കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മോദിയുടെ വിവാഹം, വിശദീകരണവുമായി സഹോദരന്‍

Google Oneindia Malayalam News

അഹമ്മദാബാദ്: ഗുജറാത്ത് മുഖ്യമന്ത്രി നരേന്ദ്ര മോദിയുടെ വിവാഹമാണ് ദേശീയ രാഷ്ട്രീയത്തിലെ ഇപ്പോഴത്തെ ചൂടുള്ള വാര്‍ത്ത. താന്‍ വിവാഹിതനാണ് എന്ന് മോദി തന്നെ ആദ്യമായി സമ്മതിച്ചതാണ് ഇതിന് കാരണമായത്. മോദി വിവാഹിതനാണ് എന്ന് നേരത്തെയും ഒളിഞ്ഞും തെളിഞ്ഞും റിപ്പോര്‍ട്ടുകള്‍ ഉണ്ടായിരുന്നെങ്കിലും മോദി നേരിട്ട് ഇക്കാര്യം സമ്മതിക്കുന്നത് ഇതാദ്യമായാണ്.

എന്നാല്‍ ഈ വിവാഹക്കാര്യം ഇത്ര വലിയ ചര്‍ച്ചയാക്കേണ്ടതില്ല എന്നാണ് മോദിയുടെ സഹാദരനായ ദാമോദര്‍ ദാസ് മോദി പറയുന്നത്. 45 വര്‍ഷം മുമ്പ് മോദി യെശോദ ബെന്നിനെ വിവാഹം ചെയ്ത കാര്യത്തിലാണ് ദാമോദര്‍ മോദി വിശദീകരണവുമായി വന്നിരിക്കുന്നത്. പതിനേഴാം വയസ്സിലായിരുന്നു മോദിയുടെ വിവാഹം. കുടുംബം സാമ്പത്തികമായും വിദ്യാഭ്യാസപരമായും ഏറെ പിന്നിലായിരുന്ന കാലമായിരുന്നു അത്.

narendra-modi

എന്നാല്‍ വിവാഹജീവിതം വേണ്ടെന്ന് വെച്ച് രാഷ്ട്ര സേവനത്തിന് ഇറങ്ങാനായിരുന്നു മോദിയുടെ തീരുമാനം. മോദിയുടെ വിവാഹക്കാര്യം വോട്ട് ചെയ്യുന്നതില്‍ കാര്യമായി എടുക്കരുത് എന്നും വോട്ടര്‍മാരോട് മോദി അഭ്യര്‍ഥിച്ചു. വഡോദരയില്‍ നാമനിര്‍ദേശ പത്രിക സമര്‍പ്പിക്കവെയാണ് താന്‍ വിവാഹിതനാണ് എന്നും ഭാര്യയുടെ പേര് യശോദ എന്നാണെന്നും മോദി സത്യവാങ്മൂലത്തില്‍ പറഞ്ഞത്.

മുമ്പ് തിരഞ്ഞെടുപ്പില്‍ മത്സരിച്ചപ്പോഴൊന്നും പത്രികയില്‍ ഭാര്യ എന്ന കോളം മോദി പൂരിപ്പിച്ചിരുന്നില്ല. ഇത്തവണ ബി ജെ പിയുടെ പ്രധാനമന്ത്രി സ്ഥാനാര്‍ഥിയായി മത്സരരംഗത്ത് ഇറങ്ങുമ്പോഴാണ് മോദി ആദ്യമായി ഇക്കാര്യം സമ്മതിക്കുന്നത്. അധ്യാപികയായിരുന്ന യശോദ ബെന്‍ അടുത്തിടെ സര്‍വ്വീസില്‍ നിന്നും വിരമിച്ച ശേഷം ഒരു ദേശീയ മാധ്യമത്തിന് അഭിമുഖം നല്‍കിയിരുന്നു.

English summary
Brother Damodardas issues clarification on Narendra Modi's marriage
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X