കക്കൂസ് പരാമര്ശം; പ്രഗ്യാസിങിനെ ബിജെപി ആസ്ഥാനത്തേക്ക് വിളിപ്പിച്ചു, ഒന്നും മിണ്ടാതെ പ്രഗ്യ
ദില്ലി: ബിജെപി എംപി പ്രഗ്യസിങ് താക്കൂറിന്റെ കക്കൂസ് പരാമര്ശം വിവാദമായിരിക്കെ ബിജെപി കേന്ദ്ര നേതൃത്വം അവരെ വിളിച്ചുവരുത്തി വിശദീകരണം തേടി. ദില്ലിയിലെ പാര്ട്ടി ആസ്ഥാനത്തേക്ക് വിളിപ്പിച്ച പ്രഗ്യയോട് ഇത്തരം പരാമര്ശങ്ങള് ആവര്ത്തിക്കരുതെന്ന് വര്ക്കിങ് പ്രസിഡന്റ് ജെപി നദ്ദ താക്കീത് നല്കി. ജെപി നദ്ദയും പാര്ട്ടിയുടെ സംഘടനാ ജനറല് സെക്രട്ടറി ബിഎല് സന്തോഷുമാണ് പ്രഗ്യയെ വിളിപ്പിച്ചത്. വിവാദ പരാമര്ശം നടത്താനുണ്ടായ കാരണം ചോദിച്ചപ്പോള് പ്രഗ്യ ഒന്നും മിണ്ടാതെ നിന്നുവെന്നാണ് ദേശീയ മാധ്യമങ്ങളുടെ റിപ്പോര്ട്ടുകള്.
അതേസമയം, വിഷയത്തില് കടുത്ത പരിഹാസവുമായി എംഐഎം നേതാവ് അസദുദ്ദീന് ഒവൈസി രംഗത്തെത്തി. പ്രധാനമന്ത്രിയെ ആണ് പ്രജ്ഞസിങ് വെല്ലുവിളിച്ചിരിക്കുന്നതെന്ന് ഒവൈസി പറഞ്ഞു. പ്രജ്ഞസിങ് ഉയര്ന്ന ജാതിയില്പ്പെട്ടവരാണ്. അവരും കക്കൂസ് വൃത്തിയാക്കുന്നവരും തുല്യരല്ല എന്നാണ് പ്രജ്ഞ കരുതുന്നതെന്നും ഒവൈസി പറഞ്ഞു. ഇങ്ങനെയാണെങ്കില് എങ്ങനെയാണ് മോദി പുതിയ ഇന്ത്യ നിര്മിക്കുകയെന്ന് ഒവൈസി ചോദിച്ചു. ബിജെപി എംപിമാരുടെ സാധാരണക്കാരോടുള്ള മനോഭാവമാണ് പുറത്തുവന്നതെന്ന് കോണ്ഗ്രസ് നേതാവ് ശോഭ ഓസ കുറ്റപ്പെടുത്തി.
മധ്യപ്രദേശിലെ ഭോപ്പാല് ലോക്സഭാ മണ്ഡലത്തില് നിന്നുള്ള എംപിയാണ് പ്രജ്ഞ സിങ്. മലേഗാവില് സ്ഫോടനം നടത്തിയ കേസില് പ്രതിയായ ഇവരെ ബിജെപി സ്ഥാനാര്ഥിയാക്കിയത് ഏറെ വിവാദമായിരുന്നു. പ്രചാരണ വേളയിലും ഒട്ടേറെ വിവാദ പരാമര്ശങ്ങളില് പെട്ടു അവര്. ഗാന്ധിജിയുടെ ഘാതകന് നാഥുറാം ഗോഡ്സെയെ പിന്തുണച്ച് പ്രജ്ഞ രംഗത്തുവന്നതും വിവാദമായിരുന്നു.
ഞായറാഴ്ച ഭോപ്പാലിലെ ബിജെപി പ്രവര്ത്തകരുമായുള്ള യോഗത്തിലാണ് പ്രജ്ഞ വിവാദ പരാമര്ശം നടത്തിയത്. എംപിയുടെ ജോലി എംഎല്എമാരുമായും കൗണ്സിലര്മാരുമായും ജനപ്രതിനിധികളുമായും ചേര്ന്ന് വികസനം ഉറപ്പാക്കുകയാണ്. അല്ലാതെ കക്കൂസും തോടുകളും വൃത്തിയാക്കുകയല്ല. ഇക്കാര്യം നിങ്ങള് പ്രത്യേകം മനസിലാക്കണം. നിങ്ങളുടെ കക്കൂസ് വൃത്തിയാക്കാന് വേണ്ടിയല്ല ഞാന് എംപിയായതെന്നും പ്രജ്ഞാസിങ് പറഞ്ഞു.
-
സ്വര്ണത്തിന് എന്തുപറ്റി? യുദ്ധം തുടങ്ങി ഒരാഴ്ചയായിട്ടും വില കൂടുന്നില്ല! വാങ്ങിവെച്ചത് മണ്ടത്തരമായോ? -
സ്വർണ വില ഗ്രാമിന് 27000ത്തിന് മുകളിലോ, പവൻ 2.15 ലക്ഷത്തിലേക്കും?സ്വർണം കൂടുതൽ ഞെട്ടിക്കാനൊരുങ്ങുന്നു..പ്രവചനം -
ഗള്ഫില് സ്വര്ണം കുത്തനെ കുതിച്ചു..! ഇന്ത്യയില് കുറയുമ്പോള് ദുബായില് കൂടാന് കാരണമെന്ത്? -
ഭക്തരോട് മാപ്പ് ചോദിക്കുന്നു; ആറ്റുകാല് അമ്മയ്ക്ക് എന്നെ അറിയാം: വൈകാരിക പ്രതികരണവുമായി അന്ന രാജന് -
വ്യാപകമായി സ്വർണം വിറ്റഴിച്ച് നിക്ഷേപകർ, സ്വർണവിലയിലെ കുറവ് താൽക്കാലികം മാത്രം, ഇനി വൻ കുതിപ്പ് വരും -
സ്വർണ വില ഉച്ചയോടെ വീണ്ടും താഴേക്ക്; വിൽക്കാൻ കാത്തിരുന്നവർ പെട്ടു..ഇനിയും ഇടിഞ്ഞ് വീഴും? -
ഇങ്ങനെ പോയാന് പച്ചക്കറി, ഫ്രൂട്ട്സ് വില കുറയും; നാട് പട്ടിണിയിലാകും, ഗള്ഫ് കയറ്റുമതി നിലച്ചു -
പൊങ്കാല ഇടുമ്പോൾ വീട്ടിലെ സ്വകാര്യ ചിത്രങ്ങൾ പുറത്ത് പ്രചരിപ്പിച്ചു'; തുറന്നടിച്ച് നടി രമ്യ പണിക്കർ -
മൂന്ന് ദിവസം കൊണ്ട് ഇടിഞ്ഞത് 85800 രൂപ! സ്വര്ണം വാങ്ങിയവര്ക്ക് ഇരിപ്പുറക്കുന്നില്ല, മുന്നിലുള്ളത് വന്നഷ്ടം! -
കെ റെയിൽ പദ്ധതിയിൽ നിലപാട് ആവർത്തിച്ച് കേന്ദ്രം; ഡിപിആർ പരിഷ്കരിക്കണം, ബ്രോഡ്ഗേജ് മതി -
നഴ്സുമാർക്ക് എന്തിനാണ് 40,000 രൂപ ശമ്പളം? വിലക്കയറ്റം ഒക്കെ വെറും തോന്നലല്ലേ? പിന്തുണയുമായി നടി സരിത -
37 കോടിയുടെ ബിഗ് ടിക്കറ്റ് ബംപർ മലയാളിക്ക്; തുക ഇങ്ങനെ ചെലവഴിക്കുമെന്ന് ഡ്രൈവറായ വിബീഷ്
Click it and Unblock the Notifications
Sign in with Google