കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബൈക്ക് യാത്രികനെ നടുറോഡില്‍ മര്‍ദ്ദിച്ച് ബിഎംടിസി ഡ്രൈവര്‍, വീഡിയോ വൈറല്‍

  • By Aami Madhu
Google Oneindia Malayalam News

ബെംഗളൂരു; നടുറോഡില്‍ വെച്ച് ബിഎംടിസി ഡ്രൈവര്‍ ബൈക്ക് യാത്രികനെ മര്‍ദ്ദിക്കുന്ന വീഡിയോ സോഷ്യല്‍ മീഡിയയില്‍ വൈറല്‍. ബസ് ഡ്രൈവര്‍ ബൈക്ക് യാത്രികനെ തടഞ്ഞ് നിര്‍ത്തി അസഭ്യം പറയുന്നതും മര്‍ദ്ദിക്കുന്നതുമാണ് ദൃശ്യങ്ങളില്‍ ഉള്ളത്. ഹമീദ് എന്നയാളാണ് സംഭവത്തിന്‍റെ വീഡിയോ സോഷ്യല്‍ മീഡിയയില്‍ പങ്കുവെച്ചത്.ബസിനെ വേഗത്തില്‍ അപകരകരമാംവിധം മറികടക്കാന്‍ ശ്രമിച്ചതാണ് ഡ്രൈവറെ പ്രകോപിച്ചതെന്നാണ് വിവരം.

വ്യാഴാഴ്ച മഹാദേവപുരയിലാണ് സംഭവം നടന്നതെന്ന് ഹമീദ് പറയുന്നു.നിയമം കൈയ്യിലെടുക്കാന്‍ ഡ്രൈവര്‍ക്ക് ആരാണ് അധികാരം നല്‍കിയതെന്ന കുറിപ്പോടെയാണ് ഹമീദ് വീഡിയോ പങ്കുവെച്ചത്. വീഡിയോയില്‍ ബൈക്ക് യാത്രികനൊപ്പം ഒരു യുവതിയും ദൃശ്യങ്ങളില്‍ ഉണ്ട്. ഇരുവരും ഹെല്‍മറ്റ് ധരിച്ചിരുന്നില്ല.

bmtc3

സംഭവത്തെ ഹമീദ് ചോദ്യം ചെയ്തതോടെ നീയാരാണ്, കന്നഡയില്‍ സംസാരിക്കൂവെന്ന് ഡ്രൈവര്‍ പറഞ്ഞതായി ഹമീദ് പറയുന്നു. യശ്വന്ത്പൂര് ഡിപ്പോയില്‍ നിന്നുള്ള സന്തോഷ് ബഡിഗറാണ് യുവാവിനെ മര്‍ദ്ദിച്ചതെന്ന് ടൈംസ് ഓഫ് ഇന്ത്യ റിപ്പോര്‍ട്ടില്‍ പറയുന്നു. അതേസമയം സംഭവം വിവാദമായതോടെ ഡ്രൈവര്‍ക്കെതിരെ നടപടി സ്വീകരിക്കുമെന്ന് ബിഎംടിസി വ്യക്തമാക്കി.

ഡ്രൈവര്‍ ട്രെയിനിയാണ്. സംഭവത്തില്‍ അന്വേഷണം തുടങ്ങിയതായും ബിഎംടിസി മാനേജിങ്ങ് ഡയറക്ടര്‍ സി ശിഖ പറഞ്ഞു. ഡ്രൈവറെ അന്വേഷണ വിധേയമായി സസ്പെന്‍റ് ചെയ്തെന്നും അധികൃതര്‍ അറിയിച്ചു. അതേസമയം ബൈക്ക് യാത്രികര്‍ അമിത വേഗതിയിലായിരുന്നുവെന്നും അപകടകരമാംവിധമാണ് ബൈക്ക് ഓടിച്ചിരുന്നതെന്നും ഡ്രൈവര്‍ പറഞ്ഞതായി ബിഎംടിസി അധികൃതരെ ഉദ്ധരിച്ചുള്ള റിപ്പോര്‍ട്ടില്‍ പറയുന്നു.

English summary
BMTC driver slaps two wheelr driver, video goes viral
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X