മല്ലിക ഷെരാവത്തിന് നേരെയും ആക്രമണം, പാരിസ് അപ്പാര്‍ട്ട്‌മെന്റ് സെലിബ്രിറ്റികള്‍ക്ക് പേടി സ്വപ്നം!!

പാരീസ് അപ്പാര്‍ട്ട്‌മെന്റിലായിരുന്ന മല്ലികയെ മുഖം മൂടി ധരിച്ചെത്തിയവര്‍ വച്ച് ആക്രമിക്കുകയായിരുന്നു

ദില്ലി: ബോളിവുഡ് താരം മല്ലിക ഷെരാവത്തിനെ ഫ്‌ളാറ്റില്‍ വച്ച് അഞ്ജാതര്‍ ആക്രമിച്ചു. ബോയ് ഫ്രണ്ടിനൊപ്പം പാരീസ് അപ്പാര്‍ട്ട്‌മെന്റിലായിരുന്ന മല്ലികയെ മുഖം മൂടി ധരിച്ചെത്തിയവര്‍ വച്ച് ആക്രമിക്കുകയായിരുന്നുവെന്ന് ഡെയ്‌ലി മെയില്‍ റിപ്പോര്‍ട്ട് ചെയ്യുന്നത്. നവംബര്‍ 12 ന് രാത്രി 9.30 ഓടെയായിരുന്നു സംഭവം.

മല്ലികയെ മര്‍ദിക്കുകയും കണ്ണീര്‍ പ്രയോഗിക്കുകയും ചെയ്തതായും ഡെയ്‌ലി റിപ്പോര്‍ട്ടില്‍ വ്യക്തമാക്കുന്നു. മുഖം മറച്ചെത്തിയ ആക്രമികള്‍ അപ്പാര്‍ട്ട്‌മെന്റ് വിട്ട് പോയതിന് ശേഷമാണ് ഇരുവരും എമര്‍ജന്‍സി സര്‍വ്വീസില്‍ വിവരമറിയിച്ചത്. പാരിസ് ദിനപത്രമായ ലെ പാരീസിയന്‍ ദിനപത്രത്തെ ഉദ്ധരിച്ച് ഡെയ്‌ലി മെയിലാണ് വാര്‍ത്ത റിപ്പോര്‍ട്ട് ചെയ്തിട്ടുള്ളത്.

നേരത്തെ പാരീസ് അപ്പാര്‍ട്ട്‌മെന്റില്‍ വച്ച് കിം കര്‍ദാഷിയാന് നേരെയും സമാന രീതിയില്‍ ആക്രമണമുണ്ടായിരുന്നു. കര്‍ദാഷിയാന്റെ അപ്പാര്‍ട്ട്‌മെന്റിന്റെ സമീപത്തുള്ള ഫ്‌ളാറ്റില്‍ വച്ചാണ് മല്ലികയും ആക്രമിക്കപ്പെട്ടിട്ടുള്ളത്. സംഭവത്തില്‍ കേസെടുത്ത പൊലീസ് അന്വേഷണം ആരംഭിച്ചിട്ടുണ്ട്. കര്‍ദാഷിയാനെ തോക്കിന്‍ മുനയില്‍ നിര്‍ത്തി ആക്രമണകാരികള്‍ കവര്‍ച്ച നടത്തുകയായിരുന്നു.

English summary

Bollywood actress Mallika Sherawat attacked in Paris apartment. Mallika was attacked by masked intruders in her own Paris apartment. Not only that, but she was tear-gassed and beaten-up as well, reports indicates.