Click it and Unblock the Notifications
Just In
Don't Miss
-
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബൈ ബൈ സ്മൃതി ഇറാനി; കനയ്യ കുമാറിന്റെ പ്രതികരണം
ദില്ലി: കേന്ദ്ര മാനവശേഷി വകുപ്പുമന്ത്രി സ്മൃതി ഇറാനിയെ മന്ത്രി സ്ഥാനത്തുനിന്നും മാറ്റിയതിനെ ദില്ലി ജവഹര്‍ലാല്‍ നെഹ്‌റു യൂണിവേഴ്‌സിറ്റി സ്റ്റുഡന്റ് യൂണിയന്‍ പ്രസിഡന്റ് കനയ്യ കുമാര്‍ സ്വാഗതം ചെയ്തു. മന്ത്രിയെ മാറ്റിയതിനെ സ്വാഗതം ചെയ്യുന്നെന്ന് കനയ്യ പറഞ്ഞു. എന്നാല്‍ മന്ത്രിസ്ഥാനം മാറ്റിയത് ഒരു ശിക്ഷയായി കരുതുന്നില്ലെന്നും കനയ്യ വ്യക്തമാക്കി.
സ്മൃതി ഇറാനിയെ മാറ്റിയതുകൊണ്ട് രോഹിത് വെമൂലയ്ക്ക് നീതികിട്ടിയിട്ടില്ല. നീതിക്കായി ഇപ്പോഴും കാത്തിരിക്കുകയാണ്. എന്തായാലും സ്മൃതിയ മാറ്റിയത് സ്വാഗതം ചെയ്യുന്നു. ബൈ ബൈ സ്മൃതി ഇറാനി, കനയ്യ പറഞ്ഞു. രോഹിത്തിനെ അപമാനിച്ച മറ്റൊരു മന്ത്രിയായ ബണ്ഡാരു ദത്താത്രേയയെ ജയിലിലിടണമെന്നും കനയ്യ പറഞ്ഞു.
ഹൈദരാബാദ് യൂണിവേഴ്‌സിറ്റിയില്‍ പിഎച്ച്ഡി വിദ്യാര്‍ഥിയായിരുന്ന രോഹിത് വെമുല ആത്മഹത്യ ചെയ്തത് ഏറെ വിവാദമായിരുന്നു. ദളിത് പീഡനത്തിന്റെ ഇരയാണ് രോഹിത്തിന്റെ ആത്മഹത്യയെന്നുകാട്ടി ഇന്ത്യയിലെമ്പാടും പ്രക്ഷോഭം സംഘടിപ്പിക്കപ്പെട്ടു. ദില്ലി യൂണിവേഴ്‌സിറ്റി വിവാദത്തിലൂടെ പേരെടുത്ത കനയ്യയും രോഹിത്തിനുവേണ്ടി രംഗത്തെത്തിയിരുന്നു.
എബിവിപിയുമായുണ്ടായ സംഘട്ടനത്തെ തുടര്‍ന്ന് വെമുല ഉള്‍പ്പെടെയുള്ള വിദ്യാര്‍ഥികളെ സസ്‌പെന്‍ഡ് ചെയ്തിരുന്നു. എബിവിപിയുടെ നിര്‍ദ്ദേശപ്രകാരമാണ് സസ്‌പെന്‍ഷനെന്ന് ആരോപണമുണ്ടായിരുന്നു. ഇതുസംബന്ധിച്ച പ്രതിഷേധം നടക്കുന്നതിനിടെയാണ് രോഹിത് ഹോസ്റ്റല്‍ മുറിയില്‍ ആത്മഹത്യ ചെയ്തത്. രോഹിത്തിന്റെ ആത്മഹത്യയുമായി ബന്ധപ്പെട്ട് സ്മൃതി ഇറാനി നടത്തിയ പരാമര്‍ശങ്ങളും അന്ന് വിവാദമായി.
