' കസേര സംരക്ഷിക്കാനുള്ള ബജറ്റ്'; ബജറ്റിന് പിന്നാലെ കേന്ദ്രത്തെ പരിഹസിച്ച് രാഹുൽ ​ഗാന്ധി

ന്യൂഡൽഹി: ധനമന്ത്രി നിർമല സീതാരാമൻ പാർലമെന്റ് അവതരിപ്പിച്ച ബജറ്റിനെ പരിഹസിച്ച് പ്രതിപക്ഷ നേതാവ് രാഹുൽ ​ഗാന്ധിയ കുർസി ബച്ചാവോ ബജറ്റ് എന്നാണ് ( കസേര സംരക്ഷിക്കാനുള്ള ബജറ്റ് ) എന്നാണ് രാഹുൽ പറഞ്ഞത്. കോൺ​ഗ്രസിന്റെ പ്രകടന പത്രികയും മുൻ ബജറ്റുകളും കോപ്പിയടിച്ചെന്നും രാഹുൽ ​ഗാന്ധി എക്സിൽ കുറിച്ചു.

' കസേര സംരക്ഷിക്കാനുള്ള ബജറ്റ്, സംഖ്യകക്ഷികളെ പ്രീണിപ്പിക്കാനായി മറ്റ് സംസ്ഥാനങ്ങളുടെ ചെലവിൽ അവർക്ക് പൊള്ളയായ വാ​ഗ്ദാനങ്ങൾ നൽകുക, ' രാഹുൽ എക്സിൽ‌ കുറിച്ചു. അദാനിയേയും അംബാനിയേയും പ്രീതിപ്പെടുത്തുന്ന ബജറ്റാണെന്നും ഇരുവരുടെയും പേര് പരാമർശിക്കാതെ രാഹുൽ പറഞ്ഞു. ക്രോണികളെ പ്രീതിപ്പെടുത്തുക. സാധാരണക്കാരായ ഇന്ത്യക്കാർക്ക് ആശ്വാസം നൽകാതെയാണ് എ എ കൾക്കുള്ള ആനുകൂല്യങ്ങൾ, അദ്ദേഹം കുറിച്ചു.

ഉൽപാദനക്ഷമത, ജോലി, സാമൂ​ഹിക നീതി, ന​ഗരവികസനം, ഊർജ സുരക്ഷ, അടിസ്ഥാന സൗകര്യങ്ങൾ, പരിഷ്ക്കാരങ്ങൾ എന്നിവയ്ക്കാണ് ബജറ്റിൽ ഊന്നൽ നൽകിയിരിക്കുന്നത് എന്നാണ് ബജറ്റ് അവതരിപ്പിച്ച് മന്ത്രപ പറഞ്ഞത്. മോദിയുടെ നേതൃത്വത്തിൽ വീണ്ടും വിശ്വാസം അർപ്പിച്ചത് കൊണ്ടാണ് ബി ജെ പി സർക്കാർ വീണ്ടും അധികാരത്തിൽ വന്നതെന്നും ആ​ഗോള സമ്പദ്ഘടന പ്രശ്നങ്ങൾ നേരിടുന്നുവെന്നും മന്ത്രി പറഞ്ഞിരുന്നു.

പണപ്പെരുപ്പം ഉൾപ്പെടെയുള്ള പ്രശ്‌നങ്ങളാണ് പ്രധാനമായി നേരിടുന്നതെന്നും എന്നാൽ സുശക്തമായ സമ്പദ്ഘടനയോടെ ഇന്ത്യ വളർച്ചയുടെ പാതയിലാണെന്നും നിർമസാ സീതാരമൻ ബജറ്റ് അവതരിപ്പിച്ച് കൊണ്ട് പറഞ്ഞിരുന്നു. പണപ്പെരുപ്പനിരക്ക് നിയന്ത്രണവിധേയമാക്കാൻ സാധിച്ചുവെന്നു ​ഗരീബ് കല്യാണ് ഓജന അഞ്ച് വർ‌ഷം കൂടിനീട്ടിയത് വഴി 80 കോടി ജനങ്ങൾക്ക് പ്രയോജന ലഭിച്ചെന്നും മന്ത്രി പറഞ്ഞു.

എൻ‌ ഡി എ സഖ്യകക്ഷികളായ ജെ ഡി യു ഭരിക്കുന്ന ബീഹാറിനും ടി ഡി പി ഭരിക്കുന്ന ആന്ധ്രാപ്രദേശിനും കേന്ദ്ര ബജറ്റിൽ നിരവധി പദ്ധതികൾ അനുവദിച്ചിട്ടുണ്ട്. ആന്ധ്രയുടെ തലസ്ഥാനമായ അമരാവതി വികസനത്തിന് 15000 കോടിയാണ് കേന്ദ്ര ബജറ്റിൽ മന്ത്ര നിർമലാ സീതാരാമൻ അനുവദിച്ചിട്ടുള്ളത്. ആന്ധ്രയിലെ ​ഗ്രാമീണ റോഡുകളുടെ നിർമ്മാണത്തിനായി 2.66 കോടിയും അനുവദിച്ചിട്ടുണ്ട്.