ബ്രിജ് ഭൂഷണെ അറസ്റ്റ് ചെയ്യണം, ഗുസ്തി താരങ്ങള്ക്കെതിരായ നടപടി തെറ്റ്; ഡല്ഹി വനിതാ കമ്മീഷന് അധ്യക്ഷ
ന്യൂഡല്ഹി: ലൈംഗികാരോപണം നേരിടുന്ന ഗുസ്തി ഫെഡറേഷന് തലവന് ബ്രിജ് ഭൂഷണ് ശരണ് സിംഗിനെ എത്രയും വേഗം അറസ്റ്റ് ചെയ്യണം എന്ന് ഡല്ഹി വനിതാ കമ്മീഷന് മേധാവി സ്വാതി മലിവാള്. ബ്രിജ് ഭൂഷണിന് എതിരെ പ്രതിഷേധിക്കുന്ന ഗുസ്തി താരങ്ങളെയും കുടുംബങ്ങളേയും പൊലീസ് വലിച്ചിഴച്ച് കസ്റ്റഡിയില് എടുത്തതിന് പിന്നാലെയാണ് സ്വാതി മലിവാളിന്റെ പ്രതികരണം.
ജന്തര്മന്തറില് സമാധാനപരമായി പ്രതിഷേധിച്ച വനിതാ ഗുസ്തിക്കാരെയും അവരുടെ കുടുംബങ്ങളെയും ഡല്ഹി പോലീസ് മര്ദ്ദിക്കുകയും ബലമായി കസ്റ്റഡിയിലെടുക്കുകയും ചെയ്തതില് തങ്ങള്ക്ക് അഗാധമായ വേദനയുണ്ടെന്ന് പൊലീസ് കമ്മീഷണര് സഞ്ജയ് അറോറക്ക് അയച്ച കത്തില് സ്വാതി മലിവാള് പറഞ്ഞു. ബ്രിജ് ഭൂഷണിനെതിരെ പ്രായപൂര്ത്തിയാകാത്ത പെണ്കുട്ടി ഉള്പ്പെടെ നിരവധി വനിതാ ഗുസ്തി താരങ്ങള് ഗുരുതരമായ ലൈംഗികാരോപണം ഉന്നയിച്ചിരുന്നു.
സുപ്രീം കോടതിയുടെ ഇടപെടലിനെ തുടര്ന്ന് നാല്പ്പതോളം ക്രിമിനല് കേസുള്ള പ്രതിക്കെതിരെ രണ്ട് എഫ് ഐ ആറുകള് രജിസ്റ്റര് ചെയ്തിട്ടുണ്ട് എന്നും സ്വാതി മലിവാള് ചൂണ്ടിക്കാട്ടി. എന്നിട്ടും അദ്ദേഹത്തെ അറസ്റ്റ് ചെയ്യാന് ഡല്ഹി പൊലീസ് പരാജയപ്പെട്ടു. ഇതാണ് ജന്തര് മന്തറില് കഴിഞ്ഞ ഒരു മാസമായി തുടരുന്ന പ്രതിഷേധത്തിന് വനിതാ ഗുസ്തിക്കാരെ നിര്ബന്ധിതരാക്കിയത് എന്നും അവര് കത്തില് പറഞ്ഞു.
'ഡല്ഹിയില്, ഓരോ ദിവസവും 6 ലൈംഗികാതിക്രമ കേസുകള് റിപ്പോര്ട്ട് ചെയ്യപ്പെടുന്നു എന്നും സ്വാതി പറഞ്ഞു. ഓരോ കേസിലും പ്രതിയെ അറസ്റ്റ് ചെയ്യാന് ഡല്ഹി പോലീസ് ശ്രമിക്കുന്നു. പിന്നെ എന്തുകൊണ്ടാണ് ബ്രിജ് ഭൂഷണ് സിങ്ങിനെ നാളിതുവരെ അറസ്റ്റ് ചെയ്യാത്തത് എന്നും അവര് ചോദിച്ചു. ഇത് നഗ്നമായ അനീതിയല്ലാതെ മറ്റൊന്നുമല്ല. ഡല്ഹി പൊലീസിന്റെ ഈ പക്ഷപാതപരമായ മനോഭാവം നീതിയെ പരിഹസിക്കുന്നതാണ്.
മാത്രമല്ല, ഞായറാഴ്ച വനിതാ ഗുസ്തിക്കാരെ ഡല്ഹി പൊലീസ് കൈയേറ്റം ചെയ്യുകയും ബലം പ്രയോഗിച്ച് തടങ്കലില് വെക്കുകയും ചെയ്തു എന്നും സ്വാതി മലിവാള് പറഞ്ഞു. ഇതിന്റെ നിരവധി വീഡിയോകള് സോഷ്യല് മീഡിയയില് പ്രചരിക്കുന്നുണ്ട്. രാജ്യത്തിന്റെ അഭിമാനമായ വനിതകളെ തെരുവില് വലിച്ചിഴച്ചത് പൊലീസ് സേനയ്ക്ക് യോജിച്ചതല്ല എന്നും അവര് പറഞ്ഞു.
സാക്ഷി മാലിക്, വിനേഷ് ഫോഗട്ട്, സംഗീതാ ഫോഗട്ട് എന്നിവരെല്ലാം ഈ രാജ്യത്തിന്റെ ചാമ്പ്യന്മാരാണ്. കോമണ്വെല്ത്ത് ഗെയിംസ് ഉള്പ്പെടെ നിരവധി ദേശീയ അന്തര്ദേശീയ ഫോറങ്ങളില് അവര് രാജ്യത്തിന് ബഹുമതികള് നേടിയിട്ടുണ്ട് എന്നും സ്വാതി പറഞ്ഞു. ലൈംഗികാതിക്രമങ്ങള്ക്കെതിരെ ശബ്ദമുയര്ത്തിയതിന് അവര്ക്ക് നീതി നിഷേധിക്കുകയും ബലമായി തടങ്കലില് വെക്കുകയും ചെയ്യുന്നതിലൂടെ ഡല്ഹി പൊലീസ് ഈ രാജ്യത്തെ സ്ത്രീകളെയും പെണ്കുട്ടികളെയും നിരാശപ്പെടുത്തുകയാണ് എന്നും സ്വാതി മലിവാള് പറഞ്ഞു.
ബ്രിജ് ഭൂഷണ് ശരണ് സിംഗിനെ അടിയന്തരമായി അറസ്റ്റ് ചെയ്യണമെന്നും വനിതാ ഗുസ്തി താരങ്ങളെയും അവരുടെ കുടുംബങ്ങളെയും ഡല്ഹി പോലീസ് ഉടന് വിട്ടയക്കണമെന്നും മലിവാള് കത്തില് ആവശ്യപ്പെട്ടു. ഇവരെ കസ്റ്റഡിയിലെടുത്ത ഉദ്യോഗസ്ഥര്ക്കെതിരെ നടപടിയെടുക്കണമെന്നും അവര് ആവശ്യപ്പെട്ടു.
-
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
"യുദ്ധം പെട്ടെന്ന് അവസാനിക്കുമെന്ന് തോന്നുന്നില്ല, പെട്രോളും ഗ്യാസും ഡീസലും പഴയത് പോലെ കൊടുക്കില്ല" -
ബെംഗളൂരുവിലെ ഹെബ്ബാൾ മുതൽ സിൽക്ക് ബോർഡ് വരെ തുരങ്കപാത; 16.74 കി.മീ ദൈർഘ്യം, ചിലവ് 17,698 കോടി, വൈകുമോ? -
ബിജെപിയുടെ മൂന്നാംഘട്ട സ്ഥാനാർത്ഥി പട്ടിക പ്രഖ്യാപിച്ചു; കൃഷ്ണകുമാറിനെ ഒഴിവാക്കി, വിവേക് ഗോപൻ അരുവിക്കരയിൽ -
'ഞാൻ എഴുതിയ മോഹൻലാലിന്റെ പേരിലെ പുസ്തക പ്രകാശത്തിന് ക്ഷണിച്ചില്ല, പരിപാടി അലങ്കോലമായി'; ശാന്തിവിള ദിനേശ്
Click it and Unblock the Notifications
Sign in with Google