ഐശ്വര്യ റായിക്കും മകള്ക്കും കൊവിഡ് മുക്തി; അമിതാഭ് ബച്ചനും അഭിഷേകും ചികിത്സയില്
ദില്ലി: ബോളിവുഡ് താരം ഐശ്വര്യ റായിക്കും മകള് ആരാധ്യക്കും കൊവിഡ് മുക്തി. ഇരുവരും ആശുപത്രി വിട്ടു. അഭിഷേക് ബച്ചനാണ് ഇക്കാര്യം ട്വിറ്ററിലൂടെ അറിയിച്ചത്. പത്ത് ദിവസത്തിന് ശേഷമാണ് ഇരുവരും രോഗമുക്തി നേടി ആശുപത്രി വിട്ടത്. മുംബൈയിലെ നാനാവതി ആശുപത്രിയിലാണ് എല്ലാവരും ചികിത്സയില് കഴിയുന്നത്.
അതേസമയം അഭിഷേക് ബച്ചനും അമിതാഭ് ബച്ചനും ചികിത്സയില് തുടരുകയാണ്.
' എല്ലാവരുടേയും പ്രാര്ത്ഥനകള്ക്കും സ്നേഹാന്വേഷണങ്ങള്ക്കും നന്ദി. കൊവിഡ് പരിശോധന ഫലം നെഗറ്റീവായതിന് പിന്നാലെ ഐശ്വര്യയും ആരാധ്യയും വീട്ടിലേക്ക് മടങ്ങി. ഞാനും പിതാവും ആശുപത്രിയില് ചികിത്സയില് തുടരും.' എന്നായിരുന്നു അഭിഷേക് ബച്ചന്റെ ട്വീറ്റ്.
Recommended Video
അമിതാഭ് ബച്ചനായിരുന്നു ആദ്യം കൊവിഡ് സ്ഥിരീകരിക്കുന്നത്. പിന്നീട് അഭിഷേക് ബച്ചനും ഐശ്വര്യറായിക്കും ആരാധ്യക്കും കൊവിഡ് സ്ഥിരീകരിക്കുകയായിരുന്നു. അതേസമയം അമിതാഭ് ബച്ചന്റെ ഭാര്യ ജയ ബച്ചന്റെ കൊവിഡ് ഫലം നെഗറ്റീവായിരുന്നു.,
തങ്ങളുമായി സമ്പര്ക്കത്തിലേര്പ്പെട്ട എല്ലാവരും സ്വയം നീരീക്ഷണത്തില് പോകണമെന്ന് കൊവിഡ് സ്ഥിരീകരിച്ച ഉടന് തന്നെ അമിതാഭ് ബച്ചനും അഭിഷേക് ബച്ചനും ആവശ്യപ്പെട്ടിരുന്നു. ഇരുവരും ട്വിറ്ററിലൂടെയാണ് കോവിഡ് സ്ഥിരീകരിച്ച കാര്യം അറിയിച്ചത്. 'എനിക്ക് കൊവിഡ് പോസിറ്റീവ് സ്ഥിരീകരിച്ചു, ആശുപത്രിയിലേക്ക് മാറ്റിയിരിക്കുകയാണ്, ആശുപത്രി അധികൃതര് ആരോഗ്യ വകുപ്പുമായി ബന്ധപ്പെട്ടവരെ അറിയിച്ചിട്ടുണ്ട്. കുടുബവും ജീവനക്കാര് പരിശോധനകള്ക്ക് വിധേയരായി ഫലം കാത്തിരിക്കുകയാണ്. കഴിഞ്ഞ 10 ദിവസമായി എന്നോട് അടുത്ത് ഇടപഴകിയവര് ദയവ് ചെയ്ത് ടെസ്റ്റ് നടത്തണമെന്ന് അഭ്യര്ത്ഥിക്കുന്നു'- എന്നായിരുന്നു അമിതാഭ് ബച്ചന്റെ ട്വീറ്റ്.
'വേദനിപ്പിക്കാനായി ചെയ്തതല്ല..മറുപടി കൊടുക്കുക മാത്രമായിരുന്നു'; ക്ഷമ ചോദിച്ച് അഹാന കൃഷ്ണ..!!
അഴിമതിയുടെ കാര്യത്തില് സിപിഎമ്മിന് മുന്നണിയൊന്നും പ്രശ്നമില്ല, പരിഹാസവുമായി കെ സുരേന്ദ്രന്