Click it and Unblock the Notifications
Just In
Don't Miss
-
സിബിന് ഏറ്റവും കൂടുതല് ഭയക്കുന്നത് ഇയാളെ; ജിന്റോയോ ജാസ്മിനോ ഒന്നുമല്ല; പൂട്ടാന് നോക്കി, പാളിപ്പോയി -
ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ് -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
ബോഫോഴ്‌സ് കേസില്‍ സിബിഐ അപ്പീല്‍ നല്‍കി; അട്ടിമറിച്ചത് കോണ്‍ഗ്രസ് സര്‍ക്കാര്‍?
ദില്ലി: ബോഫോഴ്‌സ് കേസില്‍ ഹിന്ദുജ സഹോദരന്മാര്‍ക്കും സ്വീഡിഷ് കമ്പനിക്കുമെതിരെ സുപ്രീംകോടതിയില്‍ സിബിഐ അപ്പീല്‍. 2005ലെ ഡല്‍ഹി ഹൈക്കോടതി വിധി ചോദ്യം ചെയ്താണ് സിബിഐ അപ്പീല്‍ നല്‍കിയത്. കേസില്‍ ഹിന്ദുജ സഹോദരന്മാര്‍ക്കെതിരായ കുറ്റാരോപണങ്ങള്‍ തള്ളിയ ദില്ലി ഹൈക്കോടതി വിധി പ്രതികളെ വെറുതെവിട്ടിരുന്നു.
12 വര്‍ഷങ്ങള്‍ക്കു ശേഷം നല്‍കുന്ന പ്രത്യേകാനുമതി ഹര്‍ജി തള്ളപ്പെടാനാണു സാധ്യത എന്ന അറ്റോര്‍ണി ജനറലിന്റെ ഉപദേശം തള്ളിയാണു സിബിഐ അപ്പീല്‍ നല്‍കിയത്. ഇത്രയും കാലത്തിനുശേഷം പ്രത്യേകാനുമതി ഹര്‍ജി നല്‍കാന്‍ പ്രത്യേക സാഹചര്യങ്ങളോ സംഭവങ്ങളോ ഉണ്ടായിട്ടില്ലെന്നാണു കെ കെ വേണുഗോപാലിന്റെ ഉപദേശം.
കഴിഞ്ഞ വര്‍ഷം ബിജെപി നേതാവും അഭിഭാഷകനുമായ അജയ് കുമാര്‍ അഗര്‍വാള്‍ ഹൈക്കോടതി വിധിക്കെതിരെ ക്രിമിനല്‍ അപ്പീല്‍ നല്‍കിയത് സുപ്രീംകോടതിയുടെ പരിഗണനയിലുണ്ട്. ഇതില്‍ സിബിഐയോടും കോടതി വിശദീകരണം തേടിയിട്ടുണ്ട്. ഇതിനിടെയാണ് സിബിഐയുടെ അപ്പീല്‍.
1990 ലാണ് സിബിഐ കേസില്‍ എഫ്‌ഐആര്‍ രജിസ്റ്റര്‍ ചെയ്യുന്നത്. ബോഫോഴ്‌സ് കമ്പനി പ്രസിഡന്റ് മാര്‍ട്ടിന്‍ ആര്‍ഡ്‌ബോ, ഇടനിലക്കാരന്‍ വിന്‍ ഛദ്ദ, യൂറോപ്പ് കേന്ദ്രീകരിച്ചു പ്രവര്‍ത്തിക്കുന്ന വ്യവസായികളായ ഹിന്ദുജ സഹോദരങ്ങള്‍ എന്നിവര്‍ക്കെതിരെയാണ് ഗൂഢാലോചന, വഞ്ചന, വ്യാജരേഖ ചമയ്ക്കല്‍ എന്നീ കുറ്റങ്ങള്‍ ചുമത്തി എഫ്‌ഐആര്‍ ചുമത്തിയത്. അമേരിക്കയിലെ സ്വകാര്യ ഡിറ്റക്ടീവായ മിഖായേല്‍ ഹെര്‍ഷ്മന്‍ അടുത്തിടെ കേസില്‍ നടത്തിയ അന്വേഷണം അന്നത്തെ രാജീവ് ഗാന്ധി സര്‍ക്കാര്‍ അട്ടിമറിച്ചുവെന്ന് വെളിപ്പെടുത്തിയിരുന്നു.
