15ാം നാള് കഴിഞ്ഞും ഹാക്ക് ചെയ്യപ്പെട്ട സൈറ്റ് തിരിച്ചെടുക്കാനാവാതെ നട്ടം തിരിഞ്ഞ് ബിജെപി
Recommended Video
ദില്ലി: ലോക്സഭാ തിരഞ്ഞെടുപ്പ് അടുത്തിട്ടും ഹാക്ക് ചെയ്യപ്പെട്ട സൈറ്റ് തിരിച്ചെടുക്കാനാവാതെ നട്ടം തിരിഞ്ഞ് ബിജെപി. 'വി വില്ബി ബാക്ക് സൂണ്' (ഉടന് തിരിച്ചുവരും) എന്നാണ് സൈറ്റില് കാണുന്നതെങ്കിലും തിരിച്ച് വരാന് പോയിട്ട് സൈറ്റിന് എന്ത് പറ്റിയെന്ന് കണ്ടെത്താന് പോലും ബിജെപിക്കായിട്ടില്ലെന്നാണ് വിവരം. അതേസമയം വെബ്സൈറ്റിലെ പോരായ്മകള് പരിഹരിച്ച് മികച്ച രീതിയില് തിരിച്ചുകൊണ്ടുവരാന് ശ്രമിക്കുകയാണെന്നാണ് ബിജെപിയുടെ അവകാശവാദം.
എന്നാല് സൈറ്റ് എപ്പോള് പ്രവര്ത്തന സജ്ജമാകും എന്നത് സംബന്ധിച്ച് പറയാന് ഐടി സെല്ലിലെ വിദഗ്ദര്ക്ക് ഇതുവരേയും കഴിഞ്ഞിട്ടില്ല. മാര്ച്ച് അഞ്ചിന് രാവിലെ 11.30 യ്ക്കാണ് സൈറ്റ് ഹാക്ക് ചെയ്ത വിവരം ഐടി വിദഗ്ദരുടെ ശ്രദ്ധതിയില് പെട്ടത്. ഇപ്പോഴും ഉടന് തിരിച്ചു വരും എന്ന സന്ദേശം മാത്രമാണ് സൈറ്റില് കാണിക്കുന്നത്.ഇപ്പോഴും ഉടന് തിരിച്ചുവപുമെന്ന സന്ദേശം മാത്രമാണ് സൈറ്റില് കാണിക്കുന്നത്.
ഹാക്ക് ചെയ്യപ്പെട്ടതിന് ശേഷം മോശമായ ചില പരമാര്ശങ്ങളും വീഡിയോയും സൈറ്റില് പോസ്റ്റ് ചെയ്യപ്പെട്ടിരുന്നു. പിന്നീട് ഇത് നീക്കം ചെയ്യപ്പെട്ടെങ്കിലും സൈറ്റിന്റെ പ്രവര്ത്തനം പുനഃസ്ഥാപിക്കാന് ഇതുവരെയായിട്ടും കഴിഞ്ഞിട്ടില്ല. പ്രധാനമന്ത്രി നരേന്ദ്രമോദിയെ പരിഹസിക്കുന്ന രീതിയിലുള്ള ചില ദൃശ്യങ്ങളും സ്ക്രീന് ഷോട്ടുകളും അസഭ്യ കമന്റുകളുമായിരുന്നു ഹാക്ക് ചെയ്യപ്പെട്ടതിന് പിന്നാലെ സൈറ്റില് പ്രത്യക്ഷപ്പെട്ടിരുന്നത്.