Click it and Unblock the Notifications
Just In
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
എആര്‍ റഹ്മാനെതിരെ ഫത്‌വ: ഞെട്ടിത്തരിച്ച് ബോളിവുഡ്!
മുംബൈ: പ്രശസ്ത സംഗീത സംവിധായകന്‍ എ ആര്‍ റഹ്മാനെതിരെ മുസ്ലിം മതപണ്ഡിതരുടെ ഫത്‌വ. മുംബൈ കേന്ദ്രമായി പ്രവര്‍ത്തിക്കുന്ന റസ അക്കാദമിയാണ് ഓസ്‌കാര്‍ അവാര്‍ഡ് ജേതാവായ എ ആര്‍ റഹ്മാനെതിരെ ഫത്‌വ പുറപ്പെടുവിച്ചിരിക്കുന്നത്. പ്രവാചകനെ ദൃശ്യവത്കരിക്കുകയോ ചിത്രീകരിക്കുകയോ ചെയ്യരുത് എന്ന പ്രവാചക കല്‍പന തെറ്റിച്ചു എന്ന കാരണം പറഞ്ഞാണ് ഫത്‌വ.
എ ആര്‍ റഹ്മാനെതിരെ മാത്രമല്ല ഇറാനിയന്‍ സംവിധായകനായ മജീദ് മജീദിക്കെതിരെയും മതപണ്ഡിതരുടെ വിലക്കുണ്ട്. മുഹമ്മദ്: ദി മെസ്സഞ്ചര്‍ ഓഫ് ഗോഡ് എന്ന ചിത്രമാണ് സുന്നി മതപണ്ഡിതരുടെ എതിര്‍പ്പിന് കാരണമായിരിക്കുന്നത്. ഈ ചിത്രം നിരോധിക്കണം എന്നാവശ്യപ്പെട്ട് മുസ്ലിം സംഘടനകള്‍ കഴിഞ്ഞ ദിവസം മഹാരാഷ്ട്ര മുഖ്യമന്ത്രിക്കും കേന്ദ്ര ആഭ്യന്തര മന്ത്രിക്കും കത്തയച്ചിരുന്നു.
പ്രവാചകന്റെ പേര് സിനിമയുടെ പേര് ആയി ഉപയോഗിക്കാന്‍ പാടുള്ളതല്ല. സിനിമയുടെ പേര് ആളുകള്‍ തോന്നും പോലെ ഉപയോഗിക്കും. സിനിമയെക്കുറിച്ച് മോശം പറഞ്ഞാലും ഇവിടെ അപമാനിക്കപ്പെടുന്നത് യഥാര്‍ഥത്തില്‍ പ്രവാചകന്റെ പേരാണ്. മാത്രമല്ല ഈ സിനിമ പ്രവാചകനെ പരിഹസിക്കുന്നതാണ്. സിനിമയില്‍ അഭിനയിച്ചിരിക്കുന്നവര്‍ മുസ്ലിം പോലുമല്ല.
കഴിഞ്ഞില്ല, മുഹമ്മദ്: ദി മെസ്സഞ്ചര്‍ എന്ന സിനിമ മുസ്ലിം മതവിശ്വാസികള്‍ ബഹിഷ്‌കരിക്കണമെന്നും റസ അക്കാദമി പറയുന്നു. പ്രവാചകനെ അപമാനിച്ച മജീദ് മജീദിയും എ ആര്‍ റഹ്മാനും വീണ്ടും കലിമ ചെയ്യണം. വിവാഹം അടക്കം ജീവിതത്തിലെ എല്ലാ ചടങ്ങുകളും വീണ്ടും ചെയ്യണമെന്നും ഫത്‌വ പറയുന്നു. ഇന്ത്യന്‍ സിനിമയുടെ അഭിമാനമായ എ ആര്‍ റഹ്മാനെതിരെ ഫത്‌വ പുറപ്പെടുവിച്ച വാര്‍ത്ത കേട്ട് ഞെട്ടിയിരിക്കുകയാണ് ബോളിവുഡ്.
