ബിജെപി രാമനില്‍ ഉറച്ചു നില്‍ക്കുമ്പോള്‍ ശിവനെ ഏറ്റെടുത്ത് കോണ്‍ഗ്രസ്; വിഷ്ണുവുമായി എസ്പിയും രംഗത്ത്‌

ദില്ലി: ഇന്ത്യന്‍ രാഷ്ട്രീയ സാഹചര്യത്തില്‍ മതങ്ങള്‍ക്ക് സവിശേഷമായ പങ്കാണുള്ളത്. തീവ്രമായ മതാശയങ്ങളിലൂന്നിയുള്ള രാഷ്ട്രീയപാര്‍ട്ടികളുള്ള രാജ്യത്ത് അധികാരസ്ഥാനങ്ങലെപ്പോലും നിര്‍ണ്ണയിക്കുന്നത് മതങ്ങളാണ്. തിരഞ്ഞെടുപ്പ് അടുക്കുമ്പോള്‍ വോട്ടുറപ്പിക്കാനായി രാഷ്ട്രീയപാര്‍ട്ടികള്‍ വോട്ടുറപ്പിക്കാനായി മതപ്രീണനം പരസ്യമായി തന്നെ പ്രകടിപ്പിക്കാന്‍ തുടങ്ങും. അതിന് ബിജെപി എന്നോ കോണ്‍ഗ്രസ്സെന്നോ വ്യത്യാസമില്ലെന്നാണ് ഇപ്പോഴത്തെ പ്രത്യേകത.

ഹിന്ദു വിഭാഗം കൈവിടുന്ന ഒരു പാര്‍ട്ടിക്കും രാജ്യത്ത് അധികാരത്തില്‍ എത്താന്‍ കഴിയില്ലെന്ന് എല്ലാവര്‍ക്കും അറിയാം. 2019 ലെ ലോക്‌സഭാ തിരഞ്ഞെടുപ്പ് മുന്നില്‍ കണ്ട് ഹിന്ദു ദൈവങ്ങളെ മുറുകേ പിടിച്ചാണ് പാര്‍ട്ടികളുടെ പ്രവര്‍ത്തനം മുന്നോട്ടു പോവുന്നത്.

ബിജെപി രാമനില്‍ തന്നെ അടിയുറച്ച് നില്‍ക്കുമ്പോള്‍ കോണ്‍ഗ്രസാണെങ്കില്‍ ശിവഭക്തിയിലാണ് പ്രതീക്ഷ അര്‍പ്പിക്കുന്നത്. മാനസസരോവര്‍ യാത്ര കഴിഞ്ഞ് സ്വന്തം മണ്ഡലമായ അമേഠിയിലെത്തിയ രാഹുലിനെ ശിവഭക്തരായ കന്‍വാരിയകളായി വേഷമണിഞ്ഞാണ് രാഹുലിനെ സ്വീകരിച്ചത്.

കോണ്‍ഗ്രസ്സും ബിജെപിയും മാത്രമല്ല ദൈവങ്ങളെ കൂട്ടുപിടിച്ചിരിക്കുന്നത്. വിഷ്ണുവിനെ കൂട്ടുപിടിച്ച് എസ്പിയും തങ്ങളുടെ നിലപാട് വ്യക്തമാക്കി രംഗത്ത് വന്നിട്ടുണ്ട്. മഹാവിഷ്ണുവിന്റെ പേരില്‍ മഹാനഗരം നിര്‍മ്മിക്കുമെന്ന വാഗ്ദാനമാണ് എസ്പി അധ്യക്ഷന്‍ അഖിലേഷ് നല്‍കിയിരിക്കുന്നത്. തിരഞ്ഞെടുപ്പ് മുന്നില്‍ കണ്ടാണ് ഈ മതപ്രീണനമെന്ന് ഏവര്‍ക്കും വ്യക്തമാണ്.

English summary

BJP Sticks to Ram, SP Picks Vishnu, Congress Bets on Shiva for Luck in 2019 Polls