• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

സർക്കാർ ഉദ്യോഗസ്ഥനെക്കൊണ്ട് ഷൂ ഇടീപ്പിച്ച് ബിജെപി മന്ത്രി, രാമായണത്തെ കൂട്ടുപിടിച്ച് ന്യായീകരണം

ദില്ലി: സർക്കാർ ഉദ്യോഗസ്ഥനെക്കൊണ്ട് ഷൂ ഇടിപ്പിക്കുന്ന ബിജെപി മന്ത്രിയുടെ വീഡിയോ വിവാദത്തിൽ. അന്താരാഷ്ട്ര യോഗാ ദിനാചരണത്തിന്റെ ഭാഗമായി സംഘടിപ്പിച്ച പരിപാടിക്കിടെയായിരുന്നു സംഭവം. ഉത്തർപ്രദേശിലെ യോഗി സർക്കാരിൽ മന്ത്രിയായ ലക്ഷ്മി നാരായൺ സിംഗാണ് ഉദ്യോഗസ്ഥനെക്കൊണ്ട് ഷൂ ലേയ്സ് കെട്ടിക്കുന്നത്. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്.

പാലായില്‍ ജോസ് കെ മാണി വിഭാഗത്തെ പിന്തുണയ്ക്കാം; പക്ഷെ ഒറ്റ നിബന്ധനയെന്ന് പിജെ ജോസഫ്

ഷാജഹാൻപൂരിൽ സംഘടിപ്പിച്ച യോഗാദിനാചരണ ചടങ്ങിനിടെയാണ് പാർട്ടി പ്രവർത്തകരും മാധ്യമപ്രവർത്തകരും നോക്കി നിൽക്കെ മന്ത്രി ഉദ്യോഗസ്ഥനെ കൊണ്ട് ഷൂ ലെയ്സ് കെട്ടിക്കുന്നത്. സംഭവത്തിൻറെ ദൃശ്യങ്ങൾ വൈറലായതോടെ മന്ത്രിക്കെതിരെ വിമർശനം ഉയർത്തി നിരവധി പേരാണ് രംഗത്ത് വന്നത്.

എന്നാൽ സംഭവത്തെ ന്യായികരിച്ച് മന്ത്രി രംഗത്ത് എത്തി. രാമായണത്തെ കൂട്ടുപിടിച്ച് രാമനും സഹോദരൻ ലക്ഷ്മണനും തമ്മിലുള്ള ബന്ധം പരാമർശിച്ചായിരുന്നു ന്യായീകരണം. ആരെങ്കിലും ഒരാളെ ചെരുപ്പ് ധരിക്കാൻ സഹായിക്കുകയാണെങ്കിൽ അയാളെ അഭിനന്ദിക്കുകയാണ് വേണ്ടതെന്നും മന്ത്രി പറഞ്ഞു. ഉത്തർപ്രദേശിലെ ന്യൂനപക്ഷ കാര്യ, ക്ഷീര വികസന വകുപ്പ് മന്ത്രിയാണ് ലക്ഷ്മി നാരായൺ സിംഗ്.

യോഗാ ദിനത്തിൽ കോൺഗ്രസ് അധ്യക്ഷൻ രാഹുൽ ഗാന്ധിയും വിവാദത്തിൽപ്പെട്ടിരുന്നു. സൈന്യത്തിന്റെ ഡോഗ് സ്ക്വാഡ് യോഗ ചെയ്യുന്നതിന്റെ ചിത്രം പുതിയ ഇന്ത്യ എന്ന തലക്കെട്ടോടെ രാഹുൽ ട്വിറ്ററിൽ പോസ്റ്റ് ചെയ്തതാണ് വിവാദമായത്. സൈന്യത്തേയും രാജ്യത്തിന്റെ പാരമ്പര്യത്തേയും രാഹുൽ ഗാന്ധി അപമാനിച്ചെന്ന് അമിത് ഷാ അടക്കമുള്ള ബിജെപി നേതാക്കൾ ആരോപിച്ചു.

English summary
BJP minister get shoelace tied by government officer on Yoga day, video
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more