭാ തെരഞ്ഞെടുപ്പില് ബംഗാളിലെ ജനങ്ങള് ബിജെപിക്ക് വോട്ട് ചെയ്യും എന്നാണ് അദ്ദേഹത്തിന്റെ അവകാശവാദം.
ബിജെപിയുടെ വിജയത്തിന് ഡല്ഹിയിലെ ബംഗാളി സമൂഹത്തോട് രണ്ടു നേതാക്കളും നന്ദി പറഞ്ഞു. അതേസമയം ബംഗാളി സമൂഹം ബിജെപിക്കാണോ മമത ബാനര്ജിയുടെ പിന്തുണയുള്ള ആം ആദ്മി പാര്ട്ടിക്കാണോ വോട്ട് ചെയ്തത് എന്ന് വ്യക്തമല്ല.
ഡല്ഹിയില് ആകെയുള്ള 70 നിയമസഭാ സീറ്റുകളില് 48 എണ്ണത്തില് ബിജെപി വിജയിച്ചു. 2020 ലെ എട്ട് സീറ്റില് നിന്ന് വന് മുന്നേമാണ് പാര്ട്ടി ഇക്കുറി നടത്തിയത്. ഡല്ഹിയിലെ ഈ വിജയം തൃണമൂല് കോണ്ഗ്രസിനെ വരുന്ന തിരഞ്ഞെടുപ്പില് തോല്പിക്കാനുള്ള ബിജെപിയുടെ ആത്മവിശ്വാസത്തിന് ശക്തി പകര്ന്നിരിക്കുകയാണ്്.
2019, 2024 ലോക്സഭാ തിരഞ്ഞെടുപ്പുകളിലും 2021 ലെ ബംഗാള് നിയമസഭാ തിരഞ്ഞെടുപ്പിലും തൃണമൂലിനെ വിജയത്തിലേക്ക് നയിച്ചത് മമതാ ബാനര്ജിയുടെ നേതൃത്വമാണ്.
-
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
വി.എം. സുധീരനെ അപരൻ ‘തോൽപ്പിച്ചപ്പോൾ...’ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
സാങ്കേതിക പിഴവ്; ബിജെപി സീലിൽ വിശദീകരണവുമായി തിരഞ്ഞെടുപ്പ് കമ്മീഷൻ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട്
Click it and Unblock the Notifications
Sign in with Google