സഞ്ജയ് ദത്ത് ജയിലിലെ നല്ല നടപ്പുകാരന്; 25 പുറത്തെത്തുമെന്ന് സ്ഥിരീകരിച്ചു
മുംബൈ: ജയിലിലെ നല്ല നടപ്പുകാരന് എന്ന പേരില് ബോളിവുഡ് താരം സഞ്ജയ് ദത്ത് ഫിബ്രുവരി 25ന് പുറത്തിറങ്ങുമെന്ന് നടന്റെ ഔദ്യോഗിക വക്താവ് സ്ഥിരീകരിച്ചു. ഫിബ്രുവരി 27ന് ദത്ത് പുറത്തിറങ്ങുമെന്നായിരുന്നു നേരത്തെയുണ്ടായിരുന്ന വാര്ത്തകള്. എന്നാല്, 25ന് തന്നെ പുറത്തിറങ്ങുന്നതെന്ന് തിങ്കളാഴ്ച വൈകിട്ട് വക്താവ് അറിയിക്കുകയായിരുന്നു.
60 മാസത്തെ ജയില് ശിക്ഷ ലഭിച്ച സഞ്ജയ് ദത്ത് 50 മാസം ശിക്ഷ അനുഭവിച്ചുകഴിഞ്ഞു. ജയിലിലെ നല്ല നടപ്പുകാര്ക്ക് നല്കുന്ന ആനുകൂല്യം മുതലെടുത്താണ് 10 മാസം മുന്പ് ജയില് മോചിതനാകുന്നതെന്ന് വക്താവ് അറിയിച്ചു. ദത്തിന്റെ ജയില് മോചന വാര്ത്ത വന്നതോടെ ബോളിവുഡിലെ സുഹൃത്തുക്കള് ആവേശത്തിലാണ്.
ദത്തിന്റെ അഭാവത്തില് പാതിവഴിയില് മുടങ്ങിപ്പോയതും തുടങ്ങാനിരിക്കുന്നതുമായ സിനിമകള് പൂര്ത്തിയാക്കാന് കഴിയുമെന്ന പ്രതീക്ഷയിലാണ് ബോളിവുഡ്. ജയിലില് പോകുന്നതിനു തൊട്ടുമുമ്പും ബോളിവുഡിലെ ഹിറ്റുനായകനായിരുന്നു സഞ്ജയ് ദത്ത്. തന്റെ സമകാലികര് തിരശ്ശീലയ്ക്ക് പിന്നിലായപ്പോഴും ഹിറ്റി സിനിമകളുടെ ഭാഗമാകാന് സഞ്ജയ് ദത്തിന് കഴിഞ്ഞിരുന്നു. 500 കോടിയോളം രൂപയുടെ നഷ്ടമാണ് സഞ്ജയ് ദത്ത് ജയിലില് പോയതുമൂലം ബോളിവുഡിന് സംഭവിച്ചത് എന്നാണ് വിലയിരുത്തല്.
1993 ലെ മുംബൈ സ്ഫോടന പരമ്പരയുമായി ബന്ധപ്പെട്ടാണ് സഞ്ജയ് ദത്തിനെതിരെ കേസെടുക്കുന്നത്. ദത്തിന്റെ വീട്ടില് നടത്തിയ പരിശോധനയില് തോക്ക് കണ്ടെത്തിയിരുന്നു. കേസില് അഞ്ചുവര്ഷത്തെ ശിക്ഷയാണ് താരത്തിന് ലഭിച്ചത്.