ഉത്തർപ്രദേശിൽ രണ്ടു കെട്ടിടങ്ങൾ തകർന്നു വീണു; 3 പേർ മരിച്ചു; നിരവധി പേർ കുടുങ്ങിക്കിടക്കുന്നു

ദില്ലി: ഗ്രേറ്റർ നോയിഡയിൽ 2 കെട്ടിടങ്ങൾ തകർന്ന് വീണ് 3 പേർ മരിച്ചു. നിർമാണത്തിലിരുന്ന ആറു നില കെട്ടിടം സമീപത്തെ നാലു നില കെട്ടിടത്തിന്റെ മുകളിലേക്ക് തകർന്ന് വീണാണ് അപകടം ഉണ്ടായത്. ഗ്രേറ്റർ നോയിഡയിലെ ഷാ ബേരി വില്ലേജിൽ ചൊവ്വാഴ്ച രാത്രി പത്ത് മണിയോടൊണ് അപകടം ഉണ്ടായത്.

നാലു നില കെട്ടിടത്തിൽ 18 കുടുംബങ്ങളാണ് താമസിച്ചിരുന്നത്. നിരവധി ആളുകൾ കെട്ടിടാവശിഷ്ടങ്ങളിൽ കുടുങ്ങിക്കിടക്കുന്നതായാണ് സൂചന. ദേശീയ ദുരന്തനിവാരണ സേന തിരച്ചിൽ നടത്തുകയാണ്. ബിസ്‌റാഖ് പൊലീസ് സ്റ്റേഷൻ പരിധിയിലുള്ളതാണ് കെട്ടിടം.

നിർമാണത്തിലിരുന്ന ആറുനില കെട്ടിടത്തിനുള്ളിൽ 12 തൊഴിലാളികൾ ഉണ്ടായിരുന്നുവെന്നാണ് സൂചന. ഇവർ അവശിഷ്ടങ്ങൾക്കിടയിൽ കുടുങ്ങിക്കിടക്കുകയാണെന്നാണ് കരുതുന്നത്. സംഭവത്തെ പറ്റി അടിയന്തര റിപ്പോർട്ട് നൽകാൻ ഉത്തർപ്രദേശ് മുഖ്യമന്ത്രി യോഗി ആദിത്യനാഥ് ജില്ലാ ഭരണകൂടത്തോട് ആവശ്യപ്പെട്ടിട്ടുണ്ട്. ഇടുങ്ങിയ വഴിയിലാണ് തകർന്നു വീണ കെട്ടിടങ്ങളെന്നത് രക്ഷാപ്രവർത്തനത്തെ ബാധിക്കുന്നുണ്ട്.

#Visuals: Building collapse in Greater Noida's Shah Beri village: 2 dead bodies have been recovered by the NDRF team. pic.twitter.com/k2m0DlKvnp

— ANI UP (@ANINewsUP) July 17, 2018

English summary

3 dead after a 6 storey building falls on another near Delhi, rescue ops on