Click it and Unblock the Notifications
Just In
Don't Miss
-
നിന്റെ അവസ്ഥ അവന് കണ്ടുകൂടെ, എത്രത്തോളം ഫ്രണ്ട്ഷിപ്പുണ്ടെന്ന് ഇപ്പോൾ അറിഞ്ഞോ; പവർ ടീമും ഗബ്രിയും വഴക്കിൽ -
IPL 2024: 18, 12; വീണ്ടും വിക്കറ്റ് വലിച്ചെറിഞ്ഞ് സഞ്ജു! ഇങ്ങനെ പോയാല് ലോകകപ്പ് നോക്കേണ്ട -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ബിഎസ്എഫ് ജവാന്‍ വിദേശി; 35 വര്‍ഷമായി സൈന്യത്തില്‍, വിവാദമായി ട്രൈബ്യൂണല്‍ ഉത്തരവ്
ദില്ലി: ബിഎസ്എഫ് ജവാന്‍ വിദേശിയാണെന്ന് അസമിലെ വിദേശികള്‍ക്കുള്ള ട്രൈബ്യൂണലിന്റെ പ്രഖ്യാപനം. അസമിലെ ജോര്‍ഹട്ട് ജില്ലയിലുള്ള മുസിബുര്‍ റഹ്മാന്‍ വിദേശിയാണെന്നാണ് ട്രൈബ്യൂണല്‍ പ്രഖ്യാപിച്ചിരിക്കുന്നത്. ഇദ്ദേഹത്തിന്റെ ഭാര്യയും വിദേശിയാണെന്ന് ട്രൈബ്യൂണല്‍ പ്രഖ്യാപിച്ചു. അതേസമയം, ഇദ്ദേഹത്തിന്റെ രക്ഷിതാക്കളും ബന്ധുക്കളും ഇന്ത്യക്കാരുടെ പട്ടികയിലുണ്ട്. അസമിലെ വിവാദമായ പൗരത്വ പട്ടിക പരിശോധിച്ചാണ് ട്രൈബ്യൂണലിന്റെ പ്രഖ്യാപനം.
അസമില്‍ പൗരത്വം തെളിയിക്കുന്നതിന് വ്യക്തമായ രേഖകള്‍ ഹാജരാക്കാത്തവരെ വിദേശികളായി പ്രഖ്യാപിക്കുന്നതിനെതിരെ പ്രതിഷേധം വ്യാപകമാണ്. രേഖകള്‍ ഇല്ലാത്തവരെ ബംഗ്ലാദേശുകാരായി കണക്കാക്കി വിദേശികളുടെ പട്ടികയില്‍ ഉള്‍പ്പെടുത്തുകയാണ് ചെയ്യുന്നത്. 35 വര്‍ഷമായി അതിര്‍ത്തി രക്ഷാ സേനയില്‍ പ്രവര്‍ത്തിക്കുകയാണ് മുസീബുര്‍ റഹ്മാന്‍. ഇദ്ദേഹത്തിന്റെ ഭാര്യയൊഴികെ എല്ലാ കുടുംബാംഗങ്ങളും ഇന്ത്യക്കാരുടെ പട്ടികയിലാണ് ഇടംപിടിച്ചിരിക്കുന്നത്.
എന്താണ് സംഭവിച്ചതെന്ന് വ്യക്തമല്ല. വിഷയം പരിഹരിക്കാന്‍ സര്‍ക്കാരിനോട് ആവശ്യപ്പെട്ടിട്ടുണ്ടെന്നും മുസീബുര്‍ റഹ്മാന്‍ പിതാവ് പറഞ്ഞു. പഞ്ചാബില്‍ സേവനം അനുഷ്ടിക്കുന്ന മുസീബുര്‍ റഹ്മാന്‍ അവധിക്ക് നാട്ടിലെത്തിയപ്പോഴാണ് ഇക്കാര്യം അറിഞ്ഞത്. നേരത്തെ മുന്‍ സൈനിക ഓഫീസര്‍ മുഹമ്മദ് സനാഉല്ല പൗരത്വ പട്ടികയ്ക്ക് പുറത്തായതും വിവാദമായിരുന്നു.
അതേസമയം, മകന്‍ പൗരത്വ പട്ടികയില്‍ ഇല്ലാത്തത് സംബന്ധിച്ച് തനിക്ക് ട്രൈബ്യൂണലിന്റെ നോട്ടീസ് ലഭിച്ചിട്ടില്ലെന്ന് മുസീബുര്‍ റഹ്മാന്റെ പിതാവ് ന്യൂ ഇന്ത്യന്‍ എക്‌സ്പ്രസിനോട് പറഞ്ഞു. 1923 മുതലുള്ള ഭൂമി രേഖകള്‍ കുടുംബത്തിന്റെ പക്കലുണ്ട്. യഥാര്‍ഥ ഇന്ത്യക്കാരെ ഇത്തരത്തില്‍ പീഡിപ്പിക്കരുതെന്നും അദ്ദേഹം പറഞ്ഞു.
കാര്‍ഗില്‍ യുദ്ധത്തില്‍ പങ്കെടുത്ത സൈനികന്‍ സനാഉല്ലയെ പൗരത്വ പട്ടികയില്‍ നിന്ന് പുറത്തായതിനെ തുടര്‍ന്ന് കസ്റ്റഡിയിലെടുത്തിരുന്നു. പിന്നീട് ഗുവാഹത്തി ഹൈക്കോടതി ഇദ്ദേഹത്തിന് ജാമ്യം നല്‍കി. അസമിലെ വിവിധ ജില്ലകളിലായി 100 ഫോറിനേഴ്‌സ് ട്രൈബ്യൂണല്‍ പ്രവര്‍ത്തിക്കുന്നുണ്ട്. 1.17 ലക്ഷം പേരെ വിദേശികളായി പ്രഖ്യാപിച്ചിട്ടുണ്ടെന്നാണ് ആഭ്യന്തര സഹമന്ത്രി ജി കിഷണ്‍ റെഡ്ഡി പറയുന്നത്.
