കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പാകിസ്താന്‍ ആക്രമണം ആവര്‍ത്തിക്കുന്നു, ഷെല്ലാക്രമണത്തില്‍ ബിഎസ്എഫ് ജവാന്‍ കൊല്ലപ്പെട്ടു

ബീഹാറില്‍ നിന്നുള്ള ജിതേന്ദ്ര കുമാറാണ് മരിച്ചത്

  • By Sandra
Google Oneindia Malayalam News

ശ്രീനഗര്‍: പാകിസ്താന്‍ നടത്തിയ ഷെല്ലാക്രമണത്തില്‍ ബിഎസ്എഫ് ജവാന്‍ കൊല്ലപ്പെട്ടു. ആറ് സാധാരണക്കാര്‍ക്കും പാകിസ്താന്‍ നടത്തിയ ആക്രമണത്തില്‍ പരിക്കേറ്റു. ബീഹാറില്‍ നിന്നുള്ള ജിതേന്ദ്ര കുമാറാണ് മരിച്ചത്. വ്യാഴാഴ്ച രാവിലെ ജമ്മു കശ്മീരിലെ ആര്‍എസ് പുര, അര്‍ണിയ സെക്ടറുകളിലാണ് പാക് സൈന്യം വെടിനിര്‍ത്തല്‍ കരാര്‍ ലംഘിച്ച് ഷെല്ലാക്രമണം നടത്തിയത്. രാത്രി ആരംഭിച്ച ആക്രമണം രാവിലെ വരെയും തുടരുകയായിരുന്നു.

ഇന്ത്യ പാക് അധീന കശ്മീരില്‍ നടത്തിയ സര്‍ജിക്കല്‍ സ്‌ട്രൈക്കിനെ തുടര്‍ന്ന് പാക് പ്രകോപനം ശക്തമായതോടെ ചില അതിര്‍ത്തി ഗ്രാമങ്ങളില്‍ നിന്ന് ആളുകളെ ഒഴിപ്പിച്ചിരുന്നു. ഇതിന് പിന്നാലെയാണ് ഇന്ത്യന്‍ സൈനിക പോസ്റ്റുകള്‍ക്ക് പുറമേ അതിര്‍ത്തി ഗ്രാമങ്ങളിലെ വീടുകള്‍ക്ക് നേരെയും പാകിസ്താന്‍ ശക്തമായ ഷെല്ലാക്രമണം നടത്തുന്നത്.

പരിക്കേറ്റവര്‍

പരിക്കേറ്റവര്‍

പാക് ഷെല്ലാക്രമണത്തില്‍ പരിക്കേറ്റ അര്‍ണിയ സ്വദേശികളായ ആറ് പേരെ ആശുപത്രിയില്‍ പ്രവേശിപ്പിച്ചിട്ടുണ്ട്.

വീടുകള്‍ക്ക് കേടുപാട്

വീടുകള്‍ക്ക് കേടുപാട്

അര്‍ണ്ണിയയിലെ അതിര്‍ത്തി പോസ്റ്റുകള്‍ക്ക് നേരെ നടത്തിയ ആക്രമണത്തില്‍ ജമ്മു ജില്ലയിലെ അന്താരാഷ്ട്ര അതിര്‍ത്തിയ്ക്ക് സമീപത്തുള്ള 20 വീടുകള്‍ തകര്‍ന്നിട്ടുണ്ട്. അര്‍ധരാത്രി മുതല്‍ ആരംഭിച്ച വെടിവെയ്പ്പും മോര്‍ട്ടാര്‍ ഷെല്ലാക്രമണവു രാവിലെ വരെ തുടരുകയായിരുന്നു. ഇന്ത്യന്‍ സൈന്യം ശക്തമായ തിരിച്ചടി നല്‍കി.

ആര്‍എസ് പുരയില്‍ രണ്ട് ദിവസത്തിനിടെ

ആര്‍എസ് പുരയില്‍ രണ്ട് ദിവസത്തിനിടെ

കഴിഞ്ഞ രണ്ട് ദിവസത്തിനിടെ പാക് സൈന്യം ആര്‍എസ് പുരയിലെ ഇന്ത്യന്‍ അതിര്‍ത്തി പോസ്റ്റുകള്‍ക്ക് നേരെയുള്ള ആക്രമണം നടത്തിയതിനെ തുടര്‍ന്ന് സ്ത്രീകളും കുട്ടികളും ഉള്‍പ്പെടെ 16പേര്‍ക്കാണ് ഇതിനകം തന്നെ പരിക്കേറ്റിട്ടുള്ളത്. ഷെല്ല് പൊട്ടിത്തെറിച്ച് ബിഎസ്എഫ് അസിസ്റ്റന്റ് ഇന്‍സ്‌പെക്ടര്‍ എ കെ ഉപാധ്യായയ്ക്ക് പരിക്കേറ്റിരുന്നു.

ആക്രമണം രാത്രിയില്‍

ആക്രമണം രാത്രിയില്‍

രാത്രിയിലായിരുന്നു ഇന്ത്യന്‍ ബോര്‍ഡര്‍ പോസ്റ്റുകള്‍ക്ക് നേരെ പാകിസ്താന്‍ ശക്തമാായ മോര്‍ട്ടാര്‍ ഷെല്ലാക്രമണം നടത്തിയതെന്ന് ഇന്ത്യന്‍ ബിഎസ്എഫ് ജവാന്‍ പറയുന്നു.

അര്‍ണിയയിലും പരിക്കേറ്റവര്‍

ഒക്ടോബര്‍ 25നുണ്ടായ വെടിവെയ്പ്പിലും മോര്‍ട്ടാര്‍ ഷെല്ലാക്രമണത്തിലും എട്ട് പേര്‍ക്ക് പരിക്കേറ്റിരുന്നു. സര്‍ജിക്കല്‍ സ്‌ട്രൈക്കിന് ശേഷം ഇന്ത്യയെ പ്രകോപിപ്പിക്കുന്നത് പാകിസ്താന്‍ പതിവാക്കിയിരുന്നു.

പതിവാകുന്ന പാക് ലംഘനങ്ങള്‍

പതിവാകുന്ന പാക് ലംഘനങ്ങള്‍

വ്യാഴാഴ്ച നടത്തിയ ഷെല്ലാക്രമണത്തോടെ ഒരാഴ്ചക്കിടെ പാകിസ്താന്‍ 30 തവണ വെടിനിര്‍ത്തല്‍ കരാര്‍ ലംഘിച്ചു. ഇതിനിടെ ഒരു ബിഎസ്എഫ് ജവാനും ആറുവയസ്സുകാരനും പാകിസ്താന്റെ ഷെല്ലാക്രമണത്തില്‍ പരിക്കേറ്റിരുന്നു.

English summary
BSF jawan killed in Kashmir's RS Pura due to Pak shell attack. Six injured people were admited in hospital.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X