Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
താജ്മഹല്‍ ശിവക്ഷേത്രമായിരുന്നു; ഷാജഹാന്‍ പിടിച്ചെടുത്തത്, വിവാദത്തിന് തിരികൊളുത്തി ബിജെപി
ദില്ലി: ഇന്ത്യയുടെ പ്രേമത്തിന്റെ പ്രതീകവും പൈതൃക കേന്ദ്രവുമായി താജ്മഹല്‍ ശിവ ക്ഷേത്രമായിരുന്നുവത്രെ. മുഗള്‍ ചക്രവര്‍ത്തിയായിരുന്ന ഷാജഹാന്‍ ക്ഷേത്രം പിടിച്ചെടുക്കുകയായിരുന്നു. ബിജെപിയുടെ മുതിര്‍ന്ന നേതാവും എംപിയുമായ വിനയ് കത്യാരാണ് വിവാദമായ പ്രസ്താവ നടത്തിയത്.
സിഎന്‍എന്‍-ന്യൂസ് 18ക്ക് അനുവദിച്ച അഭിമുഖത്തിലാണ് വിനയ് കത്യാരുടെ വിവാദ പരാമര്‍ശം. ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ് താജ്മഹല്‍ സന്ദര്‍ശിക്കുന്നതുമായി ബന്ധപ്പെട്ട ചോദ്യത്തോട് പ്രതികരിക്കവെയാണ് വിനയ് കത്യാര്‍ ശിവക്ഷേത്രം പിടിച്ചെടുത്ത കാര്യം വിശദീകരിച്ചത്.
അത് താജ് മഹല്‍ അല്ല. തേജോ മഹല്‍ ആണ്. ശിവക്ഷേത്രമായിരുന്നു. ഷാജഹാന്‍ അദ്ദേഹത്തിന്റെ പത്‌നിയെ സംസ്‌കരിച്ചത് അവിടെയാണ്. ഹിന്ദു രാജാവാണ് തേജോ മഹല്‍ നിര്‍മിച്ചത്- വിനയ് കത്യാര്‍ പറഞ്ഞു.
താജ്മഹല്‍ ഇന്ത്യന്‍ സംസ്‌കാരത്തിനേറ്റ തീരാ കളങ്കമാണെന്ന് കഴിഞ്ഞദിവസം ബിജെപി എംഎല്‍എ സംഗീത് സോം പറഞ്ഞിരുന്നു. രാജ്യദ്രോഹികളാണ് അത് നിര്‍മിച്ചതെന്നായിരുന്നു സോമിന്റെ വാക്കുകള്‍. താജ് മഹല്‍ നിര്‍മിച്ച വ്യക്തി ഹിന്ദുക്കളെ ഇല്ലാതാക്കാന്‍ നോക്കിയ ആളാണെന്നും സോം പറഞ്ഞു.
എന്നാല്‍ സോമിനെ തള്ളിയാണ് മുഖ്യമന്ത്രി യോഗി രംഗത്തെത്തിയത്. താജ്മഹലും ചെങ്കോട്ടയും ഇന്ത്യന്‍ പൈതൃകത്തിന്റെ ഭാഗമാണന്ന് പറഞ്ഞ യോഗി, അത് സംരക്ഷിക്കപ്പെടണമന്നും കാരണം ഇന്ത്യന്‍ തൊഴിലാളികളുടെ രക്തം കൊണ്ടാണത് നിര്‍മിച്ചതെന്നും കൂട്ടിച്ചേര്‍ത്തു.
