രാജ്യം ചക്രവ്യൂഹത്തില് അകപ്പെട്ട അഭിമന്യുവിന്റെ അവസ്ഥയില്; കേന്ദ്രത്തെ കടന്നാക്രമിച്ച് രാഹുല്
ന്യൂഡല്ഹി: ലോക്സഭയിലെ ബജറ്റ് ചര്ച്ചയില് കേന്ദ്ര സര്ക്കാരിനെ കടന്നാക്രമിച്ച് പ്രതിപക്ഷ നേതാവ് രാഹുല് ഗാന്ധി. നികുതി ഭീകരതയില് നിന്ന് സാധാരണക്കാര്ക്ക് ആശ്വാസം നല്കുന്ന ഒരു പ്രഖ്യാപനം പോലം ബജറ്റില് ഇല്ല എന്ന് അദ്ദേഹം കുറ്റപ്പെടുത്തി. മന്ത്രിമാര്ക്ക് ഭയമാണ് എന്നും ഈ ഭയം വകുപ്പുകളുടെ പ്രവര്ത്തനത്തെയും ബാധിക്കുന്നു എന്നും രാഹുല് ഗാന്ധി ആരോപിച്ചു.
'ബിജെപിയില് ഒരാള്ക്ക് മാത്രമേ പ്രധാനമന്ത്രിയാകാന് സാധിക്കൂ. പ്രതിരോധ മന്ത്രി താന് പ്രധാനമന്ത്രിയാകണമെന്ന് തീരുമാനിച്ചാല്, ഒരു വലിയ പ്രശ്നമുണ്ട്. അവിടെ വലിയ ഭയം തളംകെട്ടി നില്ക്കുന്നുണ്ട്,' രാഹുല് പറഞ്ഞു. എന്തുകൊണ്ടാണ് ബിജെപിയിലെ തന്റെ സുഹൃത്തുക്കള് ഭയക്കുന്നത് എന്നും അദ്ദേഹം ചോദിച്ചു. മന്ത്രിമാര് ഭയക്കുന്നു, ഇന്ത്യയിലെ കര്ഷകര് ഭയക്കുന്നു, തൊഴിലാളികളും യുവാക്കളും ഭയക്കുന്നു, രാഹുല് പറഞ്ഞു.
അതേസമയം രാഹുല് സംസാരിക്കുമ്പോള് സ്പീക്കര് ഓം ബിര്ള രണ്ട് തവണ ഇടപെട്ടു. ബജറ്റില് ശ്രദ്ധ കേന്ദ്രീകരിക്കണം എന്ന് സ്പീക്കര് രാഹുലിനോട് ആവശ്യപ്പെട്ടു. രാജ്യം ചക്രവ്യൂഹത്തില് അകപ്പെട്ട അഭിമന്യുവിന്റെ അവസ്ഥയിലാണ് എന്നും രാഹുല് പറഞ്ഞു. ഇത് ഇരുപത്തിയൊന്നാം നൂറ്റാണ്ടിലെ ചക്രവ്യൂഹമാണ്. ആറ് പേരാണ് ചക്രവ്യൂഹത്തെ നിയന്ത്രിക്കുന്നത് എന്നും രാഹുല് പറഞ്ഞു.
'പ്രധാനമന്ത്രി നരേന്ദ്ര മോദി, അമിത് ഷാ, മോഹന് ഭഗവത്, അജിത് ഡോവല്, മുകേഷ് അംബാനി, ഗൗതം അദാനി എന്നിവര് ഈ ചക്രവ്യൂഹത്തെ' നിയന്ത്രിക്കുന്നു,' രാഹുല് പ്രസംഗത്തില് പറഞ്ഞു. ഇതോടെ ഭരണകക്ഷി അംഗങ്ങള് സഭയില് ബഹളം വെച്ചു. സ്പീക്കര് ഓം ബിര്ള ഇടപെട്ട് പാര്ലമെന്ററി പദവി മറന്ന് സംസാരിക്കരുത് എന്നും ആളുകളുടെ പേര് പറയരുതെന്നും രാഹുല് ഗാന്ധിയോട് പറഞ്ഞു.
ഇതിന് 'നിങ്ങള്ക്ക് വേണമെങ്കില് ദേശീയ സുരക്ഷാ ഉപദേഷ്ടാവിന്റേയും വ്യവസായികളുടെയും പേരുകള് ഞാന് നീക്കം ചെയ്യാം,' എന്നായിരുന്നു രാഹുലിന്റെ മറുപടി. പിന്നാലെ ചക്രവ്യൂഹത്തിന് പിന്നിലെ മൂന്ന് ശക്തികള് കുത്തക മൂലധനം എന്ന ആശയം, രാഷ്ട്രത്തിന്റെ സ്ഥാപനങ്ങളും ഏജന്സികളും, രാഷ്ട്രീയ എക്സിക്യൂട്ടീവ് എന്നിവയാണ് എന്ന് രാഹുല് ഗാന്ധി കൂട്ടിച്ചേര്ത്തു.
നികുതി ഭീകരതയ്ക്കൊപ്പം വന്കിട വ്യവസായികളെ അനുകൂലിക്കുന്ന സര്ക്കാര് നയങ്ങളും ചെറുകിട ഇടത്തരം ബിസിനസുകളെ നശിപ്പിക്കുന്നതുമാണ് ഇന്ത്യയില് ഇപ്പോള് യുവാക്കളുടെ വ്യാപകമായ തൊഴിലില്ലായ്മയുടെ കാരണം എന്ന് രാഹുല് ചൂണ്ടിക്കാട്ടി. ബജറ്റില് പ്രഖ്യാപിച്ച ഇന്റേണ്ഷിപ്പ് പ്രോഗ്രാം തമാശയായിരിക്കാം എന്നും അദ്ദേഹം പരിഹസിച്ചു. 'നിങ്ങള് യുവാക്കളുടെ കാല് ഒടിച്ചു, അതിന്മേല് ഒരു ബാന്ഡെയ്ഡ് ഇടുകയാണ് എന്ന് രാഹുല് പരിഹസിച്ചു.
നിങ്ങള് സ്വയം ദേശസ്നേഹികള് എന്ന് വിളിക്കുന്നു, എന്നാല് സൈനികരെ സഹായിക്കാനായി ബജറ്റില് ഒരു പൈസ പോലും അവര്ക്കായി നീക്കിവയ്ക്കാന് നിങ്ങള്ക്ക് കഴിയില്ല, രാഹുല് പറഞ്ഞു. കഴിഞ്ഞ പത്ത് വര്ഷത്തിനിടെ ബിജെപി സര്ക്കാരിന് കീഴില് 70 പേപ്പര് ചോര്ച്ചകള് നടന്നതായി രാഹുല് ഗാന്ധി ആരോപിച്ചു. പരീക്ഷാപേപ്പര് ചോര്ച്ചയാണ് ഇപ്പോള് യുവാക്കളുടെ ഏറ്റവും പ്രധാനപ്പെട്ട വിഷയം.
എന്നാല് ധനമന്ത്രി ഒരിക്കല് പോലും തന്റെ പ്രസംഗത്തില് അത് പരാമര്ശിച്ചില്ലെന്നും അദ്ദേഹം പറഞ്ഞു. മാത്രമല്ല അവര് വിദ്യാഭ്യാസത്തിനായി അനുവദിച്ചത് 20 വര്ഷത്തിനിടയിലെ ഏറ്റവും കുറഞ്ഞ തുകയാണ് എന്നും രാഹുല് ഗാന്ധി വ്യക്തമാക്കി.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google