അർജന്റീനയില് നിന്നും ക്രൂഡ് ഓയില് എത്തുന്നു; ഇത് ആദ്യം: കൊച്ചിയിലെ റിഫൈനിംഗ് ശേഷിയും ഉയർത്തും
കൊച്ചി: അർജന്റീനയില് നിന്നും ആദ്യമായി ക്രൂഡ് ഓയില് വാങ്ങി പൊതുമേഖലാ സ്ഥാപനമായ ഭാരത് പെട്രോളിയം കോർപ്പറേഷൻ ലിമിറ്റഡ് (ബിപിസിഎൽ). ക്രൂഡ് ഓയില് ഇറക്കുമതി സ്രോതസ്സുകള് വിപുലീകരിക്കുകയെന്ന രാജ്യത്തിന്റെ പ്രഖ്യാപിത നയത്തിന് അനുസൃതമായിട്ടാണ് ബി പി സി എല്ലിന്റെ നീക്കം. 1 മില്യണ് അർജന്റീനിയന് ക്രൂഡ് ഓയിലാണ് യൂറോപ്യൻ വ്യാപാരിയായ മെർക്കുറിയയിൽ നിന്ന് ബി പി സി എൽ വാങ്ങിയിരിക്കുന്നതെന്നാണ് വാർത്താ ഏജന്സിയായ റോയിട്ടേഴ്സ് റിപ്പോർട്ടുന്നത്.
ഇടപാടിനെക്കുറിച്ച് ബി പി സി എല്ലോ മെർക്കുറിയയോ ഇതുവരെ ഔദ്യോഗികമായി സ്ഥിരീകരിച്ചിട്ടില്ല. 2028 ഓടെ ബി പി സി എല്ലിന്റെ റിഫൈനിംഗ് ശേഷി 45 മില്യണ് ടണ്ണായി വികസിപ്പിക്കാൻ ബി പി സി എൽ പദ്ധതിയിടുന്നതായി പൊതുമേഖല സ്ഥാനപനത്തിന്റെ മേധാവി സഞ്ജയ് ഖന്ന നേരത്തെ വ്യക്തമാക്കിയിരുന്നു. നിലവില് 35.3 മില്യണ് ടണ്ണാണ് ബി പി സി എല്ലിന്റെ റിഫൈനിംഗ് ശേഷി.
ബി പി സി എല്ല് കൊച്ചി റിഫൈനറിയുടെ ശേഷി പ്രതിവർഷം 15.5 ദശലക്ഷം ടണ്ണിൽ നിന്ന് 18 ദശലക്ഷം ടണ്ണായി ഉയർത്താനാണ് ബി പി സി എൽ പദ്ധതിയിടുന്നത്. കൂടാതെ, മുംബൈ റിഫൈനറിയുടെ ശേഷി പ്രതിവർഷം 12 ദശലക്ഷം ടണ്ണിൽ നിന്ന് 16 ദശലക്ഷം ടണ്ണായി ഉയർത്താനും നീക്കമുണ്ട്. ഇതോടൊപ്പം 2028 മെയ് മാസത്തോടെ ബിന റിഫൈനറിയുടെ ശേഷി പ്രതിവർഷം 7.8 ദശലക്ഷം ടണ്ണിൽ നിന്ന് 11.3 ദശലക്ഷം ടണ്ണായി ഉയർത്തുമെന്നു പ്രതീകഷയും സഞ്ജയ് ഖന്ന മുന്നോട്ടുവെച്ചു.
കൂടാതെ, പ്രവർത്തന ലാഭം മെച്ചപ്പെടുത്തുന്നതിന് വിലകുറഞ്ഞ ക്രൂഡ് ഓയില് ഗ്രേഡുകൾക്കായുള്ള ശ്രമവും ബി പി സി എൽ തുടരുകയാണ്. ഈ സാഹചര്യത്തിലാണ് അർജന്റീന ഉള്പ്പെടേയുള്ള തെക്കേ അമേരിക്കന് രാഷ്ട്രങ്ങളില് നിന്നുള്ള ഇറക്കുമതി ശക്തിപ്പെടുത്താന് ശ്രമിക്കുന്നതെന്നും ബി പി സി എല് തലവന് പറഞ്ഞു. 2024-25 സാമ്പത്തിക വർഷത്തെ (Q2FY25) ജൂലൈ-സെപ്റ്റംബർ കാലയളവിലെ കണക്കുകള് ഒക്ടോബറില് പുറത്ത് വന്നപ്പോള് കമ്പനിയുടെ ലാഭം 2397 കോടി രൂപയായി. കഴിഞ്ഞ വർഷത്തെ ഇതേ കാലയളവിലെ ലാഭമായി 8501 കോടിയില് നിന്നും 71 ശതമാനത്തിന്റെ ഇടിവാണ് ഇത്തവണയുണ്ടായത്.
അതേസമയം, വെനസ്വേലയില് നിന്നുള്ള ക്രൂഡ് ഓയില് ഇറക്കുമതിയും ഇന്ത്യ പുനഃരാരംഭിച്ചിട്ടുണ്ട്. സ്വകാര്യ റിഫൈനറിയായ റിലയൻസ് ഇൻഡസ്ട്രീസാണ് വെനസ്വേലയുടെ സ്റ്റേറ്റ് ഓയിൽ കമ്പനിയായ പി ഡി വി എസ് എയുമായി ചേർന്ന് ഓയില് ഇറക്കുമതി പുനഃരാരംഭിച്ചത്.അമേരിക്കന് ഉപരോധത്തെ തുടർന്ന് വെനസ്വേലയില് നിന്നുള്ള ഇറക്കുമതി കഴിഞ്ഞ ഏതാനും മാസങ്ങളായി നിർത്തിവെച്ചിരിക്കുകയായിരുന്നു.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത
Click it and Unblock the Notifications
Sign in with Google