കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

എടിഎം ക്യൂവിലെ സാധാരണക്കാരെ കളിയാക്കി ബിജെപി അദ്ധ്യക്ഷന്‍!! ആര്‍ത്ത് ചിരിച്ച് നേതാക്കള്‍ ! വീഡിയോ

നോട്ട് നിരോധനത്തെ തുടര്‍ന്നുള്ള എടിഎം ക്യൂവിനെ പരിഹസിച്ച് ബിജെപി ദില്ലി അദ്ധ്യക്ഷന്‍. വീഡിയോ വൈറല്‍.

Google Oneindia Malayalam News

ദില്ലി: നോട്ട് നിരോധനത്തിലൂടെ ഏറ്റവുമധികം ബുദ്ധിമുട്ടിലായത് സാധാരണക്കാരാണ് എന്ന് നിസംശയം പറയാം. നെറ്റ് ബാങ്കിംങ്ങോ ഇന്റര്‍നെറ്റ് വഴിയുള്ള പണമിടപാടുകളോ പരിചയമില്ലാത്ത സാധാരണക്കാരനാണ് കുടുങ്ങിയത്. എടിഎമ്മിലെയും ബാങ്കിലെയും ക്യൂവില്‍ നിന്ന് തളര്‍ന്ന് വീണ് മനുഷ്യര്‍ മരിക്കുക പോലുമുണ്ടായി.

എന്നാല്‍ സാധാരണക്കാരന്റെ ഈ ബുദ്ധിമുട്ടുകളൊക്കെ വെറും തമാശയാണ് ഈ ബിജെപി നേതാവിന്. എടിഎമ്മില്‍ പണമെടുക്കാന്‍ ക്യൂ നില്‍ക്കുന്നവരെ പരിഹസിക്കുകയാണ് ബിജെപി എംപി മനോജ് തിവാരി.

നേതാവിന് പരിഹാസം

ദില്ലി ബിജെപി അദ്ധ്യക്ഷനും പാര്‍ലമെന്റ് അംഗവുമായ മനോജ് തിവാരി എടിഎം ക്യൂവില്‍ നില്‍ക്കുന്ന സാധാരണ ജനങ്ങളെ പരിഹസിക്കുന്ന വീഡിയോ സോഷ്യല്‍ മീഡിയയില്‍ വൈറലാവുകയാണ്. തമാശ കേട്ട് ചിരിക്കുന്ന മറ്റ് ബിജെപി നേതാക്കളെയും വീഡിയോയില്‍ കാണാം.

കൂട്ടച്ചിരി..

ഒരു മേശയ്ക്ക് ചുറ്റുമിരുന്ന് നേരംപോക്ക് പറയുന്ന കൂട്ടത്തിലാണ് സാധാരണക്കാരന്റെ ബുദ്ധിമുട്ടുകളെ ദേശസ്‌നേഹവുമായി കൂട്ടിക്കുഴച്ച് ബിജെപി നേതാക്കള്‍ കളിയാക്കുന്നത്. മനോജ് തിവാരിക്കൊപ്പം ബിജെപിയുടെ ദേശീയ വക്താക്കളിലൊരാളായ സുധാന്‍ശു ത്രിവേദി അടക്കമുള്ള നേതാക്കളേയും ദൃശ്യങ്ങളില്‍ കാണാം.

കഷ്ടപ്പാട് നേരംപോക്ക്

വീഡിയോയിലെ മനോജ് തിവാരിയുടെ വാക്കുകള്‍ ഇങ്ങനെയാണ്. താന്‍ നല്ല തിരക്കുള്ള ഒരു എടിഎം ക്യൂവിനടുത്തേക്ക് പോയപ്പോള്‍ ക്യൂവില്‍ നില്‍ക്കുന്ന ആളുകള്‍ അവരുടെ കഷ്ടപ്പാടുകളെക്കുറിച്ച് പറഞ്ഞു. അപ്പോള്‍ താനവര്‍ക്ക് ഒരു ദേശഭക്തിഗാനം പാടിക്കൊടുത്തു എന്ന് പറഞ്ഞ് മറ്റു നേതാക്കള്‍ക്കൊപ്പം ആര്‍ത്തു ചിരിക്കുന്ന ബിജെപി അദ്ധ്യക്ഷനെ വീഡിയോയില്‍ കാണാം.

വീഡിയോ വൈറൽ

നിങ്ങള്‍ ദേശസ്‌നേഹികളാണെന്നും നിങ്ങളുടെ ഈ ത്യാഗം രാജ്യത്തിന് വേണ്ടിയാണെന്നും താന്‍ എടിഎംമ്മില്‍ ക്യൂനില്‍ക്കുന്ന ആളുകളോട് പറഞ്ഞതായും മനോജ് തിവാരി പറയുന്നത് കാണാം. തന്റെ വാക്കുകള്‍ കേട്ട് ദേശസ്‌നേഹം ഉണര്‍ന്ന ആളുകള്‍ ക്യൂവില്‍ തുടരാമെന്ന് പറഞ്ഞു എന്ന് പറഞ്ഞുകൊണ്ട് പൊട്ടിച്ചിരിക്കുന്ന എംപയും ബിജെപി നേതാക്കളുമാണ് വൈറലാവുന്നത്.

പണികൊടുത്ത് സോഷ്യൽ മീഡിയ

ബിഎസ്പിയാണ് തങ്ങളുടെ ഔദ്യോഗിക ട്വിറ്റര്‍ പേജിലൂടെ ഇന്നലെ വൈകിട്ട് വീഡിയോ പുറത്ത് വിട്ടത്. വീഡിയോ സോഷ്യല്‍ മീഡിയ ഏറ്റെടുത്തിരിക്കുകയാണ്. മനോജ് തിവാരിയുടെ പരാമര്‍ശങ്ങള്‍ക്കെതിരെ പ്രതിഷേധം ശക്തമാവുകയാണ്.

ഭോജ്പൂരി സിനിമയിലെ സൂപ്പര്‍താരമായിരുന്നു മനോജ് തിവാരി. അടുത്തിടെയാണ് ബിജെപിയുടെ ദില്ലി ഘടകത്തിന്റെ അദ്ധ്യക്ഷനായി തെരഞ്ഞെടുക്കപ്പെട്ടത്. നോര്‍ത്ത് ഈസ്റ്റ് ദില്ലി മണ്ഡലത്തില്‍ നിന്നാണ് പാര്‍ലമെന്റിലേക്ക് തെരഞ്ഞെടുക്കപ്പെട്ടത്.

English summary
In a video BJP leader Manoj Tiwari is seen making fun of people queuing up before ATMs. The video is going viral.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X