• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ബജറ്റ് പ്രസംഗത്തില്‍ റെക്കോര്‍ഡിട്ട് ധനമന്ത്രി... മന്‍മോഹന്‍ സിംഗിനെ കടത്തി വെട്ടി, ദൈര്‍ഘ്യം ഇങ്ങനെ

  • By Vidyasagar

ദില്ലി: കേന്ദ്ര ബജറ്റ് ഇത്തവണ കൂടുതല്‍ ജനകീയമായെങ്കിലും നേട്ടമുണ്ടായത് ധനമന്ത്രി നിര്‍മലാ സീതാരാമനാണ്. ബജറ്റിലെ ഏറ്റവും ദൈര്‍ഘ്യമേറിയ അവതരണമാണ് അവര്‍ നടത്തിയത്. മുന്‍ ധനമന്ത്രിയും പ്രധാനമന്ത്രിയുമായിരുന്ന മന്‍മോഹന്‍ സിംഗിന്റെ തന്നെ റെക്കോര്‍ഡാണ് അവര്‍ മറികടന്നത്. രണ്ട് മണിക്കൂറും 41 മിനുട്ടുമാണ് അവര്‍ ബജറ്റ് പ്രസംഗം നടത്തിയത്. പാര്‍ലമെന്റ് ബജറ്റ് ചരിത്രത്തിലെ ഏറ്റവും ദൈര്‍ഘ്യമേറിയ പ്രസംഗമാണിത്.

കഴിഞ്ഞ വര്‍ഷവും ദൈര്‍ഘ്യമേറിയ പ്രസംഗം നിര്‍മലാ സീതാരാമന്‍ നടത്തിയിരുന്നു. രണ്ട് മണിക്കൂര്‍ 17 മിനുട്ട് നേരമാണ് അന്ന് പ്രസംഗം നീണ്ടത്. കഴിഞ്ഞ വര്‍ഷത്തേതിനേക്കാള്‍ 27 മിനുട്ട് കൂടുതലാണ് ഇത്തവണ പ്രസംഗിച്ചത്. ഏറ്റവുമധികം വാക്കുകളുളള പ്രസംഗം മന്‍മോഹന്‍ സിംഗാണ് നടത്തിയത്. 18650 വാക്കുകളാണ് മന്‍മോഹന്‍ സിംഗിന്റെ ബജറ്റ് അവതരണത്തില്‍ ഉണ്ടായിരുന്നത്.

മുന്‍ ധനമന്ത്രി ജസ്വന്ത് സിംഗിന്റെ പേരിലാണ് ഏറ്റവും ദൈര്‍ഘ്യമേറിയ പ്രസംഗം എന്ന റെക്കോര്‍ഡുണ്ടായിരുന്നത്. 2003ലാണ് ജസ്വന്ത് സിംഗ് ഈ ബജറ്റ് പ്രസംഗം നടത്തിയത്. രണ്ട് മണിക്കൂര്‍ 13 മിനുട്ട് ദൈര്‍ഘ്യമുണ്ടായിരുന്നു ഈ പ്രസംഗത്തിന്. ഇത്തവണത്തെ പ്രസംഗത്തില്‍ കവിതകളും നിര്‍മല ഉള്‍പ്പെടുത്തിയിരുന്നു. കശ്മീരി കവി ദിനാനാഥ് കൗള്‍ നദീമിന്റെ കവിതയാണ് അവര്‍ ചൊല്ലിയത്. തമിഴ് കവി അവൈയ്യാറുടെ ആദിചൂഡി, തിരുവള്ളുവരുടെ തിരുക്കുറല്‍ എന്നിവയും പ്രസംഗത്തില്‍ ഉള്‍പ്പെടുത്തിയിരുന്നു.

cmsvideo
    Budget 2020: Nirmala Sitharaman Quotes Kashmiri Poet | Oneindia Malayalam

    2014ല്‍ മുന്‍ ധനമന്ത്രി അരുണ്‍ ജെയ്റ്റ്‌ലിയും ദൈര്‍ഘ്യമേറിയ പ്രസംഗം നടത്തിയിരുന്നു. രണ്ട മണിക്കൂര്‍ പത്ത് മിനുട്ടായിരുന്നു പ്രസംഗം. അതേസമയം ഇത്തവണത്തെ ബജറ്റില്‍ കൂടുതല്‍ ജനപ്രിയമായ കാര്യങ്ങളാണ് ഉള്‍പ്പെടുത്തിയത്. നികുതിയിളവുകളും പ്രഖ്യാപിച്ചിട്ടുണ്ട്. അഞ്ച് ലക്ഷം രൂപ വരെ സമ്പാദിക്കുന്നവര്‍ക്ക് ആദായ നികുതി ഇല്ല. അഞ്ച് ലക്ഷം മുതല്‍ ഏഴര ലക്ഷം വരെ സമ്പാദിക്കുന്നവര്‍ക്ക് വെറും 10 ശതമാനമാണ് നികുതി. പത്ത് ലക്ഷം വരെയുള്ളവര്‍ക്ക് 15 ശതമാനവും പന്ത്രണ്ടര ലക്ഷം വരെയുള്ളവര്‍ക്ക 20 ശതമാനവുമാണ് നികുതി.

    English summary
    budget 2020 fm nirmala sitharaman delivers longest budget speech
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
    X